الأربعاء، 9 يونيو، 2010

ودعاؤكم علينا لا يُسمع...



"بسم إله السماء الواجب حقه، الذي ملكنا أرضه، وسلّطنا على خلقه..الذي يعلم به الملك المظفر الذي هو من جنس "المماليك"..صاحب مصر وأعمالها، وسائر أمرائها وجندها وكتابها وعمالها، وباديها وحاضرها، وأكابرها وأصاغرها..أنّا جند الله في أرضه، خلقنا من سخطه، وسلّطنا على من حل به غيظه..فلكم بجميع الأمصار معتبر، وعن عزمنا مزدجر..فاتعظوا بغيركم، وسلّموا إلينا أمركم..قبل أن ينكشف الغطاء، ويعود عليكم الخطأ..فنحن ما نرحم من بكى، ولا نرق لمن اشتكى..فتحنا البلاد، وطهرنا الأرض من الفساد..فعليكم بالهرب، وعلينا بالطلب.. فأي أرض تأويكم؟ وأي بلاد تحميكم؟وأي ذلك ترى؟ ولنا الماء والثرى؟ فما لكم من سيوفنا خلاص، ولا من أيدينا مناص فخيولنا سوابق، وسيوفنا صواعق، ورماحنا خوارق، وسهامنا لواحق، وقلوبنا كالجبال، وعديدنا كالرمال. فالحصون لدينا لا تمنع، والجيوش لقتالنا لا تنفع، ودعاؤكم علينا لا يسمع، لأنكم أكلتم الحرام، وتعاظمتم عن رد السلام، وخنتم الأيمان، وفشا فيكم العقوق والعصيان..فأبشروا بالمذلة والهوان (فاليوم تجزون عذاب الهون بما كنتم تعملون) (وسيعلم الذين ظلموا أي منقلب ينقلبون)..وقد ثبت أن نحن الكفرة وأنتم الفجرة..وقد سلطنا عليكم من بيده الأمور المدبرة، والأحكام المقدرة..فكثيركم عندنا قليل، وعزيزكم لدينا ذليل، وبغير المذلة ما لملوككم عينا من سبيل..فلا تطيلوا الخطاب، وأسرعوا رد الجواب..قبل أن تضرم الحرب نارها، وتوري شرارها.. فلا تجدون منا جاهاً ولا عزاً، ولا كتاباً ولا حرزاً، إذ أزتكم رماحنا أزاً..وتدهون منا بأعظم داهية، وتصبح بلادكم منكم خالية، وعلى عروشها خاوية..فقد أنصفناكم، إذ أرسلنا إليكم، ومننا برسلنا عليكم"


دي كانت رسالة التتار لقطز سنة 1260.... بتهيألي التاريخ بيعيد نفسه... بس بشكل مختلف....
تعالو كده نتخيل اليهود لو حبو يبعتولنا رسالة تهديد لو الحاكم بأمره حب يلعب بديله ولا حاجة...
بتهيألي هيبعتووو نفس الكلام... اينعم هيبعتوهلنا علي الفيسبوووك...
وساعتها مش هنعلق روووس الرسل في ميدان التحرير.... واخرنا هنعمل " ريبورت " علي الفيس...
زمان كان فيه حاكم قوووي... حاكم بجد... رد عليهم... 
دلوقتي معندناش اليرد بالنيابة عننا... معندناش اليخلينا نراجع نفسنا وافعلنا...
معندناش روووح علشان نتحكم في مصيرنا....
احنا العملنا كده في نفسنا... اقروو الرسالة تاني وركزو في الحاجات ال لونتها احمر... هتلاقوها حاولينا... وممكن تكون فعلا سبب في ال احنا فيه... لان ربنا مش هيغير ما بقوم حتي يغيرو ما بأنفسهم... 
بس ده مش هيستمر... علي الاقل انا متمناش انه يستمر...
اتمني نغير نفسنا... نغير تفكيرنا ... نغير حياتنا...
ونبقي عارفين اننا نقدر نغير الواقع - علي رأي احمد حلمي - .... نقدر نغير النظام....
نغير النظام...


------------------------------------
اسف اني مكنتش متابع معظم المدونات ال متعود اتبعها... بس كان عندي شوية ظرووف كده ملخبطة الدنيا معايا...

هناك 71 تعليقًا:

أع ـقل مـ ج ـنـونــة يقول...

يارب اكون الكومنت الاولاني ^_^

أع ـقل مـ ج ـنـونــة يقول...

هيه الاولانـــــي :D

نتكلمو بئة ..

بوست تحفة بجد

والرساله دي فعلا هتتكررلنا قريب بس اخرنا ريبورت ع الفيس <_<

احنا المفروض نبدأ من نفسنا بجد

بس الغريبة ان كله عمال يشتم ف الحكومة

ويقول لو اتغيرنا ايه اللى هايحصل

مالحكومة هتفضل حكومة ياجدع :@

يارب الناس تسمع وتفهم ان البداية هتكون مننا احنا :)

ها غسلت سنانك انهاردة ^_^

ربنا معاك ويصلحلك امورك يا ابو علي

ودعواتك عندي اكزام تومورو :D

سمع هوص (Abo 3li) يقول...

أع ـقل مـ ج ـنـونــة

ازيك ياألذ مجنونة...

لو اتغيرنا هنقدر نعدل الحكومة... او نغيرها... لاننا هنبقي قادرين نتكلم ونتحكم في حياتنا... منبقاش عايشين وخلاص...

غسلتها بكلوس أب كمان... ههههههههههههههههه....

ربنا معاكي في الامتحان ياريموووووو... ان شاء الله هيبقي كويس... وهتحلي كويس... متقلقيش... بس ادخلي نامي بقي بلاش سهر... علشان تصحي فايقة....

يلا تصبحي علي خير...

لـــولا وزهـــراء يقول...

استمتعت جداَ بقراءة الرسالة ايه الجرأة دي تسلم ع النقل الجميل وما اشبه اليوم بالبارحة ان اتانا الغزو عيني عينك
لـــولا

Bent Men ElZaman Da !! يقول...

انا حاسه اصلا ان الرساله دى فعلا بتتقال
بس بطريقه غير مباشره
مش مستنين هما فيس بوك يعنى
بس التغيير محتاج يبقى تغيير ككل
ومش انا ولا انت ولا عشره زينا
اللى اتعمل فى سنين مش هيتصلح فى يوم
لكن بالتدريج
ويمكن التمرد اللى جوه اى حد فينا ده على اى حاجه بتحصل حتى لو كان بكلام فى مدونه
احساس بالتغيير فعلا وان لا بقى خلاص ماينفعش اسكت

حفيدة عرابى يقول...

تسلم الايادى
الاختيار والتوقيت موفق جدا
والرسالة كلها ليها علاقة بواقعنا المرير بصورة كبيرة
انا احترت اقول ايه اكتر الكلمات اللى عجبتنى
بس العنوان ممتاز
وحتى التتار عارفين انهم بيذلونا لان ربنا غضبان علينا


ربنا يصلح الاحوال
ومانحرمش من تعليقاتك الجميلة

سمع هوص (Abo 3li) يقول...

لـــولا وزهـــراء

لما الواحد يبقي ضعيف... عدوه بيكون شجاع وقوي عليه... وبجح كمان...

والغزو مش عسكري بس ... الغزو ليه انواع كتير... اخرهم واخطرهم الغزو النفسي...

منوراني يالولا كعادتك...
صباحك بيضحك...

سمع هوص (Abo 3li) يقول...

Bent Men ElZaman Da !!

تغيري أنا و انتي واي حد هيعمل فرق... علي الاقل هيشجع الباقي انهم يخدو نفس الخطوات... وساعتها هيحصل ال انتي عاوزاه...
سرعة التدريج دي احنا البنتحكم فيها...
بس ننوي ... ونعمل... مش ننوي ونقعد مكانا...

والكلام في المدونات حتي لو موصلش لحد ... بيفيد صاحبه علي الاقل...
اتكلمي وومتسكوتيش... وربنا يوفقك ... ويوفقنا...


زيارتك بتسعدني جدااا
صباح الخير ويومك جميل انش شاء الله...

Wanda يقول...

:-)
تعرف التاريخ ده غريب بشكل
تخيل التتار دول بعجها انقسموا لطائفتين
المغول البربرين و التتار المسلمين و الى نشروا الاسلام فى وسط و شرق اسيا
تخيل لما الاسلام كسبهم كسب قد ايه

المشكلة فعلا فى الاصل
بس لو ركزت فى تاريخ مصر لوحده
حتلاقى كل ما النظام يقع و يخوخ
المصرين يقوموا يختاروا و احد منهم يقوم بالامر
عمر كريم- محمد على - عرابى - عبد الناصر
و عادة الى بيختروهم لازم ينسفوا الحمام القديم و يبنوا من جديد

حشوف المستقبل شايل ايه
بس اعتقد على الاقل دلوقتى الشباب بداء يتعلم لعبة السياسة و يدخل يزنق على القدام :-) و الحركة بركة

حالتك المزاجية صعبت عليا قوى
شيل بس دماغك من المكتب و بطل تخبط براسك فيه :-))
المكتب بعدين يبوظ

سمع هوص (Abo 3li) يقول...

حفيدة عرابى

غضب ربنا بيحل علينا لما نعد عنه... وهما بلاء وابتلاء فعلا...
انا اكتر جزء عجبني ال كتبته في العنوان برضه...
شكرا لتعليقك... وشكرا كمان لدعوتك... ربنا يكرمك...

منوراني...
تحياتي..

سمع هوص (Abo 3li) يقول...

Wanda

وانا اقول برضه وانا داخل الباوج لقيته منور... اتاري واندا بنت عمي عندنا... يامرحبا يامرحبا...

عارفة البيغظني في التاريخ ليه؟؟ ان كتير من المؤرخين بيظبطووه حسب توجهتهم السياسية والفكرية... وبينقلو الصورة بدون حيادية... يعني التتار مثلا.. طول عمري اعرف انهم همج وغير منظمين.. مع انهم كانو منظمين جدا وفي منتهي الذكاء... وبيدرسو اعدائهم بشكل عملي جدا ... هما كانو متوحشين وفي منتهي العنف مع اعدائهم بس... بتهيألي صعب مجموعة همجية غير منظمة تعمل اكبر امبراطورية من حيث رقعة الارض في التاريخ...

دي مشكلة اننا ديما مستنين بطل ياخود بأيدنا... رغم ان البطل ده مش هيعمل حاجة لوحده...

ربنا يستر علي المستقبل والحاضر...

متقلقيش علي المكتب... مش هيتكسر... احتمال دماغي التتكسر.. هههههههههه....

صباحك ورد وبنفسج يا ون ون...

صيدلانيه طالعه نازله يقول...

يااااااااااااارب نقدر نتغير و نغير واقعنا للاحسن
من غير ما تجيلنا لا رسائل تهديد و لا تأييد

يارب بس الاول نقدر نغير نفسنا من جوانا ساعتها و الله كل حاجه حلوه حتيجى بالتدريج

سمع هوص (Abo 3li) يقول...

صيدلانيه طالعه نازله

ياريييييييييييييييييييييييييت... يسمع منك ربنا...

صباحك زبادي خلاط... وش بيغمز...

من كل بستان زهرة يقول...

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) ؟

"ودعاؤكم علينا لا يُسمع..."
ياساتر جبروت

بس طبعا هو تفوق في جبروته على التتار
مفتري جبار ظالم وصل من العمر أرذله ولسه عايش على قلبنا
حزر فزر يبقى مين؟؟؟

سمع هوص (Abo 3li) يقول...

من كل بستان زهرة

وأي جبرووت... دي اسمها بالبلدي بلطجة...

لو جاوبت صح ليا جايزة؟؟؟ اكيد الاجابة البطيخة... صح صح صح؟؟؟

صباحك سكر...

صيدلانيه طالعه نازله يقول...

طب زبادى خلاط و مفهمنهاش

ممكن افهم ليه وش بيغمز بقى

هه ليه بقى

انا قاعده لغايه اما الزبادى يخلص و تبطل غمز
هههههههههههههههه

صباح الفل

سمع هوص (Abo 3li) يقول...

صيدلانيه طالعه نازله

ولا انا فاهم اصلا... هههههههههه...
اصل انا عيني بترف من الصبح ومتوجس ريبة.. حلوة متوجس دي...
فعمال اغمز عمال علي بطال...

وصباح الورد...

خواطر شابة يقول...

معك كل الحق هذه الرسالة تنطبق بشكل كبير علينا وعلى زماننا بدرجة ثثير العجب.
انا اؤمن كثيرا ان التغيير سيكون من القاعدة طبعا مش بتاعة اسامة بن لادن انما قاعدة المجتمع وان اي اصلاح لابد أن يبدأ من هناك ان أردنا نتائج
تحياتي وودي

سمع هوص (Abo 3li) يقول...

خواطر شابة

اكيد التغيير لو مكنش له اصول وقواعد ثابتة هيبقي تغيير لحظي... يعني لو الحاكم اتغيير واحنا لسه متغيرناش... يطلعلنا فرعون جديد ودكتاتور جديد... لان ثقافة صناعة الفرعون او الحاكم المعصوم لسه متغيرتش عندنا... وده من اهم الحاجات ال لازم تتغير عند قاعدة العوام...

نورتيني..

تحياتي...

samy يقول...

ابو على

ازيك وحشنى كتير يا باشا

يا رب تكون الظروف المتلخبطة تمام دلوقت

البوست بقى يا كينج

انت متخيل ان اليهود مبيبعتوش رسايل

لالا ابسولوتلى بيبعتو فى كل موقف بيحصل و لية نفس المعنى

اخرها مركب الحرية

اظن الرسلة كانت واضحة وصريحة والناس كتر خيرهم محبوش تبقى متغطية

حبيبى بس اللى يسمع واللى يفهم مش احنا انا بتكلم على اللى فوق اللى عملين مش فاهمين

بوست جامد طبعا ربنا يوفقك ويبعد عنك اللخبطة

يا ابوعلى

سمع هوص (Abo 3li) يقول...

samy

رسايل اليهود يومية فعلا... بس لسه في مرحلة الضرب علي القفا ويقولو مكنش قصدنا... او مش احنا...
بكرة هيضربونا علي قفانا ويسألونا عاوزين تاني... ولا اتهري؟!؟
مهو اصل البجاحة درجات...
شكرا ليك ياباشا... منورني...
تحياتي

wasf_elahsas يقول...

من فدام شاشه المحلول
ال جابتلي حولان و ذهول
قرات خطابك لاخونا المعدول
قلت ف عقل بالي بتقول اية يا شملول
دارت جوايا المعاني باساله من غير حلول
قلت جايز تصحي الشمس بس الظاهر ان الليل هيطول

والله يا ابو علي وحشني كلامك
فجيت اسالم لقيتك مش علي حالك
سلامتك يابني ان شالله اعدائك
انا جاية اسلم عليك واشكرك واتمنالك كل خير
بجد مرسي ليك جدا
تحياتي

انسان عادي يقول...

احم احم
سلامو عليكو

بص اللي انا متاكد منه
ان احنا نقدر نعمل حاجات كتير
بس المهم نكون عايزين نفمل ده
او نلاقي اللي يوجهنا لاننا نعمل ده

اكيد محدش بيرضو بالذل والظلم
واكيد نفسنا نعيش وراسنا مرفوعة لفوق
بس المشكلة ان الدنيا لاهيانا شويه
والحكومة مش سايبة اي منفذ نخرج منه


بس بصراحة
انا بحيي التتار علي الرسالة الجامدة دي
دي لو اتبعتت لنا دلوقتي
اكيد ركبنا هتخبط ع الجيران


شكرا يا ابوعلي
سلامو عليكو

Single Mummy يقول...

واللة اوجزت فأنجزت يا بو على الكلام دا هو اللى بيتقالنا حاليا بس عملى مش ف رسايل ولا تهديدات
نسأل اللة السلامة
بس طمنى اية الظروف اللى عندك يارب تكون خير يابن بلدى
تحياتى انا وحمزة

Just waiting يقول...

لو بصبنا لكل الاحداث التاريخيه هتلاقي التاريخ بيعيد نفسه وبالذات مصر
كل فترة نفس اللي بيحصل هو اللي بيحصل
بس احنا اللي مش بنتعلم كل مرة نتلدغ من نفس الجحر وبنرجعله برضو ومش ناخد بالنا فــيه كدا
اعتقد من وجهة نظري ان الشجرة حتى لو قطعنها هتلاقي جذورها في الارض
احنا اهلنا مش زرعو فينا جذور تثبتنا علشان كدا مع اول هبة ريح بنتكسر تخيل احنا كدا ولادنا بقى هيبقو ايه ربنا يستر

هراء لا داعى له ..... يقول...

(( اينعم هيبعتوهلنا علي الفيسبوووك...
وساعتها مش هنعلق روووس الرسل في ميدان التحرير.... واخرنا هنعمل " ريبورت " علي الفيس...))


يابنى إنت ضحكتنى و أنا مكتئب


فعلا أنا حاسس بكل كلمة إنت قولتها

و تعبت من كتر التفكير

و بفكر أروح أستراليا و أسيب البلد العيانة دى


لكن بوجه عام

القاعدة بتقولك


عندما تكون فى القاع فالتغيير المرتقب هو لأعلى

بس ياترى ...هو دا القاع ولا لسا فى إنحدار ؟؟؟

سمع هوص (Abo 3li) يقول...

wasf_elahsas

عروستنا الحلوة... شكرا ليكي انتي... ربنا يكرمك..
وبلاش نتعب العنين ... سيبك من المحمول...

سمع هوص (Abo 3li) يقول...

انسان عادي

وعليكم السلام...
خبطت علي الجيران بس؟؟ ده عدو دارسنا وحافظنا... كان زمان ركبنا فيصت اصلا...


نورتني يافندم... تحياتي..

سمع هوص (Abo 3li) يقول...

Single Mummy

ام حمزة... متقلقيش ظروف عادية وشوية ارهاق وتعب... شكرا علي سؤالك ياسارة... ربنا يكرمك...

تحياتي لحمزة وليكي..

سمع هوص (Abo 3li) يقول...

Just waiting

ولادنا؟؟ افتكر هيبقو احسن مننا...
لأننا احسن من ابأنا... انا بصراحة بعتبر جيل ابويا وابوكي وكل جيل مابعد 73 ... اسوء الاجيال المرت علي مصر... وبحملهم معظم مسؤلية الحالة المتدهورة ال وصلناها...
ربنا كريم... قادر يصلح الاحوال...

تحياتي ليكي..

سمع هوص (Abo 3li) يقول...

هراء لا داعى له .....

بس ياترى ...هو دا القاع ولا لسا فى إنحدار ؟؟؟
بتهيألي احنا وصلنا لقعر الحلة خلاااااص... بعد كده هنخررم الحلة علشان نعدي لتحت اكتر...

استراليا؟؟!!! بذمتك انه احسن الحمير والكلاب البلدي, ولا الكانجرو؟؟

ربنا يفك اكتئابك... واكتئابنا جميعاً...

E73 يقول...

ودعاؤكم علينا لا يسمع، لأنكم أكلتم الحرام، وتعاظمتم عن رد السلام، وخنتم الأيمان، وفشا فيكم العقوق والعصيان

بسم الله الرحمن الرحيم
السلام عليكم ورحمة الله وبركاته

لعل المانع خير


حاجة فعلا مؤلمة والغريب ان أوباما بيتكلم زيه بالظبط حاليا
بيوصلنا فكرته من خلال ديننا

زي ما بيقولوا إحنا اللي سلطحنا قفانا
منتضايقش لما حد يضربنا عليه بقى

ňįĝŗő يقول...

بص يا أبو علي يا شقيق
الطلعة دي كلها على بعضها كده فكرتني بمقولة قرأتها زمان للدكتور محمد سعيد رمضان البوطي في كتابه " كبرى اليقينيات الكونية "
بيقول إيه بقى يا سيدي

" إن التاريخ دائماً ليس ملكاً إلا للزمن الذي ولد به , لا يورث أمجاداً ولا انحطاطاً , و انما يورث شيئاً واحداً فقط ... هو العبرة "

فُتّك بعافية

سلامـُـه عليكم

سمع هوص (Abo 3li) يقول...

E73

وعليكم السلام ورحمة الله وبركاته...
اوباما ده بقي اكبر فاشل في التاريخ... الناس كلها كانت حاطة عليه امال كبيرة... ومن ساعة م بقي رئيس مبقيناش نسمع عنه اصلا...
واكيد ال يعرض قفاه لازم يبقي قد الضرب الهينضربو...

منوراني... صباحك سكر..

سمع هوص (Abo 3li) يقول...

ňįĝŗő

"و انما يورث شيئاً واحداً فقط ... هو العبرة"

مشكلتنا اننا مبنعتبرش...

وعليكم السلام... البلوج نور..

تحياتي...

فتاه من الصعيد يقول...

اولا نبدل اليهود بالصهاينه :) ..

ثانيا قوتهم من ضعفنا وضعفهم في عزتنا ..

تحياتي

norahaty يقول...

يارب تكون الظروف
بقت أحسن دلوقتى
ويارب ظروفنـا
كلنا تـتحسن
يارب يـارب
ياأبو على

سمع هوص (Abo 3li) يقول...

فتاه من الصعيد

انا متفق مع كل كلامك.. في الاستبدال اللفظي ... وباقي التعليق...
شكرا علي التعليق والمروور..

تحياتي..

سمع هوص (Abo 3li) يقول...

norahaty

اللهم امين..
شكرا يادكتورة.. ربنا يكرمك...

تحياتي..

Ms Venus يقول...

الاستعباد مش بس من برة يا ابو على

من جوانا

فى بلدنا

من المفروض ان هما اهالينا


ربنا فعلا يرحمنا

سمع هوص (Abo 3li) يقول...

Ms Venus

اهالينا؟؟؟ مش عارف انتي تقصدي مين؟؟ اوعي تكوني تقصدي الحكومة وال بتعملو فينا...
دول مش اهالينا وعمرهم مهيكونو... دول ولاد كلب... ربنا يريحنا منهم...

منوراني ... تحياتي..

re7ab.sale7 يقول...

ولية منغيرش النظام والواقع وكله كله
انا بجد بحب التغيير وللأحسن طبعا
علي فكرة انا اسفة بجد لاني مش كنت بفتح الجوجل ولقيت رسالتك ورديت عليه مع انها م الشهر اللي فات ...بجد مشغولة موووت ومش متابعة خالص المدونات ادعيلي بذاااكر وامتحناتي ع الابواب ...ادعولي

جارة القمر يقول...

ايون انا عايزة شاى بس بلبن :):)

بقالى كتير مش علقت هنا ..صح ؟؟
معلش اختك برضو و اكيد هتعذرنى

كلامك صح جدا عن التتار هما فعلا كانوا اذكياء جدا و بيدروسا عدوهم والاهم انهم ماكنوش بيأمنوا لخائن يعنى اول حاجه كانوا بيعملوها لما يدخلوا اى بلد انهم يقتلوا اللى ساعدهم على دخلوها
بس خلينى اقولك ان المقصود من كلمة همج انهم قبل جنكيز خان ماكنوش دولة محددة الاهداف ولها سياسة عشان كدا يقال عنهم فى التاريخ كلمة همج زى كلمة رعاع كدا وبما ان معظم اللى بيكتب فى التاريخ بياخد القشووور فقط فبقى اى حد يتكلم عنهم يقول همج و يسكت من غير ما يحدد الفترة اللى كانوا فيها كدا

ممممممممم عايزة اقول كمان ان احنا بدأنا نفوق اى نعم بناخد على قفانا كتير من اللى جوا لكن الناس بدأت تفوق و تحاول تتكلم و دا فى حد ذاته انجاز لم يكن موجودا من قبل
واى تغير فى التاريخ بدأ بمحاولات الكلام

البوست جامد بجد ... يلا سلاموا عليكوا

سمع هوص (Abo 3li) يقول...

re7ab.sale7

انا كمان نفسي كل حاجة غلط في حياتنا تتغير... بمعني ادق حياتنا كلها تتغير...

ولا يهمك ... انا شفت الرد... وموتني من الضحك.. لانه بعد شهر فعلا تقريبا.. هههههههههههه...

ربنا معاكي في الامتحانات ... ربنا يوفقك وان شاء الله خير...

سمع هوص (Abo 3li) يقول...

جارة القمر

وعندك واحد شاي بلبن لميس جارة القمر وصلحه... ههههههههههههه...

جميل انا معاكي... بس للاسف في كتب التاريخ العربية كلمة همج فضلت ملازماهم بعد جنكيز خان ... لان كتير من كتب التاريخ العربية مفيهاش موضوعية ولا حيادية...

ويارب الكلام يجيب نتيجة... في حياتنا علي الاقل...

والبلوج رجع نور من تاني... متغبيش علينا...
تحياتي...

عالم ماريونت يقول...

ههههههههههههههههههههه

ايه الدماغ دي يا ابني

بصراحة جامدة اوي الرسالة

مجتش في بالي ان حد من المدوننين يجيب حاجة اتكتبت من كام سنة عشان يقارنها بالوضع دلوقتي

بس يمكن لو غيرنا فيها شوية تمشي على الوضع الحالي
بحييك على البوست ويارب دايما منور

رنا

سمع هوص (Abo 3li) يقول...

عالم ماريونت

ازيك يارنا؟؟ عاملة ايه؟؟ يارب تكوني بخير...
قولي كام قرن... مش كام سنة... هههههههههههه...
مش محتاجين نغير... يمكن نزود من البلاوي البقينا بنعملها اليومين دووول...

شكرا اوي ليكي... ربنا يكرمك...
منوراني يارنا جدااا....

فاتيما يقول...

نظراً لأن المدونة بتاعتى بترخم
و البوستات الجديدة
مبتطلعش ف الريدر
فلو سمحت تقرى البوست دا
و لو تقدر تساعد متتاخرش
و شكرااااا مقدما
من قلبى

http://nonoymm.blogspot.com/2010/06/blog-post_16.html

غير معرف يقول...

ثقافة الهزيمة .. حلوة يا بلدى

فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...

باقى المقال ضمن مقالات ثقافة الهزيمة بالرابط التالى www.ouregypt.us

و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.

الشـوكة الــنـاعـمـة يقول...

بجد قلقتنا عليك
يارب تكون بخير
تعرف اسرائيل يوم ماهاتبعت لنا رساله زى دى
الحاكم بأمره ها يلم العيله الكريمه واهى بالمره الخميره متهربه من ساعه سفايه المانيا
وها يخلع
ايه اللى بقوله ده
انا هاروح فى توطر
دستور ياسيادنا
السماح والرضا سامحونى جاهله مااعرف
انا ايه اللى جابنى هنا

سمع هوص (Abo 3li) يقول...

الشـوكة الــنـاعـمـة

انا بخير الحمدلله... شكرا ليكي علي السؤال... انا بس عندي مشاكل في النت ... وتقريبا مش بعرف ادخل بليل خااالص... والصبح بكون في الشغل...

لااااااا الخميرة متهربة من زمان... سفرية المانيا كانت للعلاج ولاختبار ولاء كبار العصابة بس... متظلموش الراجل ان بعض الظن اثم...

ودستور يامباركين....

منوراني جدا جدا جدااااااا...
صباحك شيكولاتة...

حفيدة عرابى يقول...

هو انا كنت ناوية اقولك
انى كنت بقلق لما الاقى بوست لبنت عمك واندا
وانت مش هناك
لكن مادام المشكلة طلعت فى النت
والظروف الحمدلله تمام
حمدلله على السلامة

القمرالباكي يقول...

السلام عليكم ورحمه الله وبركاته
ازيك باابو علي
انت وصلت لقطز
انت عايز تهاجم البلد باي طريقه انا عرفت انت من المعارضه
وكمان بتجيب في سيره الفيس بوك
ده الي ناقص هههههههههه انا ملاحظه انه بقي مهم عند كل الناس كانه وجبه اساسيه في اليوم ماعلينا مش موضوعنا

هي دي الخلاصه

ربنا مش هيغير ما بقوم حتي يغيرو ما بأنفسهم...
بس ده مش هيستمر... علي الاقل انا متمناش انه يستمر...
اتمني نغير نفسنا... نغير تفكيرنا ... نغير حياتنا...

معدش حد عارف مصر معانا والا علينا بس هي ملهاش ذنب الانسان الي بايده كل حاجه ومصيرنا نتيجه افعالنا
دومت بخير

سمع هوص (Abo 3li) يقول...

حفيدة عرابى

هههههههههههههههههه... تصدقي مدونة بنت عمي وحشتني... هههههههههه... ووحشني البوستات العلمية ال بكون فاهمها كلها كلها كلها كلها... (احم احم)...

الله يسلمك... ربنا يخليكي... شكرا علي السؤال...

تحياتي..

سمع هوص (Abo 3li) يقول...

القمرالباكي

وعليكم السلام ورحمة الله وبركاته...
انا بخير الحمدلله...

انا بهاجم البلد ولا نظام البلد؟؟؟ اطلاقا مُطلقا... هههههههههههه... ماعشت ولا كووونت..
الفيس توووك بقي عامل زي الاكل فعلا... بقي ادمان عجيب...

ربنا يقدرنا ونقدر نعدلها... قولي يارب.. واعملي العليكي...

تحياتــــــــــــــــــــي...

Boky يقول...

صباحك جمييييييييل زيك يا أبوعلى
واحشنى جداا انت ومدونتك الجميلة
وأنا منخفضة ومقصرة ومبقتش اتابع كتير الفترة الاخيرة وفى الضياع

بس ها نحن نفيق لنننتقم

بجد تحيااااااااااااااتى لعقلك يا أبوعلى

الرسالة دى فعلا مرتبطة بكل اللى بيحصل
ولسة هتتعاد تانى وتانى وعاشر

طول ما احنا زى ما احنا
العيب فينا قبل ما يكون فى أى حد


الافراد هم اللى بيعملوا المجتمعات وبيوجهوها وبيغيروها

وكل مجتمع مسئول عنه افراده جميعا بلا استثناء بكل ما فيه من عيوب وميزات وظلم وقهر وعدل

نفسى نفهم دة ونبطل سلبية ونفكر بجد ونعمل بجد ونتحرك ونغير بلدنا وحالنا وحياتنا بنفسنا بجد

تسلم ايدك يا أبوعلى
وكل احترامى ليك

سمع هوص (Abo 3li) يقول...

Boky

صباحك زي الفل...

ولا يهمك... زيارتك كل كام سنة مرة كفاية علينا... ههههههههههههه...

شكرا لتأيدك... ويلا بقي... عاوزين نتغير... مش بلكلام بس...

تحياتي ليكي..

well يقول...

جارى البحث عن قطز

..

.

بنت وولد يقول...

تفتكر بحالنا المايل ده حنقدر نغير الواقع

تغيير الواقع محتاج اننا نكون مؤمنين من جوانا باللى احنا عايزين نعمله
يعنى مؤمنين بامكانتنا و قدرتها على احداث فرق وتغيير فى الحياه
وقت ما ده يحصل ساعتها بس اقدر اقولك اننا ممكن نقدر نغير الواقع

دمت بود

سمع هوص (Abo 3li) يقول...

well

لما تلاقيه قولي.....



تحياتي..

سمع هوص (Abo 3li) يقول...

بنت وولد

جميل اوي... طب وليه منبقاش مؤمنين بنفسنا؟؟ وبال نفسنا نعمله؟؟؟ ايه ال يمنع؟؟؟

دمتي بود.. تحياتي..

ghada mOhsen يقول...

يااااااااه واحشني الرد على المدونات
:))

بس بجد ياأبو علي تسلم كتير على البوست ده

بجد بيوضح فعلا إن دايما التاريخ راح يعيد نفسه ... بس بحس زمان دايما ردة الفعل بتبقى فيها ذكاء أكتر من دلوقتي بجد ...
لأن دلوقتي في حاجات كتير بتنقط للأسف ...

بس أنا راح أظل برضو متفائله وجوايا أمل ياااااارب يهدينا ونتغير للأحسن .. اللهم أمين ...

تسلم ياأبو علي ويارب تكون في أحسن حال ومرتاح البال ...

تحياتي الملونه لك أخي
... ;) ,,, ;) ...

سمع هوص (Abo 3li) يقول...

ghada mOhsen

وانا كمان وحشني ردك .. هههههههههههه....

شكرا علي تعليقك ... وسؤالك ... انا بخير الحمدلله....
تسلمي علي الدعوة ولكي مثلها....

تحياتي...

Wanda يقول...

بص رصيد الغياب بتاعك زاد
بس حنمشيها
و ارفع راسك من الكتب قولنا

كنت عايزة رايك فى بوست الشمس
ابقى انكش عليه لو اتأخرت

مساء الطراوة :-)

سمع هوص (Abo 3li) يقول...

Wanda

حصل يافندم....
ومعلش لغيابي... غصب عني فعلا .... وش مكسوف ومتضايق....

المهم انتي عاملةايه؟؟؟
صباح الجمال ياون ون...

فراشة يقول...

السلام عليكم
ازيك يا ابوعلي
فينك يارب تكون بخير وأحوالك بخير وتكون الظروف بقت احسن

ربنا يصلحلك الحال

متغبش كتير تاني ...

سمع هوص (Abo 3li) يقول...

فراشة

وعليكم السلام ...
انا الحمدلله بخير... تسلمي ياقمر علي السؤال...

وانتي عاملة ايه يامني؟؟ يارب تكوني بخير.. انتي كمان غايبة بقالك فترة...
طمنينا...

صباحك جميييييييييييييييييييييل...

عايشه لنفسي يقول...

بتتكلم في التاريخ ليه ياكبتن
هنقطع علي بعض عيييييييييييييييب

كله بيعيد نفسه
بص هو التاريخ فيه 3عصر انتقال
وعصر الانتقال ده بيبقي فترة انهيار
احنا بقي حاليا دخلنا في فترة الانتقال الرابع شكلنا مش خارجين

لنا الله ياشعب العراق

بوست تحفه بجد
انا مقصره بجد مع دندونتك التحفه دى بس انت عارف كنت في امتحانات يعنى كنت نايمه مش فاضيه الفترة اللى فاتت دى كلها

تسلم الايادى

سمع هوص (Abo 3li) يقول...

عايشه لنفسي


احنا فعلا وصلنا لانهاية المنحني الطبيعي... مش عارف امتي هنبتدي منحني جديد!!!


احنا مش اتفقنا اننا قرايب في موضوع التاريخ ده... يعني مش بنقطع علي بعض ولا حاجة... ههههههههههه...

والمدونة رجعت تنور تاني بيكي...
صباحك فل..

سمع هوص (Abo 3li) يقول...

عايشه لنفسي


احنا فعلا وصلنا لانهاية المنحني الطبيعي... مش عارف امتي هنبتدي منحني جديد!!!


احنا مش اتفقنا اننا قرايب في موضوع التاريخ ده... يعني مش بنقطع علي بعض ولا حاجة... ههههههههههه...

والمدونة رجعت تنور تاني بيكي...
صباحك فل..

مريم مر العمراوى يقول...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل