السبت، 30 أكتوبر، 2010

هستحملكم....



انا النهاردة قررت قرار مهم...
انا قررت ابقي رئيس جمهورية...
ايووون ... انا قررت اكون رئيس جمهورية ...
بصراحة انا شايف نفسي اصلح واحد للمنصب ده...
ايوة انا اصلح واحد للمنصب ده...
صدقوني...
او متصدقونيش.. مش مهم...
ده لمصلحتي.... ولمصلحتكم...
متقلقوش مش لمصلحتي بس...

والنهاردة هو يوم تنصيبي لنفسي علي كرسي الحكم...
تا
تا
تا
تن

بسم الامة
احب ارحب بيكم ياشعبي..
واحب ابركلكم عليا..
واهنيكم اني اخترتكم انتو دونا عن باقي شعوب العالم علشان احكمك...
مش عايز هتافات... انا لو عايز هتافات دي اسهل حاجة ممكن احصل عليها...
انا رئيس واقعي...
عارف انكم هتكرهوني بعد فترة...
والهتاف ده هيبقي مجاملة...
انا عارف كل ده...
ندخل علي المهم علشان مش فاضيلكم..
اما انكم شعب رغاي صحيح...
بس هستحملكم...
مهي علاقة متبادلة..
هستحملكم وهتستحملوني...
هتستحملو دكتاتورتي...
هتستحملو اتباعي..
هتستحملو شطحاتي..
وهتستحملو نرفزتي عليكم (وانا نرفزتي وحشة.. انا بحزركم)...
وانا بالمقابل هستحملكم..
هستحمل قرفكم..
وشكوتكم علي الفاضي والمليان..
وهستحمل انكم مش عاوزين تشتغلو... وفي نفس الوقت عاوزني ازودلكم اجوركم...
هستحمل بلاويكم... ودي كتير...
هستحمل انكم راضين بواقعكم ومش عاوزين تغيرووه... رغم انكم ساخطين عليه...
هستحمل مزحمتكم لبعض في الموصلات...
هستحمل نصبكم علي بعض... وسرقتكم لبعض.. هستحمل كدبكم ونفاقكم...
هستحمل لما هتفترو علي بعض... وتدوسو علي بعض...
هستحمل...
بصو بصو... علشان انا ورايا مراسم تنصيب...
من الاخر كده انا شاريكم علي عيبكم...
وانتو طبعا ملكوش حق الرفض او القبول....
مش كفاية اني هرضي بيكم...

الأحد، 5 سبتمبر، 2010

ماذا لو أصبح البرادعي رئيسا لمصر؟



البالاخضر من عندي...

بقلم: د.أحمد غانم
الحمد لله رب العالمين..فلولا ستر الله وقوة دعاء المؤمنين لوقعنا فى الخطيئة ولانتخبنا السيد محمد البرادعي، ولكن الله سلم بعد أن كشفت سيدة مؤمنة النقاب عن صور وأدلة دامغة لا تحتمل التأويل أو التشكيك تكشف بها حقيقة السيد البرادعي وعائلته.
كنت أعلم دائما أن مصر محروسة من الفساد والإنحلال، فقد تم الإعلان عن هذه الصور فى وقت مناسب حتى لا تنزلق مصر إلى ذلك المنزلق ويتم انتخاب البرادعي (وتقع الفأس فى الرأس).
ولأن خيالي واسع فقد تخيلت ماذا كان سيحدث - لا قدر الله - لو أصبح البرادعى رئيسا لمصر:
لو أصبح البرادعى رئيسا لمصر لحارب الإسلام كي ينشر فكر بنته الملحدة، فسيحارب كل من يلتزم وسيقود حملة إعلامية يجند فيها نجوم الشباك وأشهر الكتاب والمخرجين لعمل مسلسلات وأفلام يظهر فيها الشخص المتدين عبوس قبيح المنظر شهواني جاهل بينما يظهر فيها غير المتدينين كشباب مثقف ومتفتح ليكون قدوة لشباب مصر حتى يقتل روح التدين فى مسلمي ونصاري مصر لينشر إلحاده،- مين بيتفرج علي مسلسل الجماعة - وسيحارب فكر البرادعى الشيطاني العفة وسيقود حملة إعلامية تشبه الحجاب بالخيمة والـ(بارشوت) وأنه نتاج للقهر والتخلف فى عصور ما قبل البرادعي.
لو أصبح البرادعي رئيسا لمصر لأحضر ابنته التى ترتدي البكينى ولفتح لها شواطئ شرم الشيخ الإسلامية التى تقوم فيها شرطة الآداب حاليا بمنع أي سائحة ايطالية من لبس البكيني أو النوم نصف عارية على الشاطئ- والكلام ده ينفع نقبل بيه في مصر.. ان يكون فيه شواطئ عراه مثلا يعني مثلا-، وأعتقد أن أول قرار سيكون للبرادعي هو اتاحة لبس البكيني على شواطئ شرم الشيخ والغردقة.
ولكن خطة البرادعى الشيطانية لنشر الفساد فى مصر لن تقتصر على ذلك فهو يعلم أن بفضل سياسات حكومة البرادعي فإن معظم الشعب لا يملك ما يكفى للذهاب لمنتجعات شرم الشيخ ومن المؤكد أنه سيجد طريقة لإدخال البكيني وثقافة العري ومشاهد شرب الخمر والمخدرات لكل بيت مصري وأعتقد أن أولى خطواته ستكون السماح بظهور البكيني والملابس العارية فى الإعلام المصري- هيعيد اذاعة "زهرة وازوجها الخمسة" و"العار" وكليبات مولتي تتحدي البلل- فى خطوة غير مسبوقة لتقتحم تلك (القنابل الجنسية) التى سيتم انتاجها فى عهد البرادعي تليفزيونات كل بيت مصري مسلم ومسيحى ملتزم فتهتك براءة الأطفال والمراهقين وتفاجأهم بمشاهد لممثلات ومغنيات يرتدون البكيني جهارا نهارا فى مصر المسلمة.
ولكن البرادعي رجل سياسي ماكر فهو يعرف أنه رغم انفاقه الملايين من دم المصريين فى هذه البروباجندا الإعلامية فسيظل بعض الشباب متمسكا بتدينه كما أن بعض الشباب من غير المتدينين أيضا قد يعترض على الطريقة العشوائية التى يحكم بها البرادعي مصر وكل هؤلاء سيتم التعامل معهم عن طريق جهاز أمنى جديد سينشأه البرادعي للقبض على هؤلاء الشباب من المعارضين أو المتدينين وتعذيبهم فى سلخانات حكومية (لا يتم تقديم الشاي فيها للمعتقلين) والتي سيتم افتتاحها فى عهده المشؤوم قاضيا على روح المحبة والإحترام التى تسود الآن بين المخبرين رقيقي القلوب- كله الا حبايبنا- والمواطن العادي.
ولا تنسى زوجة البرادعى فالصور تتهمها بشرب الخمر ولكن الحقيقة أنها مع شربها للخمر ورغم إتهامات الإلحاد التى تجتاح عائلتها إلا أنها شيعية متطرفة محجبة وهى تلبس باروكة فوق شعرها وولائها الحقيقى لشيعة إيران وستعطى كل اسرار مصر لإيران وقد ثبت أن حسابها على الفيس بوك يظهر فيه أحمدي نجاد على قائمة أفضل عشرة أصدقاء.
ولذا فمن المؤكد أنها  سترسل تقريرا شهريا  عن أزمة القمح والمياه والكهرباء والغاز التى حتما ستحدث فى عهد البرادعي نتيجة سخط الله على الشعب لانتخابه رئيسا ملحدا-تستاهلوووو- ونتيجة هذه الأزمات التى ستسببها سياسات البرادعي الخرقاء ستصل مصر لحالة من الضعف تجعل إيران تحتلنا بعد أن تسمع مخابرات إيران كلمة السر التى ستذيعها زوجة البرادعي على موجة إذاعة الشباب والرياضة..فالجيوش الإيرانية على الأبواب وكل جندي إيراني (حاطط الراديو على ودانه) وينتظر إذاعة أغنية (بحبك يا حمار) لتكون كلمة السر للإنطلاق نحو بوابات مصر.
فى عهد البرادعي ستزور الإنتخابات لإنجاح شلته من (الخمورجية) وتجار المخدرات-هيعمل حزب هيسميه الحزء الوطني-، وستقهر المظاهرات السلمية التى سوف تخرج حتما لمواجهة الكوارث التى سببتها حكومته، وستصير مصر لا وزن لها فى العالم العربي وسترث دول صغيرة مثل قطر القوة الناعمة التى كانت تنفرد بها مصر فى عهد ما قبل البرادعى.
وستحتار منظمة الصحة العالمية فى سبب زيادة معدلات انتشارمرض أسفكسيا الخنق فى مصر والذي يصيب أعداد متزايدة من الشباب ولم يفلح وفد العلماء فى تفسير سبب المرض وأعراضه الغريبة التى يقوم فيها المريض بكسر جمجمته بنفسه، فقاموا بتسميته اسفكسيا مصر.-مصر ديما سباقة-
فى عهد البرادعي ستضيع كرامة المواطن المصري المغترب فى أي مكان، وسيعايرنا العالم كله بصور بنت البرادعى، وسيكون على كل مصري يتعرض لإهانة فى أي مكان فى العالم أن يتحملها بعد أن عاش المصريون بالخارج سنوات لا يستطيع أحد أن يدوس لهم على طرف-طبعااااا- أو أن يقتلهم أو أن يعلقهم فى الشوارع مثل الذبائح أو أن يجعلهم يعملون بلا أجر أو أن يحجز جوازات سفرهم ويمنعهم من السفر.
وستتطاول علينا دول حوض النيل التى كانت تخاف من مصر وتعمل لها ألف حساب، فأفريقيا تتقدم والفيس بوك فيها على الأبواب وعندما يقوم رئيس بورندي بعمل (تاج) لرئيس أثيوبيا على صور البرادعى سيعلق رئيس أثيوبيا على الصور قائلا :( أو إم جى – إل أو إل)-هههههههههههههههههههههههه-..وسيغير حالته على الفيس بوك إلى :"كنا نخاف من مصر ونخشى أن نترك حنفيات القصر الرئاسي مفتوحة حتى لا نؤثر على حصة مياه مصر أما الآن وقد رأينا فضائح البرادعي فسوف أنشأ صفحة على الفيس بوك أطلب فيها دعم الصين واسرائيل لبناء سدود، ومن فضلك شير وادع أصدقائك".-فقري فقري هههههههههه-
وما هى إلا أيام ويصبح أمن مصر المائي كله فى خطر بسبب البرادعي وصور بنته بعد أن كان كل مواطن مصري له ترعة مائية خاصة باسمه فى مصر فى عهد ما قبل البرادعي.
وفى عهد البرادعي ستتدهور الجامعات بعد أن تصبح بفضل خلفيته الملحدة إلى أماكن للهو والفسوق وليست أماكن للعلم وستفقد مصر لأول مرة فى تاريخها ترتيبها المتقدم فى قائمة أحسن جامعات العالم.
ومن المؤكد أن كثيرا من شباب مصر لن يتحمل كل هذا الظلم والتدنى الأخلاقي من نظام البرادعي وربما نرى مجموعات من الشباب يحاولون الهرب من نظام البرادعي عن طريق البحر كمهاجرين غير شرعيين لأوروبا فيكون مصيرهم الغرق ويصيرون طعاما لأسماك القرش وهم فى ريعان شبابهم.
ولأننا الآن فى دولة ديمقراطية تكفل الحكومة فيها نزاهة الإنتخابات وقد شاهدنا جميعا فى كل انتخابات شاركنا فيها كيف أن صوت المواطن كان وما زال هو الفيصل فى نجاح أو رسوب اي مرشح، لذلك فإننى أتجه إليك أيها المواطن وأنصحك قبل حتى أن يفتح باب الترشيح.. صوتك أمانة فتذكر كم المصائب التي يمكن أن تصيب مصر المؤمنة لو (وزك الشيطان) وانتخبت البرادعي رئيسا للجمهورية.

ربنا ياخدهم.....

الأربعاء، 1 سبتمبر، 2010

العزوبية ورمضان (من شقق العزوبية 3 او 4 مش فاكر)



الحياة كعازب وعايش لوحدك بتبقي زي الفل ومحتملة جدا لحد م رمضان يجييي....

كلنا واخدين اننا في رمضان بنتلم علي الفطار وعلي السحور... والعزايم بقي والحركات ال من دي...
وكمان واخدين ان الاكل في رمضان حاجة تانية...
لان من العادات المصرية القديمة ان الاسرة المصرية تفضل تحوش تحوش... وتستلف كمان قبل رمضان علشان "تسرف" -  بالسين -  كل ده في رمضان علي الاكل.... يعني الاكل في رمضان محمر ومشمر –نفسي اعرف ايه المشمر ده  - ومحاشي و.. و...و... و...

احنا بقي يامعشر العزاب العايشين بطولهم بنعاني في رمضان جدا....
ليه؟؟؟
اولا
 تخيل نفسك صحيت الصبح نزلت, اتمرمطت المرمطة اليومية الطبيعية ورجعت قبل المغرب بساعة مدروووخ من الحر.... مفرهد من الزحمة.... بتشحر من العطش.... هتموووووت وتنام...
اكيد طبعا مش هتسيب نفسك تموت.... طبعا هتنام...
المغرب يأذن.... تفتكر هتصحي – ده لو سمعته اصلا – مفتكرش.. هتفضل نايم لحد العشا... هتقوم تاكل بسرعة وتصلي ... اصلك هتقوم علي المغرب بالظبط ليه....  خليك نايم احسن... واصحي افطر برحتك بعدين... كده كده محدش مستنيك علي الفطار....
ولنفرض انك صحيت...
طبعا سيدتك مبتعرفش تطبخ ولو فكرت تدخل المطبخ بتتشنكل وبتتكفي علي وشك.... فأكيد برضه سيدتك وانت راجع جبت معاك أكل جاهز... او طلبته ديليجري (ديلفري يعني) – ربنا يكرم ال اخترعه – ونستنتج من هنا ان ميزة "المحمر والمشمر" وقعت خلاااااص.... حتي لو هتفطر كباب وكفتة... برضه اسمه اكل جاهز... مش مشمر خاالص...
وطبعا سيدتك هتاخد الاكل وتقعد لامؤخذة زي ال "تييييييييت" لوحدك تاكل.... وهنا بقي مربط الفرس....
ارخم احساس انك تلاقي نفسك بتفطر لوحدك في رمضان... هتحس انك مقطوع بكل معني الكلمة... حتي لو واخد علي العيشة لوحدك... واهلك مش بيوحشوك اوووي.... هيوحشوك ساعتها... وهتحس يعني ايه عيلة ولمة...
نيجي للسحور...
طبعا بتوع شيبسي قالو في الاعلان ان "الفول السوداني مش هيتبهدل تاني"... بس معانا كل انواع الفول بتتبهدل...
في رمضان واخدين علي طشت الفول - الاكلة الرسمية الاولي للسحور-  البيتحط قدامك انت واهلك...
طبعا لو لوحدك هتبقي مضطر تشتري وتاكل الفول سندوتشات – للاسف – قولي ليه؟؟
علشان لو جبت فول وحطيته في طبق هتبقي مضطر تغسل الطبق...
وعلشان تغسل الطبق .. يبقي لازم تدخل المطبخ....
وعلشان تدخل المطبخ يبقي هتتشنكل وتتكفي علي وشك زي مقولتلك فوووق...
فالسندوتشات بتكون حل ... علي الرغم من ان الفول في السندوتشات بيفتقد لكل انواع الحميمية والاصالة المصرية الفولية...
حاجة كمان بالنسبة للسحور.... هتكون مُجبر انك تتسحر الساعة 12 ولا 1 بالكتير.. حتي لو مش جعان ولا ليك نفس.... هتاكل بالاكره... علشان تلحق تنام علشان تصحي تتمرمط تاني يوم.. اصلك لو حبيت تتسحر متأخر مين هيصحيك؟؟ المنبه!!! لاااااا انســـــــــي.... المنبه اخره يصحيك علشان تلحق المرمطة بدري... لكن لو ضرب علشان تصحي تاكل... ساعتها هتعمل نفسك مش سامعه...
طبعا انا اختصرت رمضان من جانب واحد ... ال هوا الاكل...
فيه جوانب تانية اكتر... متكلمتش فيها... ومش هعرف اتكلم فيها...


علشان كده الاجازات الاسبوعية – الويك ايند يعني – بتبقي عيد لينا.... لانك ممكن تروح تقعد مع اهلك يوم ولا اتنين ... ولو فكرت تطنش ومتروحش, اولا هتبقي انت الخسران, ثانيا احتمال اهلك يأجرو قاتل محترف يجي ويخلص عليك علشان غايب عنهم طووول رمضان....
بس خلاص..

في النهاية انا بعتزر لكل الناس ال كانت عايزاني اجي الفطار الجماعي بتاع المدونين... بس للاسف انه كان يوم سبت... وانا كنت عايز اقضي الاجازة – الويك ايند... اتعلمو انجليزي بقي – مع اهلي خارج نطاق القاهرة الكبري...
بجد كان نفسي ابقي معاكم وكان نفسي اقابل كل الناس الراحوو الفطار ... كان نفسي اقابل الناس الشفتهم وقبلتهم قبل كده تاني... وكان نفسي اشوف الناس لسه محصليش شرف اني اشوفهم... كان نفسي اقابل منونة وبنت عمي واندا.... وباقي المدونين ال ربنا هيجزيهم خير علي الخير البيعملووه...
بس الحمدلله برضه.... وتتعوض في خير تاني ان شاء الله....

الاثنين، 23 أغسطس، 2010

تقريبا...





اولا كل سنة وانتو طيبين...
وحشني جدا جدا جدا...
بقالي كتيييييييييييير اوي مكتبتش هنا .. ولا علقت عندكم...
اختفيت فترة مش قليلة...
انا مش عارف انا اختفيتها ليه!!
استنو اجرب اقول زي مالناس بتقول: "كنت برتب اوراقي واولياتي"...
لالالالا ...
متنفعش... منا مش عارف هي ايه اوراقي اصلا...
طيب نجرب حاجة تانية: "كنت في فترة اعادة حسابات وازالة شك"...
لا برضوو حسابات ايه ... مش ناقصة ارقام واصفار ووجع دماغ....
أأممممممممممممممممم...
طيب نجرب: "كنت في فترة نقاهة فكرية وخلوة غير شرعية مع نفسي"...
لااااااااااااا... بذمتي انا مفاهم يعني ايه...


بصو بصو بجد... انا مش عارف انا اختفيت ليه...
يمكن كنت محتاج نوع من انواع التغيير...
يمكن...
يمكن نوع من انواع الهروب من حاجة انا مش عارفها... 
يمكن برضووو....


بس ماعلينا....


المهم .. انا عايز اشكر كل الناس السألت عليا وقلقو عليا...
وبعتزر عن اني مكنتش برد علي التعليقات ولا الرسايل علي الفيس بووك بتاع المدونة...
وبشكر كل الناس السألو وأطمنو عليا علي الاكونت الشخصي علي الفيس... او علي التليفون...
بجد شكرا...


وكل سنة وانتو كلكم بخير وصحة وسعادة..
رمضان كريم...


كان معكم من ارض الوطن ابوعلي...

السبت، 10 يوليو، 2010

جواز بالعافية.... يــــــــــــــــاريت....







قريت مقال ل عمر طاهر... بصراحة انا مش عارف اعلق عليه... زي ما الكاتب نفسه معرفش يعلق عليه....
ياريت تقروووه وقولولي رأيكم ايه:




الزواج على الطريقة التركية:



سألت الحاج عفيفي عن ورق أبيض فارغ لأكتب مقال اليوم، ولأن (الحاجة بتنادي علي صاحبها) أخرج لي الحاج عفيفي الورق ومعه المقال، كان بين أوراقه صورة من نصوص القانون في الدولة العثمانية في بداية العشرينيات «صدر تحديدًا في أكتوبر 1922» كنت متأكدًا أنني المقصود بهذه الهدية لأنني أولاً لست معتادًا دائمًا علي الكتابة علي الورق، وثانيًا لأن الحاج عفيفي فشل في أن يتذكر الظرف الذي قاد نسخة هذا القانون إلي حقيبته، وثالثًا لأن النسخة لم تكن كاملة، كان الموجود منها الجزء الخاص بتنظيم مسألة الزواج فقط.
إليك نصوص القانون الذي احترت في تقييمه بشكل مطلق، إعجاب تام أو رفض نهائي، لكنني في النهاية كنت معجبًا به لأنني رأيت فيه رغبة جادة في تنظيم المجتمع وحمايته و...و... ماتيجوا نشوف.
1- تبدأ مدة الزواج الاختياري من سن 18 وتنتهي في سن 25 ومن لم يتزوج في الـ25 يجبر علي الزواج.
2- إذا امتنع الشخص عن الزواج بعد هذه السن بحجة أنه مريض يكشف عليه، إذا كان مرضه قابلا للشفاء يؤجل إجباره إلي أن يبرأ، وإن كان المرض غير قابل للشفاء يمنع من الزواج.
3- إذا امتنع الشخص عن الزواج بعد الـ25 بلا عذر شرعي يؤخذ منه بالقوة ربع دخله سواء كان ربع ملكه أو ربح تجارته أو أجرة صناعته، ويوضع في البنك الزراعي ليصرف منه علي من يريد الزواج من الفقراء إكرامًا لهم.
4- كل من لم يتزوج بعد الـ25 لا يقبل بوظيفة مطلقًا في مصالح الحكومة ولا ينتخب في هيئة من الهيئات ولا يعهد إليه بمنصب أو أمر من الأمور وإذا كان موظفا يتم إعفاؤه.
5- كل من تجاوز الـ50 ويكون متزوجًا بامرأة واحدة وفي استطاعته ماديًا وصحيًا أن يتزوج بأخري يتم تكليفه بذلك ليكون شريكًا في سد حاجة من الحاجات الاجتماعية فإذا اعتذر بأسباب معقولة يكلف بمساعدة أولاد الفقراء والأيتام من واحد إلي ثلاثة حسب استطاعته.
6- من يتزوج في سن الـ18-25 وكان فقيرًا لا يملك شيئًا يقطع له من أرض الحكومة من 150 إلي 300 دونم مجانًا (الدونم 900متر) من أقرب مكان له.
7- وإذا كان من أرباب المصانع أو المتاجر يعطي له رأس مال قرضًا 100جنيه عثمانلي يسدد علي ثلاث سنوات.
8- من يتزوج قبل الـ25 وليس لديه أخ راشد يخدم أبويه يعفي من التجنيد، وكذلك البنت إذا تزوجت وليس لها أخ راشد يخدم أبويها يعفي زوجها من التجنيد.
9- كل شخص تزوج قبل الـ25 ورزق بثلاثة أطفال يتم تعليمهم مجانًا في مدارس الحكومة الليلية، وإذا كانوا أكثر يتم تعليم ثلاثة مجانًا ويصرف لكل واحد من الباقين عشرة جنيهات من الأموال العمومية إلي أن يصبح عمره 13 عامًا .. وإذا كانت امرأة لديها 4 ذكور فصاعدًا تمنح إعانة قدرها 20 جنيهًا.
10- كل طالب يشتغل بطلب العلم في الداخل أو الخارج يؤجل جبره علي الزواج إلي أن يتم دراسته.
11- من يضطر إلي السفر والإقامة في الخارج لبضع سنين لأي سبب وجب عليه اصطحاب زوجته أو تقديم عذر مانع من أخذ زوجته معه، وإن كان قادرًا علي الزواج في البلد الآخر يجبر عليه، ثم يتوجب عليه بعد العودة أن يجمع زوجتيه في مكان واحد.
هذا ملخص بنود القانون الذي أود أن أعرف رأيك فيه يا صديقي، هل تعتقد أنه صالح للتطبيق في عصرنا هذا؟
إنه قانون بلا شك يضمن للمجتمع قوامًا سليمًا متماسك خاليًا من العنوسة والتحرش الجنسي والزواج العرفي والعلاقات غير السليمة، ويمنحه قدرًا من الاستقرار النفسي ويضع الشاب علي أول طريق الحياة في الوقت المناسب فلا يضطر لأن يبدأ حياته السليمة بعد الخامسة والثلاثين، إنه أيضًا قانون به مساحة للتكافل الاجتماعي، يعاقب المقصر باقتطاع جزء من دخله لصالح المحتاجين، إنه أيضًا قانون يحترم العلم وطالبه هو الشخص الوحيد المستثني من الإجبار إلي أن ينهي تعليمه. ربما تري أنه قانون سيؤدي إلي زيادة عدد السكان، وهذا موضوع محل نقاش لأن المشكلة ليست في زيادة السكان ولكن المشكلة في إدارة النظام لهذه الزيادة وحسن استفادته منها وعندك الصين نموذج.
لكن أين حرية الناس؟ أين حريتك إذا اقتنعت بأنك شخص لا يصلح للزواج لأسباب غير مقنعة للحكومة؟، أين احترامك لفكرة أن الزواج قدر مكتوب لا يصلح معه الغصب أو الإجبار؟، أين ضماناتك حتي لا يتحول الموضوع إلي بيزنس تكسب منه قطعة أرض أو تمويلاً لمشروعك التجاري؟، وهل يستحق الإضراب عن الزواج أو تأجيله كل هذا الكم من العقوبات التي تكاد تصبح نفيًا داخل وطنك؟
حيرني القانون لكن حماس الحاج عفيفي له كان بلا حدود، سألته عن السبب فقال: كفاية إن القانون بيدلع الرجل بعد الخمسين ويمنحه الحق في الزواج مرة أخري، قلت له: أهي النقطة دي تحديدًا واقفة في زوري، فقال لي إشمعني فقلت له: لأن الدلع من وجهة نظري هو أن يحصل الرجل بعد الخمسين علي الحق في الطلاق.

منقول من جريدة الدستور....


ايه رأيكم ؟؟؟؟ .... بصراحة انا كان نفسي اكوووون في الزمن ده... كان زماني فاضلي سنة ونص ويعقبوني!!!!!! ده ايه الدلع ده ياخوااااتي.... جواز بالعافية... يااااااااااااريت... بدل عدمه ال بالعافية...

الجمعة، 2 يوليو، 2010

تاج من Silver Eyes.....



عندي تاج من Silver Eyes  صاحبة مدونة wanna touch the moon....
سريعا ندخل علي التاج:


انت مين بقى ؟
محسوبك ابوعلي
  
عندك كام سنة؟
هلعب في ال 24

هل انت متزوج ؟
ياريت

دراستك ايه؟
كنت كلية سياحة.. تقريبا 

كم طولك وما لون بشرتك؟
ده كشف هيئة ده ولا ايه!!! بس عموما 180 باين ولوني ازرق...

هل تمارس عملا بشهادتك او عمل حر وما هو؟

ولا بشهدتي ولا عمل حر....  بشتغل بالتعلمته بعد الجامعة...
ماذا تفعل بوقت فراغك؟
فراغ....  لو موجود ... يبقي لازم انام... لاني مبنمش تقريبا
هل لديك هوايات وهل تمارسها؟
كان عندي... وكنت بمرسها.. حاليا مليش نفس

هل تشعر برضا ربنا عنك؟
الحمدلله... 

 
عندما تكون فى موقف اتخاذ القرار..تخالف الجماعه.. ام تشرك معك الاخرين؟
بكون دكتاتور مقنع بالديموقراطية... بناقش الاخرين في قراري... وبهدم  اعترضاتهم وبستغل نقط الضعف فيها... بكسب تأيدهم بالعافية... نيهاهاهانيهاهاها...
ماهو الشىء الذى فعلته وندمت عليه طول عمرك؟
مبندمش... الحمدلله

هل تصارح غيرك بالحقيقة ام تقول له ما يحب سماعه؟
مع الناس ال بحبهم .... بكون صادم ساعات كتير,,,, لاني بكون صريح لدرجة مخيفة.... مع الباقي.... حسب الموقف والشخص..

متى يقسو قلبك؟
لما احس بالظلم.

من هو اول من قلت له احبك ؟
راندا..... وانا في كي جي تو... هههههههههه...

هل يمكن ان تحب احد من المدونين؟
ولا غير المدونين اصلا...

ماذا تعنى لك المرأة والرجل؟
المرأة .. مجنونة بنت مجانين
الرجل .. ابو المجنونة ... وللاسف جوزها...

فى زمن البحث عن المادة ماذا تبحث انت؟
بدور علي دماااااااااااااااغي... وسلامتك يادماغي... ههههههههههه...

متى تعرف انك تحب؟
لما انساها...

الشخصية التى اثرت بحياتك؟
هتلر

هل يوجد من تراه سعيدا فى الدنيا ولماذا؟
كل الناس ال راضية بقضاء الله.... وفي نفس الوقت بيطورو حياتهم بنفسهم... كلهم سعداء.... عقبالنا...

ماهى درجة صراحتك؟
ساعات بكون غبي في صرحتي...

ماهى المواقف التى يمكن ان تكذب فيها؟
مفيش حاجة تستاهل اني اكدب علشانها...

هل يتغير الحب بعد الزواج؟
اكيد

فيما تفكر الان ؟
بفكر فاضل كام سؤال....

لو لم تعش بمدينتك ..فأى مدينة تفضل ان تعيش بها؟
الاسكندرية

من اول من يأتى ببالك لتحكى له اسرارك؟
علي حسب نوع السر...

من هو الد اعدائك ؟
عقلي..

من هو صديقك؟
برضه عقلي....

ماذا تكره فى الحياة؟
االعند والاصرار علي الخطأ والدفاع عنه...

ماذا تحب؟
وبحب الناس الرايقة .. البتضحك علي طووول...

كيف تواجه ما يضايقك وكيف تتصرف فى المفاجأت ؟
بطلع اتسنكح علي النيل لوحدي...
في المفاجأت مش بتخض... عادي يعني...




شكرا يا Silver Eyes
علي التاج الظريف ده... ومعلش اني اتأخرت فيه....

الجمعة، 25 يونيو، 2010

التجربة اليونانية


خبر من اليونان ولا تعليق:



اثينا: اعلنت الشرطة اليونانية مقتل مساعد وزير الأمن العام واصابة ضابط اخر بجروح بليغة في انفجار قنبلة بمقر وزارة الامن العام في العاصمة اثينا.


وافادت الشرطة بان القنبلة كانت عبارة عن طرد مفخخ انفجر في الطابق السابع الذي يضم مكتب مساعد وزير الامن العام ميخاليس خريسويديس وتسبب في اضرار مادية هائلة.
واشارت تقارير الى ان الوزير كان داخل المبنى وقت الانفجار لكن لم يصب باذى.


وقالت الشرطة ان الضابط وهو مساعد مقرب من الوزير فتح الظرف المشبوه الذي كان يحوي القنبلة.


وتسبب الانفجار في تحطيم النوافذ الزجاجية بمبنى الوزارة الواقعة بالقرب من وسط اثينا وسمع دوي الانفجار على بعد عدة كيلومترات.


وشهدت اليونان سلسلة من التفجيرات التي تشنها مجموعات يسارية مسلحة منذ وقوع اسوا اعمال شغب في البلاد عقب مقتل شاب صغير على يد الشرطة عام 2008 .

الخميس، 24 يونيو، 2010

هذا الاعلان مدفوع الأجر




هذا الاعلان مدفوع الأجر


لظروف شخصية لولبية ملوخية قامت صيدلانية طالعة نازلة الشهيرة بدكتورة علا بالعزال من مدونتها صيدلانية طالعة نازلة الي بيتها الجديد حالة ملل
ونرجو السادة الزائرين عدم مسح المدونة القديمة ....  يمكن ترجع في كلامها...
ونرجو ايضا اضافة المدونة الجديدة.... ينوبكم ثواب...
طلب اخير.... نظرا لأن العزال كان بسبب بعض الشخصيات الغير محببة البتدخل مخصوص وبس عندها في المدونة القديمة علشان تغلس عليها...
ف محدش يدخل عندها في بلوج "صيدلانية طالعة نازلة" ويقول مبروووك البلوج الجديد والحركات دي... علشان الشخصيات المزكورة متوصلش للبلوج الجديد...
وشكرا لحسن تعاونكم معاً....
_____________________________


انا بقي مكسوف جدا منكم كلكم لأني غايب بقالي كتيير... عن التعليق...
وكمان مش متابع بشكل كامل ليكم... 
ادعولي...

الأربعاء، 9 يونيو، 2010

ودعاؤكم علينا لا يُسمع...



"بسم إله السماء الواجب حقه، الذي ملكنا أرضه، وسلّطنا على خلقه..الذي يعلم به الملك المظفر الذي هو من جنس "المماليك"..صاحب مصر وأعمالها، وسائر أمرائها وجندها وكتابها وعمالها، وباديها وحاضرها، وأكابرها وأصاغرها..أنّا جند الله في أرضه، خلقنا من سخطه، وسلّطنا على من حل به غيظه..فلكم بجميع الأمصار معتبر، وعن عزمنا مزدجر..فاتعظوا بغيركم، وسلّموا إلينا أمركم..قبل أن ينكشف الغطاء، ويعود عليكم الخطأ..فنحن ما نرحم من بكى، ولا نرق لمن اشتكى..فتحنا البلاد، وطهرنا الأرض من الفساد..فعليكم بالهرب، وعلينا بالطلب.. فأي أرض تأويكم؟ وأي بلاد تحميكم؟وأي ذلك ترى؟ ولنا الماء والثرى؟ فما لكم من سيوفنا خلاص، ولا من أيدينا مناص فخيولنا سوابق، وسيوفنا صواعق، ورماحنا خوارق، وسهامنا لواحق، وقلوبنا كالجبال، وعديدنا كالرمال. فالحصون لدينا لا تمنع، والجيوش لقتالنا لا تنفع، ودعاؤكم علينا لا يسمع، لأنكم أكلتم الحرام، وتعاظمتم عن رد السلام، وخنتم الأيمان، وفشا فيكم العقوق والعصيان..فأبشروا بالمذلة والهوان (فاليوم تجزون عذاب الهون بما كنتم تعملون) (وسيعلم الذين ظلموا أي منقلب ينقلبون)..وقد ثبت أن نحن الكفرة وأنتم الفجرة..وقد سلطنا عليكم من بيده الأمور المدبرة، والأحكام المقدرة..فكثيركم عندنا قليل، وعزيزكم لدينا ذليل، وبغير المذلة ما لملوككم عينا من سبيل..فلا تطيلوا الخطاب، وأسرعوا رد الجواب..قبل أن تضرم الحرب نارها، وتوري شرارها.. فلا تجدون منا جاهاً ولا عزاً، ولا كتاباً ولا حرزاً، إذ أزتكم رماحنا أزاً..وتدهون منا بأعظم داهية، وتصبح بلادكم منكم خالية، وعلى عروشها خاوية..فقد أنصفناكم، إذ أرسلنا إليكم، ومننا برسلنا عليكم"


دي كانت رسالة التتار لقطز سنة 1260.... بتهيألي التاريخ بيعيد نفسه... بس بشكل مختلف....
تعالو كده نتخيل اليهود لو حبو يبعتولنا رسالة تهديد لو الحاكم بأمره حب يلعب بديله ولا حاجة...
بتهيألي هيبعتووو نفس الكلام... اينعم هيبعتوهلنا علي الفيسبوووك...
وساعتها مش هنعلق روووس الرسل في ميدان التحرير.... واخرنا هنعمل " ريبورت " علي الفيس...
زمان كان فيه حاكم قوووي... حاكم بجد... رد عليهم... 
دلوقتي معندناش اليرد بالنيابة عننا... معندناش اليخلينا نراجع نفسنا وافعلنا...
معندناش روووح علشان نتحكم في مصيرنا....
احنا العملنا كده في نفسنا... اقروو الرسالة تاني وركزو في الحاجات ال لونتها احمر... هتلاقوها حاولينا... وممكن تكون فعلا سبب في ال احنا فيه... لان ربنا مش هيغير ما بقوم حتي يغيرو ما بأنفسهم... 
بس ده مش هيستمر... علي الاقل انا متمناش انه يستمر...
اتمني نغير نفسنا... نغير تفكيرنا ... نغير حياتنا...
ونبقي عارفين اننا نقدر نغير الواقع - علي رأي احمد حلمي - .... نقدر نغير النظام....
نغير النظام...


------------------------------------
اسف اني مكنتش متابع معظم المدونات ال متعود اتبعها... بس كان عندي شوية ظرووف كده ملخبطة الدنيا معايا...