السبت، 10 يوليو، 2010

جواز بالعافية.... يــــــــــــــــاريت....







قريت مقال ل عمر طاهر... بصراحة انا مش عارف اعلق عليه... زي ما الكاتب نفسه معرفش يعلق عليه....
ياريت تقروووه وقولولي رأيكم ايه:




الزواج على الطريقة التركية:



سألت الحاج عفيفي عن ورق أبيض فارغ لأكتب مقال اليوم، ولأن (الحاجة بتنادي علي صاحبها) أخرج لي الحاج عفيفي الورق ومعه المقال، كان بين أوراقه صورة من نصوص القانون في الدولة العثمانية في بداية العشرينيات «صدر تحديدًا في أكتوبر 1922» كنت متأكدًا أنني المقصود بهذه الهدية لأنني أولاً لست معتادًا دائمًا علي الكتابة علي الورق، وثانيًا لأن الحاج عفيفي فشل في أن يتذكر الظرف الذي قاد نسخة هذا القانون إلي حقيبته، وثالثًا لأن النسخة لم تكن كاملة، كان الموجود منها الجزء الخاص بتنظيم مسألة الزواج فقط.
إليك نصوص القانون الذي احترت في تقييمه بشكل مطلق، إعجاب تام أو رفض نهائي، لكنني في النهاية كنت معجبًا به لأنني رأيت فيه رغبة جادة في تنظيم المجتمع وحمايته و...و... ماتيجوا نشوف.
1- تبدأ مدة الزواج الاختياري من سن 18 وتنتهي في سن 25 ومن لم يتزوج في الـ25 يجبر علي الزواج.
2- إذا امتنع الشخص عن الزواج بعد هذه السن بحجة أنه مريض يكشف عليه، إذا كان مرضه قابلا للشفاء يؤجل إجباره إلي أن يبرأ، وإن كان المرض غير قابل للشفاء يمنع من الزواج.
3- إذا امتنع الشخص عن الزواج بعد الـ25 بلا عذر شرعي يؤخذ منه بالقوة ربع دخله سواء كان ربع ملكه أو ربح تجارته أو أجرة صناعته، ويوضع في البنك الزراعي ليصرف منه علي من يريد الزواج من الفقراء إكرامًا لهم.
4- كل من لم يتزوج بعد الـ25 لا يقبل بوظيفة مطلقًا في مصالح الحكومة ولا ينتخب في هيئة من الهيئات ولا يعهد إليه بمنصب أو أمر من الأمور وإذا كان موظفا يتم إعفاؤه.
5- كل من تجاوز الـ50 ويكون متزوجًا بامرأة واحدة وفي استطاعته ماديًا وصحيًا أن يتزوج بأخري يتم تكليفه بذلك ليكون شريكًا في سد حاجة من الحاجات الاجتماعية فإذا اعتذر بأسباب معقولة يكلف بمساعدة أولاد الفقراء والأيتام من واحد إلي ثلاثة حسب استطاعته.
6- من يتزوج في سن الـ18-25 وكان فقيرًا لا يملك شيئًا يقطع له من أرض الحكومة من 150 إلي 300 دونم مجانًا (الدونم 900متر) من أقرب مكان له.
7- وإذا كان من أرباب المصانع أو المتاجر يعطي له رأس مال قرضًا 100جنيه عثمانلي يسدد علي ثلاث سنوات.
8- من يتزوج قبل الـ25 وليس لديه أخ راشد يخدم أبويه يعفي من التجنيد، وكذلك البنت إذا تزوجت وليس لها أخ راشد يخدم أبويها يعفي زوجها من التجنيد.
9- كل شخص تزوج قبل الـ25 ورزق بثلاثة أطفال يتم تعليمهم مجانًا في مدارس الحكومة الليلية، وإذا كانوا أكثر يتم تعليم ثلاثة مجانًا ويصرف لكل واحد من الباقين عشرة جنيهات من الأموال العمومية إلي أن يصبح عمره 13 عامًا .. وإذا كانت امرأة لديها 4 ذكور فصاعدًا تمنح إعانة قدرها 20 جنيهًا.
10- كل طالب يشتغل بطلب العلم في الداخل أو الخارج يؤجل جبره علي الزواج إلي أن يتم دراسته.
11- من يضطر إلي السفر والإقامة في الخارج لبضع سنين لأي سبب وجب عليه اصطحاب زوجته أو تقديم عذر مانع من أخذ زوجته معه، وإن كان قادرًا علي الزواج في البلد الآخر يجبر عليه، ثم يتوجب عليه بعد العودة أن يجمع زوجتيه في مكان واحد.
هذا ملخص بنود القانون الذي أود أن أعرف رأيك فيه يا صديقي، هل تعتقد أنه صالح للتطبيق في عصرنا هذا؟
إنه قانون بلا شك يضمن للمجتمع قوامًا سليمًا متماسك خاليًا من العنوسة والتحرش الجنسي والزواج العرفي والعلاقات غير السليمة، ويمنحه قدرًا من الاستقرار النفسي ويضع الشاب علي أول طريق الحياة في الوقت المناسب فلا يضطر لأن يبدأ حياته السليمة بعد الخامسة والثلاثين، إنه أيضًا قانون به مساحة للتكافل الاجتماعي، يعاقب المقصر باقتطاع جزء من دخله لصالح المحتاجين، إنه أيضًا قانون يحترم العلم وطالبه هو الشخص الوحيد المستثني من الإجبار إلي أن ينهي تعليمه. ربما تري أنه قانون سيؤدي إلي زيادة عدد السكان، وهذا موضوع محل نقاش لأن المشكلة ليست في زيادة السكان ولكن المشكلة في إدارة النظام لهذه الزيادة وحسن استفادته منها وعندك الصين نموذج.
لكن أين حرية الناس؟ أين حريتك إذا اقتنعت بأنك شخص لا يصلح للزواج لأسباب غير مقنعة للحكومة؟، أين احترامك لفكرة أن الزواج قدر مكتوب لا يصلح معه الغصب أو الإجبار؟، أين ضماناتك حتي لا يتحول الموضوع إلي بيزنس تكسب منه قطعة أرض أو تمويلاً لمشروعك التجاري؟، وهل يستحق الإضراب عن الزواج أو تأجيله كل هذا الكم من العقوبات التي تكاد تصبح نفيًا داخل وطنك؟
حيرني القانون لكن حماس الحاج عفيفي له كان بلا حدود، سألته عن السبب فقال: كفاية إن القانون بيدلع الرجل بعد الخمسين ويمنحه الحق في الزواج مرة أخري، قلت له: أهي النقطة دي تحديدًا واقفة في زوري، فقال لي إشمعني فقلت له: لأن الدلع من وجهة نظري هو أن يحصل الرجل بعد الخمسين علي الحق في الطلاق.

منقول من جريدة الدستور....


ايه رأيكم ؟؟؟؟ .... بصراحة انا كان نفسي اكوووون في الزمن ده... كان زماني فاضلي سنة ونص ويعقبوني!!!!!! ده ايه الدلع ده ياخوااااتي.... جواز بالعافية... يااااااااااااريت... بدل عدمه ال بالعافية...

هناك 88 تعليقًا:

sony2000 يقول...

الهي يااااااااااارب
يجي اليووووووووووووووووووووووووووووووم
اللي كولالبشريه مستنظراه
وانا اولهم:)

لـــولا وزهـــراء يقول...

ابوعلى
-*-*
الاول بس عاوزه اعلق على الصوره انت عارف ان التمثال الصغير اللى فى الصوره المفروض يتم وضعه على تورتة العروسين زمان كان التمثال رقيق كده وشكله شيك دلوقتى الطلبات بقيت غريبه عجيبه والله يو ينفع كنت جبت لك شوية صور لتماثيل تحفه بجد تقدر تقول زواج بالعافيه فعلا ....
بالنسبه لهذا القانون تخيل كده لو الحكومه قررت انها تطبقه ياترى هيحصل ايه ياترى نسبة حوادث الاغتصاب والتحرش هتقل طيب ياترى نسبة العنوسه هتقل ؟؟؟
اقسم بالله العظيم من فتره قادتنىا لظروف انى قعدت مع شخص بيعمل فى منصب حساس سنه 42 ومستواه المادى عالى جدا سالته بكل براءه انت ليه مش اتجوزت لغاية دلوقتى قال بالنص لانى مش لاقى بنت ناس اخليها تشيل اسمى يعنى بقى فى ازمه فى الاخلاق ...
كل قانون صالح لزمانه فقط ولا ينفع تطبيق فى اى وقت اخر وقت ما كنت فى كلية الحقوق كنت ادرس ماده اسمها تاريخ قانون كنت باشوف فيها العجب العجاب لكن حاجات مش ينفع تطبق غير فى الوقت اللى صدر فيه القانون
بينى وبينك لو كان القانون ده بيطبق هنا كان زمانى رحلت بجد بعيييييد عن الدوله
ربنا يفرح قلبك وعن قريب نبارك لك على فرحك ياااااااااارب

زهــــــــراء

AHMED SAMIR يقول...

و يقولوا ثورة يوليو حققت العدالة الإجتماعية....!!!!!
لا حول و لا قوة الا بالله

حَـبآيـۃْ.بـטּـدۉڷ يقول...

مممممم .. هو ده القانون اللي مصر كلها مستنياه .. :D:D

بس الناس اللي حطوا القانون ده عندهم حكمه كبيره .. اكيد مستحيل يبقى عندهم فقراء على كده .. ولا حتى عوانس .. :D

سلسبيل يقول...

هههههههه
موضوع جميل و فكرة غريبة
أول مرة اسمعها بس هى
ليها إيجابيات وسلبيات ذى ما
الكاتب قال
حقيقى تسلم على الموضوع الراااائع

تحياتى لك

أع ـقل مـ ج ـنـونــة يقول...

لسة قارياه من شوية يا ابو علي :D

والله الناس دي دماغ :D :D

E73 يقول...

لا هي الحكومة العظيمة بتاعتنا عاملة إضراب عن الجواز أصلا وبتفرضه على الشعب

مساحة الشقق وصغروها وقللوا عدد الحجرات وعدد الحمامات علشان لو واحد فكر يتجوز يبقى يروح ينتحر قبل ما يفكر يخلف

وأسعار العقارات ولعوها علشان يولعوا في الشباب قبل ما يفكروا يتجوزوا

دا غير الضرايب وارتفاع أسعار السلع

يعني حكومتنا العظيمة "حسبي الله ونعم الوكيل فيهم كل الفاسدين والظلمة اللي فيها" عاشقين للفساد والانحلال الأخلاقي

أنا مؤيدة للقانون دا جدا ما عدى آخر نقطة لأنه على حد علمي إن لا يجوز شرعًا الجمع بين زوجتين في بيت واحد

لكن ما دون ذلك أنا معاهم فيه

لكن الواقع الحالي إن الحكومة لو فكرت تعمل حاجة زي كدة مش هتاخد الفلوس علشان تديها لحد محتاج

لااااااااااا دي هتاخدها وتضربها في جيبها "حسبي الله ونعم الوكيل فيهم كل الظلمة يا رب" << بقولها بحرقة قلب بجد وإن شاء الله ربنا هيستجيب

الشـــــوكه النــاعمه يقول...

الموضوع ده انا قريت عنه قبل كده
وكانت كمان تيريز طرحته فى مدونتها
والله الراجل اللى اسموا مصطفى كمال اتاتورك ده عسل
ياريتوا عايش ياه الراجل ده كان هايقصر مسافات كتير اوى
جواز بالعافيه هوفيه احلى من كده
الله يرحمه منه لله ماكنش قادر يعيش كام سنه لحد ما يجوزنى ويتكل ها قول ايه فقرى
مالوش نصيب فى الكام دعوه اللى كنت ها دعيهم له
لا بجد الموضوع ده بيصيبنى بالحسره خساره
هههههههههههه
ربنا يبعت لنا واحد زيو يدلعنا كده
فى حد طايل قال جواز بالعافيه والله الراجل عمل اللى عليه
ياللا امشى بقا قبل ما حدقى يولع لك البلوج
سلام دلوقت عشان متنرفزه
هههههههههه
تحياتى

Ramy يقول...

شوف يا ابو على انت سبقتنى (:

بس انا حاسس انه قانون ممكن يكون كويس

(:

Ramy يقول...

صحيح مبروك شكل المدونة الجديد او التجديدات اللى عملتها

Single Mummy يقول...

على فكرة القانون دة ممتاز من وحهة نظرى وايجابياتة اكتر من سلبياتة بكتير وبيحقق تناغم اجتماعى وحفاظ مطلوب على المجتمع
تحياتى

الحب الجميل يقول...

ياريت ...جواز بالعافيه

اول مره اسمع بالفكره الغريبه دى

وخلينا فى ايجابيتها

موضوع متميز

شكرا للأطلاع

تحياتى

هي وظروفها يقول...

انا رااااااااااشق وجاي مني تبرع اني اعف 4
منه اطبق الشرع ومنه نلم لحمنا

جاي معايا ولا هتقول كفايه واحده
ياد يا محمد مهو ببلاش يعني لا هتجيب شقه ف البدرشين ولا هيطلبوا منك تجيب نيش ومرحتين
هي فل كده يا ريتني كنت معاهم

Ms Venus يقول...

هههههههههههههههههههه


كل شىء بالخناق الا الجواز بالاتفاق يا ابو على


هههههههههههههه


قانون غريب طبعا

وله سلبيات اكيييد

خواطر شابة يقول...

كنت قرأت الموضوع نفسه من فترة في مدونة tears قانون غريب فعلا لانها كانت اول مرة اعرف عن الزواج الاجباري هذا
ياترى لو طبقنا هذا القانون الان سينجح ام لا ماموقف منظمات حقوق الانسان منه لو فكرت دولة في تطبيقه أكيد الكل سيهاجمها فالزواج مسألة شخصية وقرار خاص لاينفع فيه اجبار وعقوبات
دمت بود

re7ab.sale7 يقول...

هههههههه
انا علي فكرة قريت الكلام ده قبل كدة في مدونة تيرز وبجد حاسة انه نظام دكتاتوري جدا , وبالعكس يعني اية يجبروني اني اتجوز طيب انا مش عايزة اتجوز والا اتجوز اي حد والسلام لالالالالا ده اسمه جواز لاخر العمر وطبعا بما انكم رجالة فمش مهم ما اللي مش هتعجبني اجيب غيرها ...لكن انا بقي لو جوزي معجبنيش ممكن اتجوز عليه ....؟؟؟ وده ميمنعش ان في حاجات ف القانون ده حلوة لكن عيوبة قاتلة ...ومش هتمنع حاجات كتير مش حلوة ...ده من وجهه نظري طبعا والاختلاف لا يفسد للود اللي بينا شيء ...وميرسي خالص لسؤالك عن زياد ...والله دا تعبان شوية كتير وصعبان علي خالص ...

فتاه من الصعيد يقول...

قريت المقال .... واصلا ده دلع اخر حاجه

وتركيا كانت واكله خير البلاد اللي كانت محتلاها قبل ربنا مايتوب عليها :)

فطبيعي تلاقي تصرفات الرفاهيه دي

تحياتي

الغاردينيا يقول...

هههههههههههههه

زمنهم غير وزمنا ثاني

لو بزمنا بنلاقي اللى يستغل القانون دا لاغراض سلبيه !

هههههه تحية

سمع هوص (Abo 3li) يقول...

sony2000

ههههههههههههههههههههههههههه
وده ال هوا ايه بقي؟؟؟؟؟

سمع هوص (Abo 3li) يقول...

زهـــراء

بنات الناس كتير... بس هي مشكلة ثقة منعدمة من الطرفين...

ربنا يبارك فيكي ياقمر تسلمي علي الدعوة الحلوة...

سمع هوص (Abo 3li) يقول...

AHMED SAMIR

عدالة اجتماعية....
سمعت المصطح ده فين قبل كده!!!
مش فاكر بصراحة....


نورت البلوج... تحياتي...

سمع هوص (Abo 3li) يقول...

حَـبآيـۃْ.بـטּـدۉڷ

بذمتك مش عالم دماغها جامدة... ههههههههههههههههه.... يبخت الكانو عايشين ساعتها...


منوراني

سمع هوص (Abo 3li) يقول...

سلسبيل

بتهيألي ايجابيتها اكتر... ولا ايه؟؟؟


نورتيني في اول زيارة... ويارب تتكرر...

تحياتي...

سمع هوص (Abo 3li) يقول...

أع ـقل مـ ج ـنـونــة


دماغ وعالية جدا كمان...

منوراني ياريموووووووووووووووو...

سمع هوص (Abo 3li) يقول...

E73

ههههههههههههههههههه...
اخص عليكي...
ظالمة الحكومة كده ليه؟؟؟؟
دي حتي حكومتنا خايفة علينا من الانفجار السكاني... كتر خيرهم....


تحياتي...

سمع هوص (Abo 3li) يقول...

الشـــــوكه النــاعمه


لاااااااااااااا.... اتاتورك ده منه لله.... هوا ال ودانا في داهية...
متخلنيش اجيب في سيرة ناس ميتة....


حقدك علي مين... انا لسه سنجلاوي... روحي احقد عند حد متجوز... هههههههههههههههه.....


منوراني ياقمر...

سمع هوص (Abo 3li) يقول...

Ramy

هوا فعلا كويس... الي حد ماااا...

الله يبارك فيك... بس دي بقالها فترة...


منورني ياباشا..

سمع هوص (Abo 3li) يقول...

Single Mummy

صح ياسارة... ايجابياته اكتر من سلبياته.....


تحياتي ليكي..

سمع هوص (Abo 3li) يقول...

الحب الجميل

العفو يافندم اي خدمة... ههههههههههه...



نورتيني...

سمع هوص (Abo 3li) يقول...

هي وظروفها

لا يعم اربعة بس؟؟؟ في الاول اربعة وبعدين نبقي نرجعهم وناخد غيرهم... هههههههههههههههه.....


يسيدي انا عاوزها واحدة ... بس تكون واحدة بجد....

سمع هوص (Abo 3li) يقول...

Ms Venus

الجواز بالاتفاق... وبعد الجواز يبدأ الخناق.. هههههههههههههههه.....


تحياتي..

سمع هوص (Abo 3li) يقول...

خواطر شابة

فكرة نجاحه من عدمه دي ... انا مش قادر اوصل لتخيل ليها بصراحة...


تحياتي..

سمع هوص (Abo 3li) يقول...

re7ab.sale7


اهلا بالقمر بتاع البلوجور...

الف سلامة علي زياد... ربنا معاه.. ومعاكم...

سمع هوص (Abo 3li) يقول...

فتاه من الصعيد

رفاهية؟؟؟
فعلا الحكومة المصونة وصلتنا لاننا نعتبر الجواز رفاهية صعب الحصول عليها... هههههههههه... منهم لله....

منوراني...
تحياتي...

سمع هوص (Abo 3li) يقول...

الغاردينيا

تفتكري؟؟؟
طب زي ايه؟؟
ممكن فعلا يقلبوها تجارة؟؟؟ ممكن بصراحة...



اهلا بأول زيارة... ويارب تتكرر...

تحياتي..

احاسيس آيوشه يقول...

ههههههه
ده كان بجد
ايه الحلاوة دى بس
دول كانوا مدلعين الناس يعنى
بس اطمن ميقدروش ينفذوه ابدا ابدا فى مصر
دول عايزين ياخروا سن الجواز على اد ما يقدروا علشان اللى يتجوز ميجبش عيال من اساسه

سمع هوص (Abo 3li) يقول...

احاسيس آيوشه

لو عليهم عاوزنا نخلص... ههههههههه...

تحياتي..

محمود(باحث عن حب) يقول...

السلام عليكم انا دايما اشوف تعليقات حضرتك فى المدونات واول مره ادخل عندك
والظاهر جيت متأخر
بس انا متفق مع القانون ميه الميه
يابنى العنوسه زادتتتتتتتتتتت بشكل ملحوظ والتحرش والعمليه ظاطت قوى
واخلتط الحابل بالنابل والبنت العانس فى البيت بتخربه
وبتكون ناقمه على المجتمع

يبقى الواحد عاوز يتجوز مهر مغالى فيه وطلبات ومفيش شقه ولا شغل
يبقى الواحد يقشيها .؟؟؟؟؟؟؟؟؟؟
المهم يبقى الزواج بالعافيه فى
الوضوع ده على رأئيه الله يرحمه
حلال حلال حلال حلال
بس حكم الزواج او النكاح فى الشرع ايه زى ما درست فى الفقه الحنفى فى الازهر
واجب
سنه

واجب لمن للقادر المستطيع الذى لديه مورد رزق والقدره على الوطء ووصل الى مرحله التوقان الذى يخشى عليه من الوقوع فى الزنا فوجب على اولى الامر ان يزوجوه
سنه لمن لا يخشى عليه الوقوع فى الزنا ولديه المقدره على الوطء والرزق من باب الحديث (النكاح سنتى فمن رغب عن سنتى فليس منى)+

طيب اللى معدهوش مورد رزق على الوالى ان يتكفل بامر رزقه
فحسبنا الله ونعم الوكيل
مدونه جميله\
واستأذنك باضافتها

بنت وولد يقول...

بصراحه بعد كل اللى اتقال ده
اللى يلاقى الجواز و ميتجوزش يبقى
شريييييييير شرييييييييييييير شرييييييييييير
هههههههههههههههههههههههه

شايف البلاد و الحكومات بتدلع شعوبها ازاى

بنت

عايشه لنفسي يقول...

ياريتنى كنت معاهم
يارتنى كنت معاهم

ويكا يقول...

ههههههههههههه

طيب هو ممكن نخلى سن الخمسين المذكور ده 30 سنه؟!!!!

يا نهار ابيض يا جدعاااااااااااان ، دا احنا طلعت الحكومه ضاحكه علينا ضحك.

فكرة من الزمن ده يقول...

للاسف انا فكرة من الزمن ده
كان نفسي اكون من زمن فات
اكيد القيم كانت اجمل واسمى
تحياتي

elmasryeffendi يقول...

كل وقت و له اذان و الدولة فى تركيا كانت شديدة فى تطبيق القوانين لاهداف خاصة بحقبتها الزمنية اما نحن فرجعنا الى الوراء اكثر من 100 سنة بعد قيام الانقلاب المبجل، و كرباج ورا يا اسطى

سمع هوص (Abo 3li) يقول...

محمود(باحث عن حب)

انا متفق مع كلامك ...

ويافندم منغير استأذان.... دي مدونتك...


تحياتي..

سمع هوص (Abo 3li) يقول...

بنت وولد

شرير بس؟؟؟
ده يستاهل الضرب كمان...

حكومات اخر دلع... اوعدنا يارب...

سمع هوص (Abo 3li) يقول...

عايشه لنفسي

وانا كمان....

سمع هوص (Abo 3li) يقول...

ويكا

ابتدينا طمع بقي.... طب واحدة واحدة مش كده...ههههههههههههه...

احنا منصوب علينا مش مضحوووك بس... هههههههههههههه...

سمع هوص (Abo 3li) يقول...

فكرة من الزمن ده

فعلا كانت اجمل وارقي...

منوراني... تحياتي..

سمع هوص (Abo 3li) يقول...

elmasryeffendi

كرابيج ورا ياأسطي...
طب ونظامنا الحالي.. ال مش بينله معالم ده... اهدافه ايه ياتري....

تحياتي..

just waiting يقول...

انا ضد القانون دا
اصل انا اصلا ضد الجواز (بكدب بس محدش ياخد باله )
هههههههههههههههههههههههه

سمع هوص (Abo 3li) يقول...

just waiting

وانا كمان زيك... ضده... وبكدب... ههههههههههههههههه...

منوراني..

عابرة السبيل = ام بقلظ باشا يقول...

ماشى

اوك


بس ابقى ساعتها ما تقولش انا ايه اللى عملته فى نفسى ده

sweet angel يقول...

ههههههههه
طل والله كويس
بس البند الخامس ده اوحش حاجه فيه

هو حكايه السن دي حلوة
بس للبنات
انما اصلا الراجل 25 سنه يبقى لسه عيل
هههههههههههههه
البنت هتاخده تعمل بيه ايه ؟؟؟؟
تربيه

القانون ده اكيد زي العسل على قلوب الرجاله

العيسوى الصغير يقول...

دا من القانون العثمانى

هو كان فى مصر كام الف نسمه

دا ايام جمال كوننا 20مليون

امال ايامها كوننا كام 20الف

أم الخــلـود يقول...

اصحى يا نايم ووحد الدايم

(حملة الجسد الواحد)

أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد، ومن أجل قيام الولايات المتحدة الإسلامية

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

حالة ملل يقول...

و الله يا باشا معنديش حاجه اقولها غير ناس ذوووووووووووووق ذووووووووووووق الصراحه

سمع هوص (Abo 3li) يقول...

عابرة السبيل = ام بقلظ باشا

كلمات مشجعة فعلا.. ههههههههههههههه....
اهو لازم نجرب.... يمكن يطلع الجواز علي حظي حلوو... ههههههههههه....

نورتيني..
تحياتي..

سمع هوص (Abo 3li) يقول...

sweet angel


25 وعيل؟؟؟؟؟
اومال انتي عاوزاه كام؟؟؟ 50؟؟؟؟؟؟؟؟؟
هههههههههههه

سمع هوص (Abo 3li) يقول...

العيسوى الصغير


تعداد السكان في القاهرة بس في العصر العثماني كان اكتر من ربع مليون...
والدولة العثمانية كانت مترامية الاطراف زي مبيقولو....

ثم مش بالعدد... بالافعال ال تبين ان اولي الامر هاممهم مصلحة شعوبهم...

منورني... تحياتي...

سمع هوص (Abo 3li) يقول...

أم الخــلـود

شكرا

سمع هوص (Abo 3li) يقول...

حالة ملل

ذووووووووووووووق جدا كمان.... ههههههههههههههههههههه

لـــولا وزهـــراء يقول...

موضوع يفطس من الضحك ويهلك من البكا ...دي قوانين ان اطبقت كانت تحل
مشاكل جيل بيعاني من الكثير والكثير والكثير ....لولا

سمع هوص (Abo 3li) يقول...

.لولا

اه والله هم يضحك وهم يبكي....

منوراني..

طوبه فضه وطوبه دهب يقول...

اكيد طبعا القوانين دى على المزاج وكل اللى نفسه يتجوز ممكن يروح يدور على الورقه دى والمواثيق دى فين بالظبط عشان يتجوز بالعافيه ههههههه

سمع هوص (Abo 3li) يقول...

طوبه فضه وطوبه دهب

ال هيديني اي معلومات الوثائق دي فين ... لو بنت هتجوزها... لو ولد هشوفله عروسة... ههههههههههههههه

انسان عادي يقول...

احم احم
سلامو عليكو

انا عندي 25 سنة وعايز اتجوز
انا عندي 25 سنة وعايز اشتغل
انا عندي 25 سنة وعايز ........

انا عندي 25 سنة وبكامل قوايا العقلية وعايز اعيش في العصر ده
ممكن ؟؟؟؟؟

norahaty يقول...

ناس كتير كتير
كتير كتير كتيررر
فى بلدنا مستنظريين
مثل هذا القانون خدهم
جنبك ربنا يعمر بيتك:):)

سمع هوص (Abo 3li) يقول...

انسان عادي

ممكن يبني وماله... متزعلش نفسك اوي كده... انا خايف عليك... هههههههههههههههههههههه...

سمع هوص (Abo 3li) يقول...

norahaty


كل ال نفسه يجي جنبي ينورني.... ظلي ولا ظل الحكومة... ههههههههههه...

غير معرف يقول...

ابوعلي فينك مختفي لية

يارب يكون الحال على مايرام

وازيك وعامل ايه وايه اخبارك :)

(( فراشة))

ghada mOhsen يقول...

هلااااا ابو علي
إيش أخبارك يارب تكون بخير ...

إيه إللي جواز بالعافيه ده

لااااا وألف لااااا :)))

هي الصراحه فعلا فيها إيجابيات وفيها سلبيات ... بس بجد مانزليش من زور ...

خليها على ربنا ... وربنا يجوز كل إللي عايزين يتجوزوا ..قول أميييين
:)

وينك مختفي ياراجل .. إظهر وبان عليك الأمان

ربنا يكرمك إن شاء الله
^_^

Wanda يقول...

ابو على بيصيف؟؟
اين انت؟
اوع تكون انتجوزت واختفيت زى صاحباتى :-)

Bent Men ElZaman Da !! يقول...

الفكره مش بس فى انه جواز بالعافيه
الفكره فى انه كمان بيوفر كل حاجه
تعليم وفلوس ومعونات
حقيقى قانون بيوفر كل حاجه صح تخلى الواحد يبقى كويس
وعلى رأيه مش هيبقى فى عنوسه ولا تحرش ولا تعليم مهبب زى دلوقتى (ماهى لما الحكومه تعلم على حسابها هتحترم نفسها)
ولا هيبقى فى فقر والواحد الغلبان مش عارف يصرف على عياله ولا هيبقى فى بطاله ما هو كله ادام اتجوز يبقى هيشتغل
عيبه الوحيد انه ضيع حريه الفرد فى اختياره امتى يتجوز
بس قصاد كده فيه مزايا كتير اوووووووى
الواحد يتغاضى عن العيب ده عشانها

P A S H A يقول...

كل سنة وحضرتك طيب وبألف خير وصحة وسلامة إن شاء الله

:)

رمضان كريم

داليـ ـ ـ ـ ـ ـ ــــا يقول...

تمام
قانون كويس
أى قانون فى الدنيا ياأبو على ليه مميزاته وله عيوبه
بس تصدق القانون ده مميزاته اكتر وتغطى على عيوبه القليله تعرف ليه
عشان مصدقش ان مافيش حد فى الدنيا لا شاب ولا بنت مش نفسهم يتجوزوا ويبقا ليهم حياتهم المستقله

على فكره أنا أصلى تركى

كل سنه وانت طيب
رمضان كريم

قوس قزح يقول...

كما تعودنا منك على فعل الخير
ندعوك للمشاركة فى يوم خير جديد
التفاصيل هنا
http://kouskoza7.blogspot.com/2010/08/blog-post_12.html
و هنا
http://hams07.blogspot.com/2010/08/blog-post.html

انت تسال والكمبيوتر يجيب يقول...

سعدنا بالمرور ولذلك نوجه لك هذه الدعوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

فاتيما يقول...

كل سنة و انتا طيب يا ابو علىىىى

انتى هتفضل غطسان لحد امتى ؟؟؟

وحشتنا جداااا


هتيجى يوم ابو الريش ؟

فكر و شوف و حاول لو سمحت

خالص ودى ليك
۩

سمع هوص (Abo 3li) يقول...

فراشة

فراشة شكرا علي سؤالك... انا بخير الحمدلله...

كل سنة وانتي طيبة

سمع هوص (Abo 3li) يقول...

ghada mOhsen

زيه زي اي شئ في الدنيا ... سلبيات وايجابيات...

شكرا علي سؤالك انا بخير الحمدلله... مش مختفي دي فترة نقاهة..

سمع هوص (Abo 3li) يقول...

Wanda

بصيف!!! ياريييييييييييييت... حاولت ومعرفتش اخد اجازة يا بنت عمي...
ثم اتجوز وبنت عمي متحضرش الفرح!! طب ازاي؟؟؟

سمع هوص (Abo 3li) يقول...

Bent Men ElZaman Da !!

صح... لازم نقارن المميزات بالعيوب علشان نقدر نحكم صح...

تحياتي..

سمع هوص (Abo 3li) يقول...

P A S H A

وانت طيب ياشريف... تسلم ياكبير..

سمع هوص (Abo 3li) يقول...

داليـ ـ ـ ـ ـ ـ ــــا

هههههههههههههه... مرحبا بالاتراك :P:P
وانتي طيبة وبصحة وسعادة..

سمع هوص (Abo 3li) يقول...

قوس قزح

ربنا يسهل... هحاول ان شاء الله...
رمضان كريم..

سمع هوص (Abo 3li) يقول...

فاتيما

وانتي طيبة ياتيمة...
معلش علي الاختفاء....
ربنا ييسر واقدر اكون معاكم...

رمضان كريم..

مريم مر العمراوى يقول...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

قمم التميز يقول...

شركة تنظيف بالدمام

شركة كشف تسربات المياه بالدمام

شركة مكافحة حشرات بالدمام

شركة تسليك مجارى بالدمام

شركة مكافحة النمل الابيض بالدمام

شركة تنظيف فلل بالدمام

شركة تنظيف منازل بالدمام

شركة تنظيف خزانات بالدمام

شركة تنظيف شقق بالدمام

شركة رش مبيدات بالدمام

شركة نظافة بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف كنب بالدمام

شركة تنظيف سجاد بالدمام

شركة نقل اثاث بالدمام

شركة نقل عفش بالدمام