الأحد، 5 سبتمبر 2010

ماذا لو أصبح البرادعي رئيسا لمصر؟



البالاخضر من عندي...

بقلم: د.أحمد غانم
الحمد لله رب العالمين..فلولا ستر الله وقوة دعاء المؤمنين لوقعنا فى الخطيئة ولانتخبنا السيد محمد البرادعي، ولكن الله سلم بعد أن كشفت سيدة مؤمنة النقاب عن صور وأدلة دامغة لا تحتمل التأويل أو التشكيك تكشف بها حقيقة السيد البرادعي وعائلته.
كنت أعلم دائما أن مصر محروسة من الفساد والإنحلال، فقد تم الإعلان عن هذه الصور فى وقت مناسب حتى لا تنزلق مصر إلى ذلك المنزلق ويتم انتخاب البرادعي (وتقع الفأس فى الرأس).
ولأن خيالي واسع فقد تخيلت ماذا كان سيحدث - لا قدر الله - لو أصبح البرادعى رئيسا لمصر:
لو أصبح البرادعى رئيسا لمصر لحارب الإسلام كي ينشر فكر بنته الملحدة، فسيحارب كل من يلتزم وسيقود حملة إعلامية يجند فيها نجوم الشباك وأشهر الكتاب والمخرجين لعمل مسلسلات وأفلام يظهر فيها الشخص المتدين عبوس قبيح المنظر شهواني جاهل بينما يظهر فيها غير المتدينين كشباب مثقف ومتفتح ليكون قدوة لشباب مصر حتى يقتل روح التدين فى مسلمي ونصاري مصر لينشر إلحاده،- مين بيتفرج علي مسلسل الجماعة - وسيحارب فكر البرادعى الشيطاني العفة وسيقود حملة إعلامية تشبه الحجاب بالخيمة والـ(بارشوت) وأنه نتاج للقهر والتخلف فى عصور ما قبل البرادعي.
لو أصبح البرادعي رئيسا لمصر لأحضر ابنته التى ترتدي البكينى ولفتح لها شواطئ شرم الشيخ الإسلامية التى تقوم فيها شرطة الآداب حاليا بمنع أي سائحة ايطالية من لبس البكيني أو النوم نصف عارية على الشاطئ- والكلام ده ينفع نقبل بيه في مصر.. ان يكون فيه شواطئ عراه مثلا يعني مثلا-، وأعتقد أن أول قرار سيكون للبرادعي هو اتاحة لبس البكيني على شواطئ شرم الشيخ والغردقة.
ولكن خطة البرادعى الشيطانية لنشر الفساد فى مصر لن تقتصر على ذلك فهو يعلم أن بفضل سياسات حكومة البرادعي فإن معظم الشعب لا يملك ما يكفى للذهاب لمنتجعات شرم الشيخ ومن المؤكد أنه سيجد طريقة لإدخال البكيني وثقافة العري ومشاهد شرب الخمر والمخدرات لكل بيت مصري وأعتقد أن أولى خطواته ستكون السماح بظهور البكيني والملابس العارية فى الإعلام المصري- هيعيد اذاعة "زهرة وازوجها الخمسة" و"العار" وكليبات مولتي تتحدي البلل- فى خطوة غير مسبوقة لتقتحم تلك (القنابل الجنسية) التى سيتم انتاجها فى عهد البرادعي تليفزيونات كل بيت مصري مسلم ومسيحى ملتزم فتهتك براءة الأطفال والمراهقين وتفاجأهم بمشاهد لممثلات ومغنيات يرتدون البكيني جهارا نهارا فى مصر المسلمة.
ولكن البرادعي رجل سياسي ماكر فهو يعرف أنه رغم انفاقه الملايين من دم المصريين فى هذه البروباجندا الإعلامية فسيظل بعض الشباب متمسكا بتدينه كما أن بعض الشباب من غير المتدينين أيضا قد يعترض على الطريقة العشوائية التى يحكم بها البرادعي مصر وكل هؤلاء سيتم التعامل معهم عن طريق جهاز أمنى جديد سينشأه البرادعي للقبض على هؤلاء الشباب من المعارضين أو المتدينين وتعذيبهم فى سلخانات حكومية (لا يتم تقديم الشاي فيها للمعتقلين) والتي سيتم افتتاحها فى عهده المشؤوم قاضيا على روح المحبة والإحترام التى تسود الآن بين المخبرين رقيقي القلوب- كله الا حبايبنا- والمواطن العادي.
ولا تنسى زوجة البرادعى فالصور تتهمها بشرب الخمر ولكن الحقيقة أنها مع شربها للخمر ورغم إتهامات الإلحاد التى تجتاح عائلتها إلا أنها شيعية متطرفة محجبة وهى تلبس باروكة فوق شعرها وولائها الحقيقى لشيعة إيران وستعطى كل اسرار مصر لإيران وقد ثبت أن حسابها على الفيس بوك يظهر فيه أحمدي نجاد على قائمة أفضل عشرة أصدقاء.
ولذا فمن المؤكد أنها  سترسل تقريرا شهريا  عن أزمة القمح والمياه والكهرباء والغاز التى حتما ستحدث فى عهد البرادعي نتيجة سخط الله على الشعب لانتخابه رئيسا ملحدا-تستاهلوووو- ونتيجة هذه الأزمات التى ستسببها سياسات البرادعي الخرقاء ستصل مصر لحالة من الضعف تجعل إيران تحتلنا بعد أن تسمع مخابرات إيران كلمة السر التى ستذيعها زوجة البرادعي على موجة إذاعة الشباب والرياضة..فالجيوش الإيرانية على الأبواب وكل جندي إيراني (حاطط الراديو على ودانه) وينتظر إذاعة أغنية (بحبك يا حمار) لتكون كلمة السر للإنطلاق نحو بوابات مصر.
فى عهد البرادعي ستزور الإنتخابات لإنجاح شلته من (الخمورجية) وتجار المخدرات-هيعمل حزب هيسميه الحزء الوطني-، وستقهر المظاهرات السلمية التى سوف تخرج حتما لمواجهة الكوارث التى سببتها حكومته، وستصير مصر لا وزن لها فى العالم العربي وسترث دول صغيرة مثل قطر القوة الناعمة التى كانت تنفرد بها مصر فى عهد ما قبل البرادعى.
وستحتار منظمة الصحة العالمية فى سبب زيادة معدلات انتشارمرض أسفكسيا الخنق فى مصر والذي يصيب أعداد متزايدة من الشباب ولم يفلح وفد العلماء فى تفسير سبب المرض وأعراضه الغريبة التى يقوم فيها المريض بكسر جمجمته بنفسه، فقاموا بتسميته اسفكسيا مصر.-مصر ديما سباقة-
فى عهد البرادعي ستضيع كرامة المواطن المصري المغترب فى أي مكان، وسيعايرنا العالم كله بصور بنت البرادعى، وسيكون على كل مصري يتعرض لإهانة فى أي مكان فى العالم أن يتحملها بعد أن عاش المصريون بالخارج سنوات لا يستطيع أحد أن يدوس لهم على طرف-طبعااااا- أو أن يقتلهم أو أن يعلقهم فى الشوارع مثل الذبائح أو أن يجعلهم يعملون بلا أجر أو أن يحجز جوازات سفرهم ويمنعهم من السفر.
وستتطاول علينا دول حوض النيل التى كانت تخاف من مصر وتعمل لها ألف حساب، فأفريقيا تتقدم والفيس بوك فيها على الأبواب وعندما يقوم رئيس بورندي بعمل (تاج) لرئيس أثيوبيا على صور البرادعى سيعلق رئيس أثيوبيا على الصور قائلا :( أو إم جى – إل أو إل)-هههههههههههههههههههههههه-..وسيغير حالته على الفيس بوك إلى :"كنا نخاف من مصر ونخشى أن نترك حنفيات القصر الرئاسي مفتوحة حتى لا نؤثر على حصة مياه مصر أما الآن وقد رأينا فضائح البرادعي فسوف أنشأ صفحة على الفيس بوك أطلب فيها دعم الصين واسرائيل لبناء سدود، ومن فضلك شير وادع أصدقائك".-فقري فقري هههههههههه-
وما هى إلا أيام ويصبح أمن مصر المائي كله فى خطر بسبب البرادعي وصور بنته بعد أن كان كل مواطن مصري له ترعة مائية خاصة باسمه فى مصر فى عهد ما قبل البرادعي.
وفى عهد البرادعي ستتدهور الجامعات بعد أن تصبح بفضل خلفيته الملحدة إلى أماكن للهو والفسوق وليست أماكن للعلم وستفقد مصر لأول مرة فى تاريخها ترتيبها المتقدم فى قائمة أحسن جامعات العالم.
ومن المؤكد أن كثيرا من شباب مصر لن يتحمل كل هذا الظلم والتدنى الأخلاقي من نظام البرادعي وربما نرى مجموعات من الشباب يحاولون الهرب من نظام البرادعي عن طريق البحر كمهاجرين غير شرعيين لأوروبا فيكون مصيرهم الغرق ويصيرون طعاما لأسماك القرش وهم فى ريعان شبابهم.
ولأننا الآن فى دولة ديمقراطية تكفل الحكومة فيها نزاهة الإنتخابات وقد شاهدنا جميعا فى كل انتخابات شاركنا فيها كيف أن صوت المواطن كان وما زال هو الفيصل فى نجاح أو رسوب اي مرشح، لذلك فإننى أتجه إليك أيها المواطن وأنصحك قبل حتى أن يفتح باب الترشيح.. صوتك أمانة فتذكر كم المصائب التي يمكن أن تصيب مصر المؤمنة لو (وزك الشيطان) وانتخبت البرادعي رئيسا للجمهورية.

ربنا ياخدهم.....

هناك 25 تعليقًا:

حفيدة عرابى يقول...

مقدرة جدا مجهودك والله
بس لاسباب تتعلق ان عائلتنا شرايينها ضيقة مقدرتش اكمل
ومحبتش اضغط على نفسى
لكن مين الاستاذ احمد غانم
صنعته ايه
لانه حسسنى انه من ايام الاتحاد الاشتراكى
اللى انا مش من ايامه

أع ـقل مـ ج ـنـونــة يقول...

هو مين فين ايه ازاى؟

هي مصر فيها كل الحاجات الحلوة دي والبرادعي هو اللي هيبوظها:D :D



اشتات

اني صائم اني صائم

سمع هوص (Abo 3li) يقول...

حفيدة عرابى

تعالي علي نفسك وكملي المقال لأخره... معرفش هو مين بس المقال ساخر بشكل لازع لو قريتيه لأخره...
تحياتي...

سمع هوص (Abo 3li) يقول...

أع ـقل مـ ج ـنـونــة

برضه هقولك نفس الكلام.... اقري الموضوع لحد الاخر... متحكميش علي الكلام من اول سطرين بس...

بلاش تسرع ياريمووووووو...

FAW يقول...

تصدق إتخدعت في أول المقال
عبقري بجد
الناس بتحسسك إن الشيطان جاي , مع إنه موجود أصلا
لو أصبح البرادعي رئيسا لمصر . . لما حدث شئ .
تحياتي

just waiting يقول...

نوووووووووووو كومنت
دا لو كلب معدي في الشارع وبقى ريسنا حالنا مكنش وصل لكدا بس احمد غانم دا نسى شوية حاجات كدا كانت هتحصل برضو لو البرادعي كان بقى ريسنا مثلا الكهربا اللي بتقطع لا والرشاوي اللي عمرنا ماسمعنا عنها غير في عهده وحاجات كتييييييييييييييير
كل سنة وانت طيب يا ابو علي

سمع هوص (Abo 3li) يقول...

FAW

فعلا انا كمان اتخدعت...
شياطين الانس كتير... بس منفسك في شيطان جديد؟؟؟

سمع هوص (Abo 3li) يقول...

just waiting

يوووووووووووووه ده نسي كتير...

وانتي طيبة وبخير وسعادة يارب...

نورتيني
:)

أع ـقل مـ ج ـنـونــة يقول...

لا اسكوووت
مش انا قريته للاخر
بس بيني وبينك اتلخبطت اووي
اصل ديول الحكومة كترت
قولت معقولة ميكونش ساخر ويكون واحد بيتكلم بثقة شديدة كدا :D

بس احساسي الاقوي كان انه ساخر وكنت خايفة لايكون العكس

فالحمدلله انه ساخر ساخر :D :D

ويكا يقول...

ولا ساخر ولا حاجه

وعلى فكره ، انا لا عاجبنى زفت ولا الزفت التانى.

لكن فعلا الزفت الاولانى البرادعى لا يصلح كرئيس دوله كمصر ، وكمان فعلا اسلامياً شخص ذباله.
ياراجل يا محترم ، دا قبل باسم الله الرحمن الرحيم ، او شئ طالب بتغييره هو الماده التانيه من القانون الا وهى ان الشريعه الاسلاميه هى المصدر الاساسى فى التشريع.


ياخى بلا قرف.

كلهم اذبل من بعض ، والبلد الله المستعان على مستقبلها.

ستيتة يقول...

عبقريييييييييييييييييييييييييي

جارة القمر يقول...

جااااااااامد جدا المقال دا

عبقرى عبقرى مافيش كلام


ازيك يا ابو على ؟ بقالك كتير مختفى يارب تكون بخير دلوقتى

MONTY يقول...

وحشتنى جداا يا ابو على ونظرا للظروف المش كويسه خالص اللى مريت بيها مكنتش بدخل لاى حد

بصراحه الدنيا اسودت ف عينى اكتر ماهى مسودة وربنا يستر يا سيدى وميحصلش ازمات ف مصر مع ان كده
كده خربانه خربانه حتى لو جالنا ملاك م السما طالما الذئاب اللى حواليه بينهشوا فينا تبقى خرباااااااااااانه

وكل سنه وانت طيب

Ms Venus يقول...

شوف يا ابو على

ان شايفاها سودا ومضلمة


هو كده ومحدش يسألنى ليه

ربنا يسترها


كل سنة وانت طيب يارب وبخير

سامحنى على التأخير

غير معرف يقول...

كل سنه وإنت طيب وبخير .... ومعذره لعدم متابعتي لمدونتك في رمضان :)

عيد سعيد :)

just waiting يقول...

كل سنة وانت طيب يا ابو علي ويارب يكون عيد سعيد عليك

طوبه فضه وطوبه دهب يقول...

كل سنه وانت بالف خير وصحه وسعاده ويارب ديما فى احسن حال

سواحة يقول...

لولا ان النخل عالى و مليان رطب
كان اترمى بالطوب ؟؟

برادعى دوره يعلم الشباب يعنى ايه سياسة عالم مش انه يتنصب رئيس و خلاص
و عليه الحركة النص كمين ديه مش حتفرق لا معاه و لا معانا

كل سنة وانت طيب يابوعلى اخبار النت ايه فى البلد :-)

رحاب صالح يقول...

انا اضم صوتي لصوت حفيدة عرابي مع اني مش اعرفها ...هو مين احمد غانم ده وصنعته اية ...علي فكرة ده واحد عنده غباء ف الحوار والتفاهم
اولا مين حضرة المؤمنه المنقبة اللي نشرت الصور ..؟ وجتلها منين اصلا الصور دي ..؟ ده غير انه ده يودينا لسؤال تاني في منتهي الاهمية ده في الدين والاسلام ف اية انك تفضحي حد بالشكل ده وانت اخدت ذنوب اد اية بنشر الصور دي ...؟ والله العظيم حرام والاسلام بريء منها لان الاسلام مقالش ده والله حرااام , انا مش هقول انا مع البرادعي ولا مش معاه انا بقول تغير وبعدين كلنا بنتصور صور خاصة سواء كانت ببكيني او غيره وده مش للنشر بنت البرادعي وزوجته مش محتاجين شهرة عشان ينشروا الصور دي ...!! انا معرفش حاجة عن كل ده ان زوجته شيعيه وهو ملحد والكلام ده كله بس واضح ان اللي اسمه احمد غانم ده ويا خسارة انه اسمه احمد علي اسم اغلي واشرف الناس لان اسم احمد من اسماء الرسول الكريم ....ميعرفش يعني اية دين ووواضح جدا انتمائه لأي جهه
شكرا يا ابو علي وكل سنة وانتن طيب وبخييييييير وصحة وسعادة

م/ الحسيني لزومي يقول...

عيد سعيد وكل عام انتم بخير

القمرالباكي يقول...

السلام عليكم ورحمه الله وبركاته

كل سنه وانت طيب
ازيك ياابو علي
واخبار العيد والاجازات ايه
انا مش هتكلم ولا في برادعي ولا سياسه جايه اسلم وبس
دومت بخير

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

Ms Venus يقول...

ابو على فيينك


كل دى غيبة

يارب تكون بخير


طمنا عليك

كلمات من نور يقول...

الكلام بالاخضر والأسود والأحمر لخص مصر في مقال ...بس مع خالص تقديري شواطيء العراة مش مستنيه البرادعي ...مين فينا دلوقتي بيروح شرم أو الغردقة الا ويلاقي بلاوي؟؟؟؟؟؟؟؟؟؟

والواحده فينا تبقى ماشيه بالخمار والحجاب بتاعها وتلاقي الأجانب يبصوا عليا ويبتسمولي بشفقه وكإني جارية هارون الرشيد ...بلا قرف نحلل لهم العري هنا ويرحموا علينا النقاب والخمار في بلادهم ...بس نستاهل


تحياتي يا بني

سمع هوص (Abo 3li) يقول...

انا بعتزر للناس كلها عن تأخر الرد... بجد انا اسف...
وشكرا لكل ال سأل عليا .. او عيد عليا...


واسف كمان مرة... وياريت محدش يكون متضايق مني...