الأربعاء، 2 يونيو 2010

مرهم تسلخات...




بصو بقي مش عاوز اسمع نفس...
ايوووووووون....
لا تقولولي غزة ولا تقولولي عزة...
ولا هياكل معايا اسطول حرية.. ولا طبق مهلبية...
لأن ريسنا الحبوب... امر بفتح المعبر...
شوف ازااااي يامؤمن... المعبر انفتح اهو... ولأجل غير مسمي..
بتهيألي بقي ملكوووش حِجة؟؟؟!!
يعني ال هيفتح بؤه هحط صوباعي في عينه...
يعني ولا الجزيرة تشتم فينا...
ولا العربية تكدرنا...

ثم جزيرة ايه... دووول نظامهم خونة عملاء اوغاااد... النظام بتاعهم الخاين... استقبل وزير الصناعة الاسرائيلي بعد الحادثة... عادي يعني... مش جديدة... نظااام عميل ومنافق...

يافرحتكو بنظامنا... العميل برضه ... بس مش منافق... بجح...

الفارسني ان احنا عندنا في وزارة الخارجية شوية يهووووود بكل ما تحمله الكلمة من معاني... ايوه الله يهوود فكراً وعملً... بس تفكيرهم اليهودي ده مش بيطلع غير علشان يمرهمونا... ويسكتونا... بمرهم للتسلخات القومية العربية الانسانية.... مش يفلحو مثلاً مع دول حوض النيل...
لا يمتصوووو الغضب بصياعة...

قرار سيادي من سيادة الرئيس بفتح المعبر.. زغردتي يالي مش غرمانة .. وبخط صغير كده وتحته امضاء يهودي من وزارة الخارجية للحالات الانسانية والحرجة.... ااااه ياولاد التييييت...
هوا لازم تحطو مَهرب ؟؟؟
طبعا عندنا الحالات الانسانية والحرجة هي الحالات ال كده كده كانت بتدخل قبل ما القرار ده يطلع...
يعني هيا هيا..
بس هيا صياعة وخلاص.... ومرهمة للرأي العام...

من امتي؟؟؟
من امتي بيفرق معاكم الرأي العام ولا حتي الخاص؟؟؟
كتكو القرف...

من وجهة نظرهم:
استمرار وجود الانظمة العربية القذرة ... معتمد علي بقاء النظام المصري القذر...
لان الكل بيخبي قذرته وراء قذارة النظام المصري...
وبقاء النظام المصري القذر ... معتمد علي صهينة امريكا وطناش عم اوباما...
وصهينة امريكا وطناش عم اوباما معتمد علي صهينة وطناش النظام عن كل البيحصل في فلسطين... ومحايلة اسرائيل وأخدها بالاحضان بالاحضان بالاحضان... بالاحضان ياأسرائيل ياحلوة بالاحضان.... ومحايلة اسرائيل معتمدة علي نفخ وسلخ – قولا وفعلا - كل ماله صلة بأعداء الدولة العبرية... يعني خد عندك حماس علي حزب الله علي ايران... وميضرش برضه الاخوان.. امريكا مبتحبهومش...

طب دي وجهة نظرهم....
من وجهة نظرنا بقي... بقاء النظام بكل قذاراته... معتمد علي ايه؟؟؟
وهنخلص منه امتي؟؟؟
ولا احنا لازم نستني السر الالهي يطلع؟؟؟
تفتكرو ده الحل؟؟

صفوت الشريف قالها... مصر مش دولة رجل واحد ... مصر دولة اجهزة...
يعني الراجل الواحد لو مش موجود...
العصابة كلها موجودة اقصد اجهزة النظام كلها موجودة... وهتقوم بالواجب وزيادة...

يبقي الحل اننا نودي الاجهزة دي بكل قيادتها عند بتاع البيكيا.. ونشتري اجهزة جديدة من جولدي بالتقسيط المريح...

وسلملي علي جوزك ياأسماعيل بيه...


______________________



بعيد عن كل الغم ده.... عندنا 3 اعياد ميلاد علي بلوجر... 
عيد ميلاد علا صيدلانية طالعة نازلة
وعيد ميلاد سارة سينجل مامي
وعيد ميلاد مونتي monty
واحب اقولهم.... كل سنة وانتو طيبين... وربنا يسعدكم...

هناك 49 تعليقًا:

ســـهــــر يقول...

أنا قريت الخبر على مصراوى النهاردة
وللعلم 99% من الناس اللى كتبت كومنتات فاهمه كويس جدا ان دة استخفاف واستهبال
مكدة كدة الحالات الحرجة بتدخل مصر عشان العلاج هو الزيادة فى كدة انة قال لآجل غير مسمى

هو هيقطع نفسة بقا ولا اية متهدا يا عم شوية :@

ههههههههههههههه


وكل سنه وكل الناس طيبين

سلام بقا

Sarah Sobhi يقول...

انا مش هقول حاجه بعد كلامك عشان متسخنش اكتر
انا شوفت الخبر رضه و موقفتش عنده فنوه
عشان اللعبه مكشوفه و واضحه اوى يعنى
اردوغان شادد البساط من تحت رجل سعادته فكان لازم يصرح اى حاجه حتى لو كانت يعش السمك فى الماء يعيش يعيش يعيش

كل سنه و كل الناس طيبين :)

سمع هوص (Abo 3li) يقول...

ســـهــــر

منا هادي اهوووو... شيفاني بشد في شعري.. ههههههههههه...

حلوة لأجل غير مسمي دي.. مش كده؟؟

يلا خير...
تصبحي علي خير ياساسووو ياقمر...

سمع هوص (Abo 3li) يقول...

Sarah Sobhi

والله عندك حق... الواحد المفروض ميقفش عند الاخبار دي علشان ميتحرقش دمه...
اردوغان شادد البساط بقالو كتير... رغم ان تركيا اكتر دولة اسلامية ليها علاقات قوية جدا بالدولة العبرية...
سبحان الله...

وانتي طيبة ياسارة... منوراني ديما...

فراشة يقول...

موش عارفه اقول ايه ..هم بيكدبوا على مين ؟ احنا ولا نفسهم ..

ربنا يسترها علينا والله الواحد خايف حاسه ان كل شويه حاجه تنهار وهوووب منلاقيش مصر وندور عليها ف البحر يمكن هربانه على ايطاليا نلاقيها غرقت ف شبر الميه اللي فضل من النيل بعد ما نشف .. آه ياني هم يبكي وهم يضحك

وكل سنة والناس الحلوين دول طيبين

هي وظروفها يقول...

مش عارف اعلق

اصلي لو علقت يا محمد هحبسك واحبس نفسي

لو علقت هقولك ان العالم دي

ناقصها تجيب شاليه نار وتلف حواليها وتعبدها وتقول مدد

يا اخي معرفش الكرسي ده فتنته ممكن توصل اني علشان اقعد عليه
يتفرم اخويا وابن عمي وابن اختي وخالي وعيال خالي

هل الكرسي ده مفهوش مسمار يخرج مره او خرج مره من المرات ونخزه في مؤخرته اقصد اوباما لحد يفهم غلط عارفكم عالم تموت ف الخراب
وافتكر وعرف ان الله حق

هل اي حاكم عادل او سامح او تامر حتي
ينام واخوه جمبه علي بعد كام كيلو وهومفسي دماغه مبدأ ال000000 في بيتك يا جحا000
قال طالما بعيد عن مصلحتي ((فاهمني يا ابو علي)) يبقي مليش فيه

منت كده كده يا تامر اقصد يا اباما يوووووووووووه اقصد يا سونه
طالما جم لحد بيتك لازما يا سونه هيلمسوك انت شخصيا ومتزعلش من اللي هيحصل بقي يا كبير ومعلش بما انك ماوقفتش جمب اخوتنا احنا مش هنقف معاك
وهنشجعهم وندلعهم ونسمعهم تاني تاني تاني عايزين من ده تاني للعندليب وهنفرح فيك

يخرب بيتك يا محمد هتدويني في داهيه

سلام

الجواز و سنينه يقول...

حسبى الله و نعم الوكيل فيك يا فخرى

اقول ايه بس

اقولك مش هاقوك

انا لسه واخده دوا الضغط و مش ناقصه

سمع هوص (Abo 3li) يقول...

فراشة

هيا ليها حق تطفش مننا يامني... ليها حق تهاجر .. ترووح تدورلها علي شعب عدل يعيش فيها... شعب مبيسكتش علي حقه...

منوراني يامني... صباحك زي الفل..

سمع هوص (Abo 3li) يقول...

هي وظروفها

ههههههههههههههههههههههههههههههههههههههههههههههههههههههههههههههههههه.... ملكش دعوة بجحا يعم انت..
ثم ليه الغلط في اوباما دلوقتي؟؟ ولما تنحبس؟؟ هتبقي مبسوط بالكرسي؟؟ بيبقي كله مسامير علي فكرة.. انت حر...

ثم انت ليه فهمت البوست علي انه بوست سياسي.... انا بتكلم عن الكووورة يعم انت .... انت نيتك وحشة كده ليه...
انت بقي كنت بتتكلم عن زحمة ميدان التحرير صح؟؟؟ فهمك يالئيم...

سمع هوص (Abo 3li) يقول...

الجواز و سنينه

زودي جرعة دوا الضغط... وهاتيلي اسمه؟؟
مين فخري ده؟؟؟ اعترفي؟؟ ده زميلك في التنظيم؟؟ هههههههههههه...

صباح الفل....

فاتيما يقول...

يا وااااد صحتك

كام مرة اقولك اخواتك المدونين
و اهلك عايزينك ؟!!

البوست يا سمع هوص و انا بقراه يتهيألى قريته عشرتلاف مرة قبل كدا

الموقف المتخاذل النيلة دا بقى عرف سائد
و اصلا لو تلاحظ محدش فينا كشعب فتح بوقه النوبة دى و قال افتحوا المعبر

لييييه؟؟

عشان المستنى السمنة من بطن النملة على رأى المثل


قوم هما يفتحوه لوحديهم

المفروض نصقفلهم مثلا؟؟؟

بالعكس
حالة قرف عامة انتابت الجميع

ما كان م الاول
قبل كل اللى حصل دا ما يحصل

خلاص كل حاجة بقت مكشوفة
و حالة القرف بقت عامة

اهدى كدا عشان ضغطك
يا بنى انتا لسه صغير

بس هقولك ايه
عندك الف حق


كل سنة و مونتى و سارة و لولاّ طيبين
و فيك الخير عقبال ما نجاملك ف عيد ميدانك
الاّ هو امتى عشان مهوبش ناحية المدونة يوميها خاااالث

آه
ندالة ندالة يعنى

سمع هوص (Abo 3li) يقول...

فاتيما

السمنة من بطن النملة... انتي معرفتيش؟؟ ان حتي النملة قبضو عليها علشان مقدمتش اقرار الضرايب العقارية علي الجحر بتاعها...
وفعلا خلاص.. كل مصيبة ومصيبة تحصل.. واحنا خلاص نحسنا وبقي عندنا بلادة من كتر القرف والاحباط...
متقلقيش علي ضغطي... انا كوووووووووووول....

عيد ميداني كمان 171 يوم بالتمام والكمال...
ندالة بندالة بقي... قلت اصعبها عليكي... ههههههههههههه....

صباحك سكر ياتيما

فاتيما يقول...

ليه بس الرخامة دى ؟!!!

ضغطك كوووووول هتعليلى ضغطى انا ليه؟؟؟

هات م الآخر و اعترف

لمصيرك يبقى زى مصير النملة

هنتحايل عليكو بقى و لا إيه؟؟!!

سمع هوص (Abo 3li) يقول...

فاتيما

ههههههههههههههههههههههههههههههه
شفتي شفتي ... ادي اخرة الندالة.... هههههههههههههههه....
ثم لاااااااااااااااااااااا... كله الا النملة.... انا معنديش عقارات اقدملها اقرارت......
ثم دي سهلة خالص 171 يوم يعني 20 نوفمبر ويدينا ويديكي طولة العمر بقي ان شاء الله... ههههههههه

غير معرف يقول...

لا انا اتخضيت وانا بقرأ الموضوع !
قلت ليكون الناس بقا فاهمة موضوع المعبر دا صح !
بس الحمدلله اتطمنت في الاخر .. اصله هو فعلا برضو مفتوح للحالات الحرجة .. دا يعني في احسن حالاااااااته :)

Single Mummy يقول...

عزيزى ابو على
شكراااا على الواجب الجامد ..عيد ميلاد سارة ..وحركات بجد واللة اسعدتنى
بالنوسبة للتعليق على البوست انا واللة لسة طالعة من مود اكتئاب من اللى قلبك يحبة عشان كدة هافلسع حالاااا

سمع هوص (Abo 3li) يقول...

يـ ألوناتك

احسن حالاااااااااااااااته... ال هيا حاليا... بعد القرار التاريخي الاسطوري الخرافي اللولبي الاخير....
المشكلة ان الناس فاهمين كل حاجة... ايه المسكتهم انا مش قادر استوعب غير انه تعووود ورضا بالامر الواقع ... وعدم اهتمام بالاشتغالات الحكومية ...


البلوج نوووور....
تحياتي

سمع هوص (Abo 3li) يقول...

Single Mummy

عيب متقوليش شكرا دي... دنا مصدقت لقيت حد بلدياتي هنا... هههههههه....
كل سنة وانتي طيبة وبخير...

وبلاش تعلقي... طالما خارجة من دوور اكتئاب... البوست الجاي ربنا يسهل ميكونش رخم زي ده... هههههههه..
منوراني ياسارة...

Ms Venus يقول...

ربنا يرررررررحم

ستيتة يقول...

خد بالك كمان من كلمة لأجل غير مسمى
هو مسمهوش احمد على اسم جده
أه
بس يقدر يسميه في اي وقت مكتب الصحة يطلب منه تسميته

بيقولك حماس هي اللي قافلة المعبر من ناحيتها

انا خلاص عاوزاك تلم لي شوية غطيان كازوزة
نلبسهم مع جاكت الجنرال وجدي غنيم
وننزل الشارع نغني اغنية والنبي تدوني الولاعة

سمع هوص (Abo 3li) يقول...

Ms Venus

اللهم امين...

تحياتي..

سمع هوص (Abo 3li) يقول...

ستيتة حسب الله الحمش

طبعا يوم مهيحبو يسمموه.. اقصد يسمووه.. هيقولك القبض علي تاجر مخدرات وهوا بيهرب لحمة مدعمة لرفح... ويروحو قافلينو...

انا عندي اربع جواكت تشريفة من دووول جوااه... نقيلك واحد يادكتور وتعالي جنبي علي الرصيف... بس خلي بالك غطيان الكازوزة كلها كولا علشان بيبسي كانت غطينها بتكسب دقايق وشاحة من السوق...


منوراني يادكتورة....

غير معرف يقول...

ده حاجه تقرف وتخنق... شيء مستفز ومواقف محبطه

ربنا ياخدههم يا رب

تحياتي

ghada mOhsen يقول...

أنا قلبي هايوقف ياجدعان من كل إللي بيحصل ده ...

مافيش والله حاجه عدله .. أنا بقيت بتنشق على خبر حلو لما أجي أتفرج على التليفزيون

ده أنا حتى لما أقول في نفسي خليني اشوف أخبار اليمن أطمن على بلادي ... أندم ندم وقتها والله .. مافيش خبر يسر كده يخرب بيتهم ...

شوفت بقى ليه كل شبابنا يتسموا بالعصبيه ...

مافيش حد بقى هاااادي خالص غير أختي بس ( دي حاله إستثنائيه ) هههههههههه

ربنا يهدينا ويصبرنا وأنا عندي أمل كبييير لسه
بس قول ياااااارب

وكل سنه وكل الناس الحلوه دي طيوبه وعسوله وبصحه وسلامه

تحياتي
... ;) ,,, ;) ...

القمرالباكي يقول...

السلام عليكم ورحمه الله وبركاته

ازيك ياابوعلي
انت عامل عنوان للبوست بتوه فيه
ايه خايف ع نفسك والا ايه
عموما كل سنه والي اعياد ميلادهم طيبين
ومعلش ع الغياب
وانا مش هاتكلم في السياسه مع اني قريت الموضوع بس مش ناقصه غلب ههههههه
دومت بخير

سمع هوص (Abo 3li) يقول...

ghada mOhsen

يبقي انا واختك... مش اختك بس... ههههههههههههه...

حال الدول العربية كلها مبقاش يسر... ربنا يصلح الحال....

نورتيني..

سمع هوص (Abo 3li) يقول...

فتاه من الصعيد

يااااااااااااااااااااارب .... طب ولما ياخدهم... مهو هيجي غيرهم...
لازم احنا ال نتحك في مصيرنا... كده كتييييييييييير....


نورتيني... تحياتي...

سمع هوص (Abo 3li) يقول...

القمرالباكي


وعليكم السلام....
هههههههههههههههههههه.... لا مش خايف... دي استعارة توضيحة ولا كانو بيسموها ايه في البلاغة بتاعة تانية ثانوي؟؟ هههههههههههه...

وانتي طيبة وبخير... وحمدالله علي السلامة...

تصبحي علي خير..

أع ـقل مـ ج ـنـونــة يقول...

لا تعليق
وسلملي علي جوزك يا اسماعيل بيه :@@@@@@@@@

كل سنة والبنانيت طيبيـــــــــــــن وعقبال مليووون سنة

سمع هوص (Abo 3li) يقول...

أع ـقل مـ ج ـنـونــة


لا تعليق علي ال لا تعليق... ههههههههههه...
جوز اسماعيل بيه بيسلم عليكي... ههههه..

وانتي طيبة وبخير...
نورتيني ياريمووووووووووووو...


المرة دي هقولك صباحك سكر زيادة ... زيك...

سواحة يقول...

حيث نحن نختلف عن الاخرين
ننقش فى مهنتنا يا بوعلى
عارف كينا كوم الى حاطة فيه ايه
اربع مواد
اثنين مضاد حيوى لقتل البكتريا الضارة
و مضاد للفطريات و كورتيزون
يعنى بيخلص على كل الاسباب الى ممكن تؤدى للالتهاب فى حركة واحدة
انما حركة فتح المعبر ده مرهم فيه كورتيزون و بس
و ما ادرك فى اثار الكورتيزون الجيدة و الضارة ده دواء زى السحر يشفى و يمرض

فتح المعبر :-) صحيح هو كان مفتوح او مقفول اساسا ؟؟؟ و الله انا توهت :-(
و بعدين اتفتح من نحيتنا طيب و الناحية الثانية ؟؟؟

و ياترى من ادانا الامر بفتحه ؟؟ تركيا ..؟؟؟

ربنا يعين الغلابة الى هناك فى الجيتو الفلسطينى :-(

صيدلانيه طالعه نازله يقول...

اما سمعت خبر فتح المعابر ضحكت قوى
لان المعروف فى المنطق ان الحدايه مش بترمى كتاكيت
و للاسف المعبر بتاعنا ده مش بيتفتح من الجانب المصرى الا بعد موافقه الجانب اليهودى
يعنى قرار مصر مجرد ديكور
منظر مش اكتر
احنا نكاد نكون محتلين من اسرائيل
لان مفيش حاجه بتحصل فى بلدنا الا بتكون فى صالحهم

ميرسى يا جميل على معايدتك الحلوه
و ربنا يخليك ليا
اخ جميل و انا فخوره انى اعرفك
و عيد سعيد يا سينجل مامى و يا مونتى

صيدلانيه طالعه نازله يقول...

الى واندا

ايه يا بت الدكتره دى كلها
تعليق فيه الخلااااااصه
تعليق موووووووووز موووووووووز
كورتيزون و مضاد للبكتريا
و الله مش عارفه من غيرك كنا عملنا ايه

وش بيغمز و مطلع لسانه فى نفس الوقت
شوفتى التمكن بقى

صيدلانيه طالعه نازله يقول...
أزال المؤلف هذا التعليق.
سمع هوص (Abo 3li) يقول...

Wanda

والله رأي العلم برضه مفيد في الحاجات دي.. هههههههههههه...

مكنتش اعرف اني اخترت كيناكوم بحرفنة اوي كده... وطلع ليه معني خفي ... هههههههههه..
شكرا يابنت عمي علي المعلومات دي .... ربنا يكرمك..
كان مقفول...
واتفتح للحالات الحرجة والانسانية...
بس يقال ان حماس مش عاجبها ...
ومفتكرش انه بأمر من تركيا.. بالعكس... ده كرسي في الكلوب كده.. علشان تركيا سارقة الاضواء من مصر شوية..

ربنا يعينا كلنا...


منوراني ياون ون...

سمع هوص (Abo 3li) يقول...

صيدلانيه طالعه نازله

بالظبط كده... احنا تصرفات النظام كلها في مصلحة اسرائيل اولا...

مش عارف ارد عليكي... انا ال فخور اني اعرفك.. ده شرف ليا...

شفتي ون ون... طب متدخلي علينا بحتة صيدلة برضه كده.. وقوليلنا بقي اعراضه الجانبية... واهو كله افادة...
ولا مدرستهوش في مصر ده... وش بيستهبل ومطلع لسانه في نفس ذات الوقت... احنا كمان متمكنين...

(ست* جنى* الحسن) يقول...

سلامو عليكو..
على فكرة انا عرفة المرهم ده كويس (كينا كومب)والله وزارة الخارجية متوصية بينا عشان منحسش بالم كتر خيرها بس احنا ازاى مبيتمرش فينا حاجة ابدا(البنى ادم نمرود) عايزين نخف خالص ؟؟؟؟طب وده كلام؟
لك تحياتى

سمع هوص (Abo 3li) يقول...

ست* جنى* الحسن)

صح.. احنا الشعب نمروود ومُتعب.. مش عارف هما مستحملينا ازاي... انا بقول يسيبونا ويطفشو مننا احسن لهم.. قولي يا رب..


نورتيني... ربنا يديم التواصل..
تحياتي..

مدونه ما كفايه بقى يقول...

السلام عليكم

ربنا بحمى حسنى مبارك على جميع الاجهزه فى ليله واحده
قولو امين

تقبلنى صديقه لمدونتك

والسلام ختام

سمع هوص (Abo 3li) يقول...

مدونه ما كفايه بقى

انا مفهمتش الدعوة ال دعيتي بيها... بس شكلها حاجة حلوة.. ههههههههه...

صدقتك شرف للمدونة وليا... البلوج نور... وربنا يديم التواصل...

تحياتي..

غير معرف يقول...

ايميل يجعلك من اصحاب الملايين

بقلم الدكتور محسن الصفار

جلس سعيد أمام جهاز الكمبيوتر اللذي اشتراه حديثا وتعرف للتو على عالم الانترنت الواسع , اخذ يقرا بريده الالكتروني وأخذ يتفحص الرسائل الواحدة تلو الأخرى حتى وصل إلى رسالة باللغة الانجليزية عنوانها (شخصي وسري للغاية) فتح سعيد الرسالة وقرأ نصها فكان مضمونه أن المرسل هو ابن لرئيس أفريقي سابق خلع من السلطة وأن والده أودع مبلغاً وقدره 100 مليون دولار في أحد البنوك وأن الأسرة لا تستطيع استخراج المبلغ إلا عن طريق حساب مصرفي لشخص ثالث ويعرض مرسل الرسالة على سعيد أن يعطيه 40% من المبلغ أي 40 مليون دولار فقط إن كان هو مستعداً لتقبل هذا المبلغ على حسابه الشخصي. لم يعر سعيد أهمية كبيرة للرسالة في باديء الأمر ولكن الفكرة في امتلاك 40 مليون دولار دون أي جهد بدأت تحلو له شيئاً فشيئاً واخذ الطمع يتغلغل في نفسه , أرسل سعيد رسالة رد إلى المرسل وسأله: - هل هنك من مخاطر في هذه العملية؟ جاء الرد بسرعة: - لا لا أبداً ليس هناك من مخاطر أبداً أبداً ولكنك يجب ان تحافظ على السرية الكاملة ضمانا لنجاح العملية . ردّ سعيد على الرسالة: - هل من مصاريف يجب أن أدفعها؟ جاءه الرد: - لا لا أبداً فنحن نتكفل بكل شيء أرجوك يا سيدي ساعدنا وستصبح أنت أيضاً من أصحاب الملايين. من أصحاب الملايين!! كم هي جميلة هذه الكلمة وأخذ سعيد يحلم بأنه يسكن قصراً ويركب أفخم السيارات ويمتلك طائرة خاصة وو...... وفجأة وجد سعيد نفسه وقد أرسل رسالة فيها رقم حسابه المصرفي واسم البنك، وبعد يومين جاءه بريد الكتروني مرفقة به رسالة عليها أختام حكومية تفيد بأن وزارة المالية في ذلك البلد الأفريقي لا تمانع من تحويل المبلغ إلى حساب سعيد.... باقى القصة و المزيد من مقالات الدكتور محسن الصفار الهادفة الخفيفة الظل موجودة بالرابط التالى

www.ouregypt.us

و لا يفوتك الذهاب لمقالات ثقافة الهزيمة وصفحة من الشرق و الغرب بنفس الرابط و فيها الكثير من المقالات الجيدة.

غير معرف يقول...

بقلك ايه مافيش حد عبيط كل الناس عارفه انهم بيتمرهموا
انتا بس خاف على نفسك بجد انا وبقرا البوست ده ماما قالت لى ده لو ابنى اشد ودانه واشده وامشى بيه جوا الحيط مش
جنب الحيط
بجد كل الناس عارفه المهازل دى
ماترميش نفسك فى التهلوكا
مش تزعل منى بس انت زى اخويا
وانا بعتز بالناس المحترمين اللى زيك
دومت بخير
اه نسيت
كل سنه والناس الحلوين طيبين وعقبال الف سنه

سمع هوص (Abo 3li) يقول...

الشـوكة الــنـاعـمـة

بجد شكرا ليكي... ولمامتك... ربنا يخليهالك ويخليكي ليها...

بس مفيش عقاب تاني غير شد الودان ده؟؟ لحسن مبحبوش من وانا صغير... هههههههه...

المهازل كتير... والواحد لو فضفضش هينفجر... ثم هما سيبنا نتكلم وعاملين مش واخدين بالهم... خلاص الكلام مبقاش يحووء معاهم... بس هيروحو من ربنا فين؟؟!!

شكرا كمان مرة علي تعليقك ده ال بجد فرحني اوي....

تحياتي ليكي ولمامتك..

صباحك سكر زيادة...

حنين الذكريات يقول...

احنا دايما فى مصر شاغلين نفسنا بالقضية الفلسطينيه والفلسطنين نفسهم اللى برهفلسطين مش همهم وعايشين حياتهم من غير مايفكرو فى أخوتهم وقرايبهم
مصر قدمة كتير للقضيه وهما اصلا مش قادرين يوحدو صفوفهم داخل بلدهم حماس وفتح مش قادرين يتفقو
طب هيعرفو يدافعو عن نفسهم ازاى
المشكله جاية من داخل فلسطين مش من الخارج
وكل عام وانتم بخير

MONTY يقول...

زغرتى ياللى مانتش غرمانه

ياعزيزى كله بتنجااااااااااان


وكل سنه وانت طيب وكل اصحابنا ف المدونه طيبين

سمع هوص (Abo 3li) يقول...

حنين الذكريات

بصي مش صح اننا نظلم شعب كامل .. بأخطاء البعض منه... والا كان يبقي شكلنا كمصريين وحش اووووي...
انا معاكي ان فرقتهم دي سبب خطير في البيحصل دلوقتي...
ربنا يهديهم ويهدينا....

نورتي بلوجي...

تحياتي..

سمع هوص (Abo 3li) يقول...

MONTY

بمووووووووووووت في المسقعة... ههههههههه...


كل سنة وانتي وهما طيبين...

تحياتي...

мαησηα يقول...

ابو على يا سكرة ..

انا مش هاعلق اصل انا ماليش

ف الكوووورة

بالك انت لو كان ف اى حاجة تانى

كنت علقت هههههههههه

كل ماتش وانت طيب يا ابو على يا سكرة

سمع هوص (Abo 3li) يقول...

мαησηα

اقطع دراعي ان كنت فاهم حاجة!!
ههههههههههههههه..

وانتي طيبة يامنونة ياقمر...