عندي تاج من Silver Eyes صاحبة مدونة wanna touch the moon....
سريعا ندخل علي التاج:
انت مين بقى ؟
محسوبك ابوعلي
عندك كام سنة؟
هلعب في ال 24
هل انت متزوج ؟
ياريت
دراستك ايه؟
كنت كلية سياحة.. تقريبا
كم طولك وما لون بشرتك؟
ده كشف هيئة ده ولا ايه!!! بس عموما 180 باين ولوني ازرق...
هل تمارس عملا بشهادتك او عمل حر وما هو؟
ولا بشهدتي ولا عمل حر.... بشتغل بالتعلمته بعد الجامعة...
ماذا تفعل بوقت فراغك؟
فراغ.... لو موجود ... يبقي لازم انام... لاني مبنمش تقريبا
هل لديك هوايات وهل تمارسها؟
كان عندي... وكنت بمرسها.. حاليا مليش نفس
هل تشعر برضا ربنا عنك؟
الحمدلله...
عندما تكون فى موقف اتخاذ القرار..تخالف الجماعه.. ام تشرك معك الاخرين؟
بكون دكتاتور مقنع بالديموقراطية... بناقش الاخرين في قراري... وبهدم اعترضاتهم وبستغل نقط الضعف فيها... بكسب تأيدهم بالعافية... نيهاهاهانيهاهاها...
ماهو الشىء الذى فعلته وندمت عليه طول عمرك؟
مبندمش... الحمدلله
مع الناس ال بحبهم .... بكون صادم ساعات كتير,,,, لاني بكون صريح لدرجة مخيفة.... مع الباقي.... حسب الموقف والشخص...
متى يقسو قلبك؟
لما احس بالظلم.
من هو اول من قلت له احبك ؟
راندا..... وانا في كي جي تو... هههههههههه...
هل يمكن ان تحب احد من المدونين؟
ولا غير المدونين اصلا...
ماذا تعنى لك المرأة والرجل؟
المرأة .. مجنونة بنت مجانين
الرجل .. ابو المجنونة ... وللاسف جوزها...
فى زمن البحث عن المادة ماذا تبحث انت؟
بدور علي دماااااااااااااااغي... وسلامتك يادماغي... ههههههههههه...
متى تعرف انك تحب؟
لما انساها...
الشخصية التى اثرت بحياتك؟
فى زمن البحث عن المادة ماذا تبحث انت؟
بدور علي دماااااااااااااااغي... وسلامتك يادماغي... ههههههههههه...
متى تعرف انك تحب؟
لما انساها...
الشخصية التى اثرت بحياتك؟
هتلر
هل يوجد من تراه سعيدا فى الدنيا ولماذا؟
كل الناس ال راضية بقضاء الله.... وفي نفس الوقت بيطورو حياتهم بنفسهم... كلهم سعداء.... عقبالنا...
ماهى درجة صراحتك؟
ساعات بكون غبي في صرحتي...
ماهى المواقف التى يمكن ان تكذب فيها؟
مفيش حاجة تستاهل اني اكدب علشانها...
مفيش حاجة تستاهل اني اكدب علشانها...
هل يتغير الحب بعد الزواج؟
اكيد
فيما تفكر الان ؟
بفكر فاضل كام سؤال....
لو لم تعش بمدينتك ..فأى مدينة تفضل ان تعيش بها؟
الاسكندرية
من اول من يأتى ببالك لتحكى له اسرارك؟
علي حسب نوع السر...
علي حسب نوع السر...
من هو الد اعدائك ؟
عقلي..
من هو صديقك؟
برضه عقلي....
ماذا تكره فى الحياة؟
االعند والاصرار علي الخطأ والدفاع عنه...
ماذا تحب؟
وبحب الناس الرايقة .. البتضحك علي طووول...
كيف تواجه ما يضايقك وكيف تتصرف فى المفاجأت ؟
بطلع اتسنكح علي النيل لوحدي...
في المفاجأت مش بتخض... عادي يعني...
شكرا يا Silver Eyes
علي التاج الظريف ده... ومعلش اني اتأخرت فيه....
هناك 56 تعليقًا:
جميل وعرفتنا عليك اكثر
طب على عامل ايه
باشا بأمانة
بوست جامد و عرفنا دماغك منه (:
بالتوفيق دايما
و ربنا معاك
اهم شيء إنك ديكتاتور ديموقراطي
تعسفي رحيم
يساري يميني
والأهم ان الطريقة دي بتنفع خالص مع المصريين :)
تحياتي
ازيك يا ابو علي
وازي علي
يارب يكون بخير
ياديكتاتور
جميل التاج
تحياتي وشكرا عالسؤال
اجابات فيها في احيان كثيرة هروب من السؤال لكن بطريقة مقنعة وغير مباشرة
دمت بكل ود
فى الجون يا بو على
هو دا الكلام
تحياتى من ارض الوطن
تاج لذيذ اوى
وردودك دمها خفيف اوى
تحياتى
بسم الله الرحمن الرحيم
السلام عليكم ورحمة الله وبركاته
اجاباتك جميلة الصراحة
ههههههههه
هاي هتلر :)
اجابات غريبه بس لطيفه
تحياتي
حلو انك تكون صريح دايما في حياتك
دمت بكل خير
صباح الخير يا ابو على
يارب تكون بخير
العفو .. لاء متأخرتش ولا حاجة
شكرا ليك ع اجاباتك
ردود زكية اوووى بس جميلة
وفى ردود ضحكتنى كتير :)
ربنا يوفقك دايما
وتحياتى ليك :)
ههههههههههه
الست مجنونة بنت مجانين
ههههههههههه
قوية دى اوى يابوعلى
والله لولا الجنان ده كنا زمانا اتجننا بصحيح
عينى ع عقل الرجالة
بس اجابتك عسولة وسليملى ع راندا
طب انا حاسة انى مضحوك عليا فى الاجابات دى هههههههههههههههههه
هاتلى حاجه ساقعة بقى على حس الاجابات اللى مش اجابات دى
مممممممم اعلق اقول ايه بقى ... انا حاسة انك كنت بتقول الكلام اللى مايتمسكش عليك ههههههه الا موضوع الصراحة دى الحاجة اللى حسيت ان طلعت بيها من الاجابات
ازيك يا ابو على
يارب تكون بخير
جميلة الاسئلة عرفتنا بيك زيادة
تحية ليك
ابو على
اسكندريه تتشرف بيك بس الرطوبه عندنا صعبه اوى اوى اوى ....
انا كمان بحب الناس الرايقه اللى بتضحك على طووووووول
ربنا يكرمك ونفرح بيك عن قريب
انت عن جد من الناس الذوق اوى اوى اللى اتشرفت بمعرفتهم
التاج جامد اوى اوى
ومن كلامك عرفت دماغك الجامده اخر حاجه
اتمنى لك السعاده والفرح على الدووووووووووووووووووام
زهــــــــراء
لا ماليش دعوة انا عايزة حته من التاج
عايزة اعرف اية ال جاب محمد لابو علي
وبما انك قلت لراندا بحبك وانت ف كي جي تو امتي قلت لمامتك بحبك
وبس جاوب بقي
لا بس اجاباتك جامدة يا ابو علي
انا بصراحة داخلة اشوفك شلت دماغك من على المكتب الاقيك بتضرب
امشى يا جدع منك له و سيبوا ابوعلى فى حاله
قوم يا ابو على سليمة انشاء الله
بكون دكتاتور مقنع بالديموقراطية... بناقش الاخرين في قراري... وبهدم اعترضاتهم وبستغل نقط الضعف فيها... بكسب تأيدهم بالعافية... نيهاهاهانيهاهاها...
ههههههههههههههههههههههه
صينيين صينيين يعنى
تاج حلو وادينا اتعرفنا
بس اول مرة اعرف انك كنت كليه سياحه
امال ليه بتتريق عليا مانت بتاخد برده من العفاريت والاثار بتاعتى
اجابات لذيذه
بس اللى مش عجبنى انك مش جاوبت من قلبك او يمكن التاج مفهوش اسئله تبين ايه اللى جواك ونعرف الخبايا اللى ف شخصيتك
بس بتعرف تهرب وتحول الاجابه
لكلام مقنع وحلو فى نفس الوقت
تقبل مرورى
تحياتى
قلــ"بـــلال"ــــــب فارس
شكرا ل سلفرايس... هيا ال ادتني الفرصة...
تحياتي...
العيسوى الصغير
علي!!!
ده عيل ابن تييييييت... مدوخني علي امه بقاله كتير... مش لاقيها لسه!!!
ههههههههههه
Ramy
موتشكرين ياباشا... ربنا يكرمك...
منورني..
ستيتة حسب الله الحمش
لااااااا انا مش كل دوووول...
انا ليا منهج واحد ... ودكتاتور في تنفيذ المنهج ده بكل حزافيره... ههههههه..
منوراني يادكتورة..
فكرة من الزمن ده
علي .... مغلبني معاه... مش عارف اجيبله ماما لحد دلوقتي ... ههههههه....
انا تمام الحمدلله... المهم انتي تكوني بخير... وعيب متشكرنيش علي السؤال... احنا اصحاب... ولا ايه!!؟
خواطر شابة
ساعات الهروب بشكل شجاع بيكون حل سلمي كويس... هههههههههههه...
فقساني ...
تحياتي...
Single Mummy
احسن من ديفيد فيا اهوووو.... هههههههه...
ارض الوطن... لسه راجع منها...
تحياتي ياسارة..
الشـــــوكه النــاعمه
ربنا يخليكي... انتي ال روحك حلوة بس... تسلمي يارب....
منوراني ديما ياانعم شوكة...
E73
وعليكم السلام ورحمة الله وبركاته...
شكرا ليكي يافندم ... ربنا يكرمك...
فتاه من الصعيد
هاي هتلر...
غريبة ازاي يعني؟؟؟ اول مرة تشوفي حد معجب بدماغ هتلر!! هههههههههههه....
بس الحمدلله انها لطيفة... ههههههههههه...
نورتيني...
صمت المشاعر
بس ساعات بتعمل مشاكل... بس المهم الواحد يكون قدها...
منوراني... تحياتي..
Silver Eyes
مساء الفل... فرق توقيت بقي...
كويس اني متأخرتش اوي... لحسن انا موعيدي بقت فشنك اليومين دووول... ههههههههه....
ايه الضحكك؟؟؟؟؟؟ اعترفي؟؟؟
هههههههههه
شكرا ليكي ياقمر علي التاج...
Ana keda
هههههههههههههههههههه.... ملكيش دعوة بعقل الرجالة بدل مبلغ عنك ابوحلموووس... نيهاهاهاهانيهاهاهاها... انا شرير...
رندا... فكرتيني بالذي مضي.... هههههههههه... زمنها هيا كمان معاها حلموووس صغير برضه... ههههههههههههههه....
منوراني يميرو ياأم بيدووو...
جارة القمر
بيبسي ولا كولا؟؟؟ ولا عاملة مقاطعة ونجيبلك عصير قصب؟؟....
ليه الاحراج ده بس... مهو فيه ناس مخدتش بالها... لازم تسيحيلي كده!! ههههههههههههه...
منوراني....
Ms Venus
انا الحمدلله بخير... وكله تمام..
وانتي عاملة ايه؟؟؟
نورتي بلوجي المتواضع....
تحياتي...
زهـــراء
اسكندرية منورة بأهلها ال زي العسل ال زيك....
انا مستهلش الكلام الحلو ده كله... ربنا يخليكي يارب...
تحياتي ليكي...
wasf_elahsas
طب ايه رأيك تعمليلنا التاج ده انتي كمان؟؟؟ يلا انا مستنيه منك... ومش هتنازل...
ماما!!! ههههههههههههههههههه... مش فاكر....
مساءك سكر..
just waiting
الحمدلله انها نالت رضاكم... ههههههههههه.....
منوراني جدا جدا...
Wanda
وان وان بنت عمي عندنا ... يدي النور يدي الهنا... استني دنا هضرب نار....
منتي مش واخدة بالك ان المكتب كان عهدة... وانا كسرته بدماغي... ف ده العقاب...
سيبيهوم يعلموني الادب علشان ابطل استهتار بالمال العام... هههههههههههه....
مساءك شيكولاتة...
عايشه لنفسي
لااااااااا منا متابع العفاريت بتعتك ومبسوط منها علشان احنا قرايب كليات... هههههههههه...
اسألي انتي بس اي حجة عن الفرعنة وانا اكرلك التاريخ البطلمي كله... هههههههههه....
emymony
ههههههههههههههه... طب كويس اني هربت بطريقة مقنعة... متحسوش فيها اني هربت اوووي يعني... هههههههههههه....
منوراني ومساءك سكر زيادة...
دمك خفيف
جدااااااااا
وإجابتك جميله ودخلت فيها نوع من المرح
يعنى من الاخر وصلتها لينا بطريقه مرحه
تحياتى ياسمع هوووووص
داليـ ـ ـ ـ ـ ـ ــــا
انتي ال روحك حلوة جداااااااااااا... ربنا يكرمك... شكرا لكلامك ال خالاني ااعدل الياقة واتنفخ في الكرسي واحط رجل علي رجل.... هههههههههههه....
منوراني جدا جدا جدا...
صباحك سكر زيادة اوي ياداليا...
مساء الخير بقى
ازيك يا ابو على
البوست كله ضحكنى والله .. دمك خفيف فى ردودك :)
بس بصراحة انا بحييك على ذكائك فى اجاباتك اوووووووى يعنى
شكلى كدا هدبسك فى تاج تانى ههههههه
وظبط مواعيدك بقى .. مينفعش كدا D:
السلام عليكم
مبررروك التـــــــاج
أجابات لذيذه وسريعه وساعات هروب بأجابه اخرى
وحلوه المرأة مجنونه بنت مجانين والراجل أبو المجانين
هههههههههههههه
وجميل انك فاكر حبك من كى جى تو
أجابات كلها ذكااااء
وتنور اسكندريه كلها
أهلا وسهلا بيك
تقبل مرورى وتعليقى
تحياتى
Silver Eyes
المرة دي صباااح الفل... احنا عاكسنها مع بعض كده ليه!!!؟؟ هههههههههههههههه.....
يستي ربنا يخليكي ده من ذوقك بس...
بس ليه الشر ده.... عاوزة تدبسنيني تاني... شريرة اووووووووووووي... ههههههههه...
ومواعيدي دي مش عارف اعمل فيها ايه!! مع اني في اي حاجة رسمية موعيدي بتبقي سيف... بس اي حاجة تانية بتبقي كلها فشكن.... عادة مهببة انا عارف بس مش عارف اغيرها.... هعهعهعهعهعهعهعهعهعه....
صباحك جميل...
الحب الجميل
وعليكم السلام...
الله يبارك فيكي...
اسكندرية منورة باهلها طبعا...
وشكرا اوي علي الكلام ده كله... انا مقدرش علي كل ده... هههههههههه...
نورتيني... ويارب متكونش زيارة وخلاص... وتتكرر ان شاء الله...
تحياتي... صباحك سكر...
هههههههه
والله انت بجد عسل
انت اجاباتك كلها صريحة وساخرة وتجنن وكدة يعني
معلش مش بدخل المدونة كتير والله بجد النت كان فيه مشكلة عندي
السلام عليكم
برغم انك اهلاوى الا انى اكتشف ان فى اهلاويه دمهم خفيف
يلا زى بعضه بقى
اولا دمك خفيف موت وردودك تحفه بجد
ومبروك عليك التاج يا قمر
بس فى سؤال يجب التناقش فيه لو تسمح
مين بقى قالك انى الحب بيقل بعد الزواج برغم انك مش متجوز يعنى مش عارف اذا كان صح او غلط
انا بقى عايزة اصلح المعلومه دى بعد اذنك
اولا اذا تزوجت حضرتك عن حب وربنا يكرمك ان شاء الله
عمر الحب ما بيقل ابدا بل بالعكس بيزيد اكتر من الاول عشان بيزيد على الحب الاساسى حب العشرة حب البيت والاولاد والجو الاسرى يعنى
وبيزيد اكتر الاحترام والتفاهم من الطرفين وفى كتير اوى بس كفايه كده
خليك انت مع راندا بتاعه كي جى تو
بجد سعيده انى اتعرفت على مدونتك ميرسى لسك كتير
جوجو
أبو علي
ياعم ياعم ايه ده كله بس
وهو انت مولود تحب
من كي جي تو وانت بتوقع في البنات يا مفتري
بكون دكتاتور مقنع بالديموقراطية... بناقش الاخرين في قراري... وبهدم اعترضاتهم وبستغل نقط الضعف فيها... بكسب تأيدهم بالعافية... نيهاهاهانيهاهاها...
كله من هتلر هو الي علمك الكلام ده
ياما قولتلك أبعد عنه مبتسمعش كلامي
على الله أشوفك واقف معاه تاني
عملتلى فنجان قهوة يعدل دماغى عشان اعرف استوعب كمية الشيزوفرينيا دى يا ولة ههههههههههه
مين راندا دى هه ؟ مجبتليش سيرتها جبل أجدة :@ ههههههه
بحب التاجات بجد يا ابو على يا جن اوى بتعرفنا ع الناس اكتر ويمكن انا شيفاك احيانا متسلط الرأى عنيد بس دة أفضل لآنك فى النهاية مش بتلوم حد غير نفسك صح يا ميلودى مان ؟ ههههههههه
انت جميل يا علوة اوى سورى ع التأخير
re7ab.sale7
والله انتي العسل... ربنا يكرمك...
ولا يهمك يستي... كفاية انك بتنوريني كل فين وفين...
المهم الف مبرووووك لرشا زياد...
منوراني يارحاب..
gogo!sf
لااااااااااااااااااااااااا... الاهلوية كلهم زي الفل... بلاش احقاد الزملكوية دي... هههههههههههه....
انا مقلتش انه بيقل... السؤال كان "هل يتغير الحب بعد الجواز"... وانا جوبت "اكيد"... محددتش التغير ده للاحسن ولا للأسوء... دي بطيخة وهي وظروفها بقي... ههههههههههههههه....
رندا,,,, فكرتيني بالذي مضي... ههههههههه...
شكرا ليكي جدا جدا جدا... بجد نورتيني... ويرب الزيارة تتكرر ان شاء الله....
من كل بستان زهرة
هههههههههههههههه... طبعا من كي جي توو... ده السن الطبيعي للحاجات دي...
انا وهتلر منقدرش نستغني عن بعض... لسه سايبه علي القهوة حالا... ومحدش هيفرق بينا ... وسنحكم العالم....
منوراني ياقمر كالعادة...
مساءك فل وياسمين..
ســـهــــر
دي بارانويا كمان لو اخدتي بالك ... ههههههههههههههه....
منا مردتش اقولك علي رندا قبل كده علشان متفهمنيش غلط... ههههههههههههههه....
انتي الجمر ياجمر...
وصح يابوبي.. ولو بتحبها روحلها لحد البيت.... ههههههههههههه....
وانتي تتأخري برحتك ... انتي صاحبة مكان ياسهورة ياعسل... متقوليش كده...
مساءك قهوة وفيروووووز...
إرسال تعليق