الأحد، 13 مارس 2011

بيان هاااام.....





بيان رقم واحد:
مبروك الحرية- رغم انها متأخرة..

بيان رقم اتنين: 
انا لسه عايش....

بيان رقم تلاتة:
عودتي المصونة للمدونة...

بيان رقم خمسة -مبحبش رقم اربعة انا حر-:
فترة الانقطاع عن المدونة كانت بدون اسباب معلومة او غير معلومة..

بيان رقم ستة:
لا للتعديلات الدستورية. لا للدستور المرقع...

بيان رقم سبعة:
اللهم احفظ مصر...

بيان رقم سبعة - تاني- :
الشرطة الهتتظاهر تتحاكم احسن...

بيان رقم سبعة -كبرت في دماغي بقي وكل الجاي سبعة- :
يارب خد القذافي وريحنا...

بيان رقم سبعة:
القذافي وعلي عبدالله صالح.. اتلم تنتون علي تن تن واحد نتن والتاني انتن..

بيان رقم سبعة:
وحشتوني..

بيان رقم سبعة:
تتوالي البيانات في حينه...

والله المستعان...

هناك 14 تعليقًا:

sony2000 يقول...

ماشي ياريس
يامدلعنا يامشغلعنا:)

غير معرف يقول...

حمدالله على السلامه
نورت بلوجر
في غيابي أنا

sweet angel

Sarah .. يقول...

متنفعش الغيبة الطويلة دى خااالص ع فكرة

المهم
حمدلله ع السلامة
ونورتنا من تانى
صباح الفل :):)

من كل بستان زهرة يقول...

حمد الله على السلامه
يااااااااااااااااااه
انت اكيد كنت ضمن المعتقلين ولسه مفرج عنك ......صح

بس بصراحة انا مش موافقه على بيان رقم سبعه ده خالص
هو كده غلاسه يعني

حمد الله على سلامتك ونورنت المدونه

مدونة رحلة حياه يقول...

السلام عليكم
تعليق رقم سبعة شكرا لك
تعليق رقم سبعة حمدالله ع سلامتك
تعليق رقم سبعة عود حميد
تعليق رقم سبعة الى تعليقات لاحقة

Ms Venus يقول...

ابو على

حمدلله على السلامة

كل دى غيبة ؟


ينفع كده ؟


نورت مدونتك وبلوجر كله

ومتغيبش تانى

سمع هوص (Abo 3li) يقول...

sony2000
اي خدعة...

sweet angel
الله يسلمك...

silver eyes
اهو نفعت بقي نعمل ايه :P
الله يسلمك... وصباح الياسمين..

من كل بستان زهرة
ههههههههه.. لا معتقلتش الحمدلله...
بيان رقم سبعة ده بالذات مقدرش ارجع فيه.. وده نورك..

مدونة رحلة حياة
المدونة نورت...

Ms Venus
الله يسلمك.. بلوجر منور بأهله..

وصف الاحساس يقول...

يااااااه سمع هوص
حمدالله علي السلامه
ايه الغيبه دي كلها
نورت بيتك ومترحك
ام حوده

gogo!sf يقول...

يا ابو على انت داخل حرب

ثم ان الميس بتاعتك محفظتكش غير رقم 7 ولا ايه

على العموم الف حمد الله على السلامه يا مان

صباحك جميل

سَارةٌ يقول...

ونقُـول بيـآن رقم 4 ..

حمدلله على سلآمتك ..

بيان السبع سبعات ..

مُتفقه معاك فـ موضوع الدستور المرقع :)

و فـ إنتظآر إشعار آخر من البيانات :D

Single Mummy يقول...

بيان رقم تمانية
متعملشى كدا تانى وحمداللة ع السلامة

just dream يقول...

بيان رقم سبعه مكرر ستين مره
حمد الله على السلامه وقولنا شايف مصر رايحه على فين
بيان رقم 3
اول زياره ليا وان شاء الله متكنش الاخيره تحياتى

shabfa2re يقول...

جامدين

سمع هوص (Abo 3li) يقول...

gogo!sf
الميس بتاعتي كانت بتحب رقم سبعة .. وانا كنت بحب الميس فحبيت رقم سبعة انا كمان :P
الله يسلمك...


حَـبآيـۃْ.بـטּـدۉڷ
الله يسلمك ... انا كمان في الانتظار :P


Single Mummy
حاضر يابنت بلدي.. مش هعمل كده تاني.. هههههههههه..
الله يسلمك..


قول ياااارب
البلوج نوووور...
والله يسلمك..


shabfa2re
مش قوي... :P