الاثنين، 15 مارس، 2010

سوبر هيرو




كان يشعر دوما انه مميز..
ان هناك ما يميزه عن كل من حوله...
كان يشعر في صغره بأنه اكثر ذكاءا ونضجا من اقرانه ...
كان يشعر بنفسه اكثر قوة...
اكثر ثقة ...
ولكن دوما ظل شئ مجهول في عقله..
يهمس في نفسه "انت لست انسان عادي"...
شعوروه بتميزه واختلافه ابعده عن الاصدقاء...
او غيرتهم من تفوقه الملحوظ في كل شئ اثار غيرتهم فأبتعدو عنه...
او هكذا ظن..
كان لا يتحدث كثيرا مع امه... التي كان يعيش معها بعد وفاة والده...
والده البطل ... الذي ضحي بنفسه فداء لوطنه...
كان يشعر انه ورث هرمونات البطولة من ابيه...
ولكن شعوره هذا لم يتوقف عند شعوره بالبطولة فقط..
كان يشعر انه شخص غير طبيعي.. ويملك موهبة ما لا يعلمها الا الله..
ظل يبحث بداخله عن تلك الموهبة...
ويبحث...
واستقرت في نفسه ان موهبته الفذة سيأتي وقت ظهورها في يوم ما...
ولكنه كان يثق ثقة عمياء في امتلاكه قدرة غريبة وقوة مجهولة...
كان دوما يشعر انه مثل ابطال القصص الخيالية... لديه قواي خارقة...
احيانا كان يعتقد ان قواه خارقة للطبيعة مثل سوبر مان او سبيدرمان...
بل ترسخ بداخله هذا الشعور..
ولكنه كان ينتظر اللحظة الحاسمة التي ستفجر قدراته الخارقة للطبيعة...
لتظهر له... قبل ان تظهر للعالم...
دوما ما كان يقع في المشاكل... او يصاب اصابات بالغة..
عندما يقوم بعمل شئ متهور او مجنون... يحاول به اكتشاف موهبته..
اكتشاف قواه االمجهولة...
وفي يوم من ايام الصيف  شديدة الحرارة...
اخذته امه معها الي السوق...
وفي طريق عودتهما..
وفي اثناء سيرهما في احد شوارع حيهما الهادي الراقي...
لفت نظره بقوة مشهد ما..
سيارة مسرعة قادمة من الاتجاه المعاكس..
طفلة تلهو مع امها علي جانب الطريق... والام مشغولة في تحميل بعض الاغراض في شنطة السيارة...
واثناء لهو الطفلة... وفي غفلة من امها...
انطلقت الطفلة مسرعة الي عرض الشارع..
ادرك بدقة ملاحظته.... وسرعة بديهته ان السيارة لن تستطيع التوقف قبل الاصتدام بالطفلة...
لم يفكر لحظة.... تفجر بداخله شعوره بالبطولة... شعوره بأمتلاكه تلك القوي الخارقة لحدود المألوف وحدود القدرات الانسانية العادية...
انطلق بسرعة اثارت دهشة كل من كان في الشارع...
انطلق الي عرض الشارع.... واحاط الطفلة بزراعيه... في مواجهة السيارة المسرعة...
واطلقت عجلات السيارة صراخا معلنة اعتراضها علي توقف السائق المفاجئ... انطلق هذا الصراخ ممزوجا بصرختين ....
صرخة ام الطفلة وصرخة امه.... التي فوجئت بسرعة تحرك ابنها...
ولكن السيارة المسرعة لم تتمكن من التوقف في الوقت المناسب..
واصتدمت بجسده... الذي قام بحماية الطفلة به...
وتوقفت السيارة اثر اصدامها به....
في مشهد اسطوري... طالما حلم به...
ثم وقف علي قدميه... ونظرالي الفتاة... التي انطلقت في البكاء من هول المفاجأة..
واطمأن انها بخير ولم يصبها مكروه...
ونظر حوله... فوجد كل من بالشارع يركض مسرعا في اتجاه...
وقف مزهوا بنفسه... في انتظار كلمات الاستحسان علي بطولته... من الراكضين اليه..
نظر حوله فوجد ام الطفلة تجري مسرعة الي طفلتها لتحيطها بزراعها... وتبعد نظرها عنه... وعن اثار الارتطام علي السيارة...
نظر الي امه فوجدها تجري في اتجاهه.... كان ينتظرها ليعلن لها انه كان دوما علي حق... وانه يمتلك تلك القدرات الهائلة التي طالما ... ناقشته في عدم امتلاكه لها...
اليوم فقط اثبت لها وللعالم... انه كان حق...
وانه مميز....
وعندما وصلت امه اليه ... وقعت مغشية عليها...
حاول انقاذها من السقوط ولكنه لم يستطع....

نظرحوله الي الناس الذين تجمعو حوله وحول امه....
بعضهم حاول اسعاف امه...
ولكن الجميع بدلا من ان يقومو بتهنأته علي بطولته...
لم يرددو غير جملة واحدة...
"لا اله الا الله"...
"لا اله الا الله"...
اراد ان يساعدهم في حمل امه المغشي عليها...
ولكنه لم يستطع...
وفجأة ....
لفت انتباه امر اخر....
وهو تجمع الناس حول جسد ما...
انه ليس جسد الطفلة..
فالطفلة بخير بين ايدي امها...
نظر مجددا الي الجسد...
لم يستطع تبين ملامحه...
فقد قام المتواجدون بالمكان بتغطية هذا الجسد بأوراق الصحف...
وهم يرددون "لا اله الا الله"...
اقترب اكثر ورفع الورقة عن هذا الجسد وجده مألوفا اليه...
انه جسده هو...
اصابه الرعب والهلع... للحظة...
لحظة لم تؤثر علي نشوة شعوره بالبطولة....

هناك 40 تعليقًا:

NeVeN يقول...

اول كومنت
احجز كرسى واروح اقرا واجى اقول

صيدلانيه طالعه نازله يقول...

تحفه بجد
تسلم ايدك
كل واحد فينا جواه طاقه كامنه
ممكن يوظفها فى الخير و ممكن فى الشر
و كل انسان و قدرته على كبح جماح اهواءه
الولد ده عاش عمره كله مصدق فكرته و مؤمن بيها و حريص انه يحققها
بس للاسف اما حققها كان التمن غالى قوى

حياته
بس كفايه انه دفع حياته تمن لاستمرار حياه طفله بريئه

بوستاتك اليومين دول تحفه بجد
ابقى بخر نفسك يا عم

NeVeN يقول...

ايه دة؟

بص الاحساس دة غريب اوى انك تبقا مقتنع بحاجة مش موجودة ولا فى عليها اى دليل لكن ايمانك انها موجودة بيدى حافز على اكتشافها


بس يا خسارة اول ما اكتشفها فقداهم شئ وهو حياته فى مقابل انقاذ اخر

اقولك على سر
تعرف انى بردو ساعات بحس ان عندى حاجة مش عند حد بس مش زى بطل الحكاية بتاعتك
اهو احساس زوغنتوت على ادى

بس بوست جامد اخر حاجة

مساءك كراميل

هراء لا داعى له ..... يقول...

لأ حرام ....

أنا مش عايز أقرا أى حاجة فيها حوادث عربيات اليومين دول خالص

وياريت بلاش عربيات خالص




ممكن قصص فيها توك توك أو الحنطور ...!

ستيتة حسب الله الحمش يقول...

اولا وباديء ذي بدء صياغتك للقصة تحفة ومتمكن من التعبير بالعربية مع احتفاظنا بحق التشويق :)

كل الي شغلني بعد تمام القصة

ياترى هي نيته كانت ايه

كان عاوز الناس تقول سوبر هيرو
فقد قيل

والا كان عاوز يقال شهم
واتقال شهم

والا دي اخلاق ودين
ويبقى ساعتها نال درجة من درجات الشهادة

غتتة انا؟
معلش بس انا حبيت اشركك في نفوخي
دايما اقول يا ترى لو جت لحظة لينا ممكن نموت على الحق الخالص

ها نجبن

والا نطمع في السمعة وثناء الناس

والا ربنا يثبتنا وينور لنا درب الأخرة

جميلة يا ابو علي
تسلم ايدك

star in the sky يقول...

لا مينفعش كده كل مرة اجى متاخرة

اولا القصة جميلة اوووى

مش عارفة ليه وانا بقرا القصه كنت مصدقاه ومقتنعة باحساسه
واول ما حكيت الموقف اللى حس فيه بالبطولة صدقت احساسه بس التصرف نفسه هو اللى مش فهمته يعنى ازاى حد يقف قدام عربية
وزعلت اوووى انه مات مكانش نفسى يموت كان نفسى يعييييش ويتاكد وقتها من احساسها ومن انه صح

sony2000 يقول...

القصه حلوه بجد
بس هوناك سؤال لوذعي
علل
ليه هو شايف نفسه كدا انه فوق الكل
ولما مات
هل هو شهيد ولا اتقتل بسبب غروروه وانه كان نفسه يتقاله يابطل

سمع هوص (Abo 3li) يقول...

NeVeN

اقولك انا علي سر برضه... انا كمان بيجيلي الاحساس ده كتير... وساعات في لحظات الجنان بتقلب معايا بشكل مريب.. لو حد شافني ساعتها هيستجنني رسمي...

شكرا يانيفين.. ده من زوقك....

وصباحك شيكولاتة

سمع هوص (Abo 3li) يقول...

صيدلانيه طالعة نازله

هيا دي الفكرة اننا نوظف قدرتنا في الخير او الشر ... بشكل نكون راضيين عنه.. والاهم اننا نؤمن بنفسنا... ونؤمن بأفكرنا واعتقدتنا...

شكرا يادكتورة علا.. ديما كده رافعة من روحي المعدنية... وابعتيلي بخور طيب...

نورتيني كالعادة... يومك جميل ان شاء الله

سمع هوص (Abo 3li) يقول...

هراء لا داعي له

خلاص اعتبرها حادثة حنطور... اعتبر ان الحسين ناداه راحت السواري خبطاه...

نورتني.. تحياتي

صيدلانيه طالعه نازله يقول...

شكلك موجود و بترد علينا دلوقتى

انا باصبح و اقول صباح الفل

سمع هوص (Abo 3li) يقول...

ستيتة حسب الله الحمش

اول مرة حد يقولي المعلومة دي... وخصوصا ان العربية عندي ضعيفة حبتين... وخصوصا اليومين دول... فينك يأستاذ سامح تيجي تسمع الكلام ده (مدرس العربي بتاعي زمان)...

بالنسبة لنيته... دي حاجة بينه وبين ربنا... ثم انا سيبها لخيلكم... كل واحد يشوفها من وجهة نظره...

"معلش بس انا حبيت اشركك في نفوخي
دايما اقول يا ترى لو جت لحظة لينا ممكن نموت على الحق الخالص
"

عارفة يادكتورة انا كمان التساؤل ده ديما بيجري في نفوخي.. ديما بفكر لو اتحطيت في موقف اختار فيه اني اضحي بحياتي علشان حد معرفوش هعمل ايه....
عارفة اول مرة شوفت فيها فيلم "اير فورس وان" وانا صغير حطيت نفسي مكان الطيار الفدي طيارة الرئيس بطيارته علشان ينقذه... وقعدت افكر لو مكانه هعمل زيه...
طيب لو في ايدي اني انقذ ناس كتير مليش علاقة بيهم .... بس ده هيكون علي حساب حياتي.. هخاف... ولا هعمل كده بشجاعة... وهعمل كده ليه..

انا عارف اني كده مجوبتش عليكي... بس صدقيني نفس الاسئلة دي بتفرتك دماغي يوميا... ومفتكرش ان فيه حد ممكن يجاوب بالحقيقة.. غير لما يتحط في الموقف نفسه.. لان كلنا بنكون فاكرين ان الخير جوانا والتضحية بالنفس اهم من كل شئ... بس ساعة الحقيقة حاجات كتير بتختلف وبتبان النفوس الضعيفة...

معلش اني صدعتك بجناني...

شكرا يفندم نورتيني...

سمع هوص (Abo 3li) يقول...

star in the sky

لو التأخير ده استمر هفكر في فض الشركة ال بينا... نلتزم بموعدنا لو سمحتي... ههههههههههه..
ازاي يقف قدام عربية!! علشان من جواه مصدق انه يقدر ينقذ الطفلة بالشكل ده... ومقتنع انه مخلوق علشان يساعد الناس بقدراته الغير عادية..
وهوا علي فكرة اتأكد ان احساسه صح... وان عنده ميزة وموهبة فائقة.. ال هي الشجاعة.. وانه ممكن يضحي بنفسه علشان غيره... يعني احساسه مطلعش غلط ولا حاجة... وهوا اتأكد انه صح في الاخر...
وهيا دي الزتونة... وش بيطلع لسانه

نورتيني.... صباحك سكر زيادة

سمع هوص (Abo 3li) يقول...

sony2000

هوا مكنش شايف نفسه فوق الكل... ومكنش حاسس بكبر او غرور مع حد... هوا كان حاسس ان فيه شئ مختلف.. وان عنده حاجة ممكن يقدمها لغيره...

وبالنسبة لموضوع شهيد ده... مش عارف .. انتي شايفة ايه؟؟؟
بس المتأكد منه انه مامتش بسبب غروره..

تحياتي

سمع هوص (Abo 3li) يقول...

صيدلانيه طالعه نازله

صباح الفل والياسمين والورد والقرنفل والبنفسج.. وال...... مش فاكر اسماء زهور تاني دلوقتي...

صباح الخير علي اجدع صيدلانيه في اسيوط وما حولها...

صيدلانيه طالعه نازله يقول...

ههههههههههههههههههههه
ميرسى يا جميل على الذوق ده كله
كده كثفتنى

سمع هوص (Abo 3li) يقول...

صيدلانيه طالعه نازله

ههههههههه... ربنا ميجيب كثووف ... والله فعلا اكتر زيارة بتفرحني .. زيارتك يادكتور...

صيدلانيه طالعه نازله يقول...

مشكرييييييييين خالص

طيب مدام احلى زياره مفيش كابتشينو و لا جاتووووووه
حاجه كده لزوم الترحيب

سمع هوص (Abo 3li) يقول...

صيدلانيه طالعه نازله

بس كده؟؟؟ عموما انا لسه مخلص النسكافيه بتاعي... بس ممكن اعملك واحد مخصوص...
والجاتوه بتحبيه شيكولاتة ولا كريمة؟؟؟


سيبك من الحاجات دي... مش عاوزة تفطري الاول؟؟

صيدلانيه طالعه نازله يقول...

لا سبقتك انا باصحى من الساعه خمسه و نص
كفايه الجاتوووووووووووووووه
ميل فيه بالسكر

سمع هوص (Abo 3li) يقول...

صيدلانيه طالعه نازله

خمسة ونص... بسم الله ماشاء الله...
وانا الكنت فاكر نفسي بصحي بدري )ستة ونص( ...ههههههههه..
الجاتوه في الطريق... هيوصل علي الغدا كده... علشان المسافة بقي... هعهعهه

Single Mummy يقول...

يا سلام عليك يا بو على..لية كدة بس لية الواد الشهم دة يموت فى الاخر واللة كابتنى جدارغم ان الحكاية اكتر من روعة وكتابتك ليها مميزة بس برضة النهاية صعبة عموما تسلم ايديك يا بن بلدى يا غالى

سمع هوص (Abo 3li) يقول...

Single Mummy

انا حاسيت انكم مبسوطين قلت اعكنن عليكم.... هههههههه...

ولا كأبة ولاحاجة... بصي للجانب الايجابي من الحدوتة...
وشكرا بجد ده بس من زوقك والله..

نورتيني ياسارة ياغالية

جارة القمر يقول...

ليه النكد دا يا بنى بس

القصة بجد مؤثرة اوووى و تعليق د/ ستيته اكمل الصورة
اسلوبك بجد حلو اوى و نقلت المشهد كويس بس
لو كل واحد مننا قدر يكتشف موهبته او على الاقل كان عنده ايمان بيها كانت حاجات كتير اتغيرت

حصان المرجيحة يقول...

بص انا اول مرة ادخل المدونة
بدأت اشوف البوست
لقيته طويل
قلت اقرا المقدمة لقيت نفسي خلصته
بجد جاااااااااااااامد
و عندك حس روائي عالي جدا
و نهاة مالهاش حل
تسلم ايدك
و تقبل مروري

سمع هوص (Abo 3li) يقول...

جارة القمر

تقريبا انا الوحيد الحاسس انها مش نكد خالص... بالعكس...
اومال لو دخلت عليكم بالنكد البجد هتعملو ايه.. ههههههه... وش بيطلع لسانه...

انا معاكي في ان اهم حاجة الايمان بالنفس... والايمان بالاهداف والمبادئ.. ساعتها حايبتنا كلها هتتغير...

نورتيني... تحياتي

سمع هوص (Abo 3li) يقول...

حصان المرجيحة

ياباشا زيارتك شرف ليا... بس يارب تتكرر.. ان شاء الله..

وشكرااااا جدااا علي كلامك وزوقك... ربنا يخليك...
والحمدلله ان حد عجبته النهاية اخيرا...


نورتني يافندم..يومك زي الفل

جارة القمر يقول...

بص هى حلوة اكيد جدا بس احنا عاطفين شويتين فبنحب النهاية السعيدة

النكد على اصوله اومال دا ايه ؟؟؟ ها ؟؟

سمو الامير يقول...

براااافو :)

قصة جميلة جدا وأسلوبك رائع فعلا

تحيــاتي :)

قهوة بالفانيليا - شيماء علي يقول...

:)
مكتوبة كويس ..
بس مساحتها كبيرة.
يعني ممكن يتحط فيها احداث اكتر من كدة ..
ابو علي انا عاوزاك تكتب قصص طويلة و ماتخافش من التفاصيل طول ماعندك مساحة ..
عاوزة اقرا حاجة اطول شوية :)

Wanda يقول...

ابو على :-)
الحدوتة حلوة و معبرة
بس
شايل ورق الجرنال ازى ؟؟؟
:-))))))))))))))))))))

مينفعش

ابوعلى لما تشوف بنات او ولاد قصاد عربية ابقى شدهم لمنطقة الامان
ماتوقفش فى وش العربية
ماشى
مش عايزين نيجى نقول ابوعلى بقى سوبر هيرو ؟؟ عايزن ابوعلى لسه منورنا فى الدنيا
سامع الكلام و لا املص ودانك ؟؟

اخت الكبيرة واندا

سمع هوص (Abo 3li) يقول...

جارة القمر

لا النكد عندي له معايير مختلفة...
ربنا ميوريكي... هههههههههههه..

نورتيني

سمع هوص (Abo 3li) يقول...

سمو الامير

شكرا يافندم ربنا يحفظك..

نورت البلوج
تحياتي

سمع هوص (Abo 3li) يقول...

قهوة بالفانيليا - شيماء علي

مش عارف والله ياشيماء... ممكن افكر فعلا اكتب حاجة طويلة.. طالما لاقي تشجيع حلو كده...

بس انا حسيت اني وصلت الفكرة ال عاوز اوصلها بشكل مختصر الي حد ما...

المهم بالنسبة ليا ان اعرف انقل البيدور في دماغي.......

شكرا علي النصيحة... وقيد المحاولة...

تحياتي

سمع هوص (Abo 3li) يقول...

Wanda

عندك حق في موضوع الجرايد.. ده لو اعتبرنا انه شال الجرايد بجد.. هوا شالها بشكل معنوي...

حاضر انا هسمع الكلام وهشد العيال الصغيرين... علشان متملصليش وداني..

تحياتي ياأختي الجميلة واندا...

ريمان يقول...

السلام عليكم

قد ايه كتاباتك جميله واسلوبك جميل


تحياتى لقلمك

وعلى فكره نهايه غير متوقعه

تحياتى لابداعك

سمع هوص (Abo 3li) يقول...

ريمان

وقد ايه انتي زوق وكلامك زي العسل..ههههههه...
ربنا يخليكي يارب...


صباحك جميل

صمت المشاعر يقول...

اوقات الواحد بيشعر كدا انه عنده قوه هائله وطاقه كبيره اووووووووي مالهاش حدود وبردوه اوقات بيشعر انه اضعف المخلوقات سبحان الله

وعلي فكره بجد انا دايما وانا واقفه بستني العربيه في المواصلات واكون واقفه علي جانب الطريق بتخيل نفسي بعمل موقف نفس الموقف اللي كتبت عنه ههههههههه مش عارفه ليه بتخيل نفسي في الموقف دا

عموما طريقك سردك منظمه

دمت بكل خير

سمع هوص (Abo 3li) يقول...

صمت المشاعر

هقولك علي سر :تعرفي انا كتبت البوست ده علشان كتير اوي بيجيلي نفس الشعور ده.. وببقي نفسي ارمي نفسي واجرب.. واشوف ايه الهيحصل.. وساعات تانية الجنونة بتشتغل معايا.. وبحاول احرك الحاجات من علي بعد...
تقريبا تأثير الافلام علي دماغتنا... بس انا مش قلقان... لاني الحمدلله... عارف اني اتجننت من زمان... ولسه عايش.. ومتعايش مع جناني...

نورتيني... وشكرا علي الزيارة الجميلة.. تحياتي

مريم مر العمراوى يقول...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل