السبت، 10 أبريل، 2010

رسائل سريعة

اعتذار

بعتذر لكل الناس ال كانت النهاردة في ابو الريش علي اني مشيت بدري .. بس صدقوني ظرووف...
وبشكر كل الناس الحلوة الجات .... ربنا يكرمك كلكم ومش هقولكم ربنا يديكم علي قد نيتكم علشان كيكي عووو متزعلش... هقول ربنا يديلكم احسن من ال في نيتكم... مبسوطة ياكيكي؟؟ هههههههههه
وبعتذر كمان علي حالة التوهان العام ال كنت فيها النهاردة بس ده راجع لحالة انعدام التركيز ال انا فيها مؤخرا.... 
وعاوز اقول اني مبسوط جدا اني قبلت اجدع مدونين في مصر النهاردة...
مبسوط اني قبلت شريف باشا ,وليد هي وظروفها,  فاتيما, داليا قوي قزح, كيارا, خالد همس الاحباب, وضياء, مصطفي... مش عارف يارب مكنش نسيت حد من القبلتهم قبل الصلاة.... وكان نفسي اكمل اليوم علشان اقابل باقي الناس الجت بعد الصلاة.... بس تتعوض ان شاء الله...
واخيرا بقول لنوران بنت خيخة.. كان نفسي اطول شوية  لحد مقابلك... بس يلا خير... تتعوض زي مقلت...


طلب دعاء

ياريت ياجماعة ندعي لمروة صاحبة مدونة احلي ملاك بالشفا... انا مش عارف تفاصيل .... ياريت ال يعرف اي حاجة يطمنا عليها...



هناك 62 تعليقًا:

هي وظروفها يقول...

محمد
بص بقي يا معلم المره دي متتحسبش وبعدين اقسم بلله يا اخي انت حد اول ما تشوفه تحس انك تعرفه من ايام ثانوي اعداي بس مش ابتدائي
ربنا يديم المعروف ونشوف تملي في احسن حال واطيب حال

ربنا يبارك فيك وبجد اتشرفت بمعرفتك انهارده

سمع هوص (Abo 3li) يقول...

ياويلز ... اشمعنا ثانوي واعدادي؟؟ اصل دي ايام التشرد منتا فاهم... ههههههههه...

وربنا يديم المعروف ... والشرف ليا والله ياجدع...

صيدلانيه طالعه نازله يقول...

كنت مبسوطه قوى اما قريت راى فاتيما فيك
لانه اكد ان وجهه نظرى صح
و انك انسان محترم بجد

ربنا يكرمك يا ابو على و يحققلك كل اللى تتمناه

ستيتة حسب الله الحمش يقول...

صباح الخير
تقبل الله من الجميع وجعله في موازين الحسنات
ربنا يشفي احلى ملاك شفاءا لا يغادر سقما

تحياتي يا ابو علي

فاتيما يقول...

احنا اتشرفنا بيك
يا ابوعلى

بجد

و بعتذرلك تانى هنا فى مدونتك
عن أى سوء فهم منى ليك

بس اصل اسمك دا كان عامل قلق خصوصا ان مدونتك لسه جديدة
و بالتالى حصل التوء سفاهم دا

ان شاء الله تتعوض
و تحضر معانا بؤجة الخير

و تقعد اطول وقت ممكن
و تشوف كل الناس اللى حابب تشوفها

ربنا يجمعنا دايما فى الخير
خالص ودى و تحياتى ليك

اختك فاتيما

غير معرف يقول...

انت بتهزر صح
لاقولى انك مكنتش موجود
ها
قول البوست دة هزار
بس انا اصلا دلوقتى حالتى كرب بعمل كذاحاجة
بس انا تنحت!!!!
انت كنت موجود امتى دة حضرتك
طب انت كنت انى واحد
طب
طب طب
عااااااااااااااااااااااااااا
والله العظيم زعلانه انى معرفتكش ولا شوفتك طب جيت اسأل عليه عارف انى رايحة
صح؟؟
صح ماتنكرش
طب بجد بقى انا بقى الى زعلانه
وش مكشر على متنح على هيتنفخ فى الامتحان بعد شوية
عوووووووووووووووو

غير معرف يقول...

فين التعليق راح؟؟

sony2000 يقول...

ربنا يشفي مروه يارب اللهم امين
وتتجمعو علطول فالخير ديما
يارب:)
تقبل مروري وتحياتي

همس الاحباب يقول...

ياباشا
نورتنا بوجودك ومشاركتك الكريمة
وكان نفسنا تكمل معانا باقى اليوم
بس قدر الله وماشاء فعل
وسعدت جدا بمعرفتك على المستوى الشخصى
تحياتى

سمع هوص (Abo 3li) يقول...

صيدلانيه طالعه نازله

D:

ربنا يحفظك ويسعدك... ويبعد عنك كل سوء

سمع هوص (Abo 3li) يقول...

ستيتة حسب الله الحمش

دكتورة ستيتة.... ربنا يتقبل من الجميع ...

وربنا يشفيها ويطمننا عليها...


منوراني يادكتور ...
تحياتي

سمع هوص (Abo 3li) يقول...

فاتيما

الشرف ليا والله... اني اتعرفت عليكم...
وتاني مرة بقولك ملوش لازمة الاعتذار لأني متفهم اللبس الحصل....
وربنا يسهل ان شاء الله واكون معاكم المرة الجاية لأخر اليوم...
ربنا يجازيكم خير يا رب..

زيارتك اسعدتي...

اخوكي ابوعلي

سمع هوص (Abo 3li) يقول...

غير معرف
بين قوسين كيكي عووووووو

للاسف ياكيكي انا مشيت قبل منتي ماتجي... وانا كمان زعلان والله اني مشفتكيش.. انتي كنت من الناس ال نفسي اقابلهم... تتعوض ان شاء الله المرة الجاية...

ثم انتي ال اتأخرتي... وانا ال كنت مجهز المطوة الموف علشان اتخانق مع سواق التاكسي..

المهم طمنيني السواق رجع لاهله سالما ... ولا .......؟؟؟

التعليق مرحش... موجود اهو.. ولا انتي كتبتي واحد تاني واختفي؟؟
ثم داخلة متنكرة ليه؟؟


نورتيني ياكيكي.... وعووووووووووووووووووووووووووووووو

سمع هوص (Abo 3li) يقول...

sony2000

يارب... اللهم امين


منوراني كالعادة ياسونــــــــــــي


تحياتي

سمع هوص (Abo 3li) يقول...

همس الاحباب

ياخالد الشرف ليا .. اني عرفت انسان مصري جدع بجد زيك... ربنا يجزيك خير يارب...

كيــــــــــــارا يقول...

انا سعدت جدا باني شوفتك وان شاء الله تتعوض المره الجايه بس تقعد كتير ماشي :)

سمع هوص (Abo 3li) يقول...

كيــــــــــــارا

انا اسعد يافندم...
مااااااااااشي ان شاء الله المرة الجاية تكون اطول...

وبالمناسبة سلامك وصلني...


تحياتي

قوس قزح يقول...

و الله انت نورتنا بحضورك
و زى ما بيقولوا سماهم على وجههم
ما شاء الله عليك يعنى واضح انك انسان محترم و هادى النفس
و ان شاء الله تتعوض و تتعرف على الناس اكتر

جزاك الله كل خير

سمع هوص (Abo 3li) يقول...

قوس قزح

شكرا ياداليا ربنا يكرمك يارب...
ربنا يسعدك ...


تحياتي

ghada mOhsen يقول...

والله زعلت لما عرفت إنك كنت هناك ومشيت قبل مانوصل أنا وزمايلي ..

كله من الكفاح في الكليه مجتهدين بعيد عنك فتأخرنا :)))

بس إن شاء الله تتعوض ... وأشوفك على خير ...

... ;) ,,, ;) ...

سمع هوص (Abo 3li) يقول...

ghada mOhsen

انا كمان زعلت لما عرفت انك وصلتي بعد مامشيت بخمس دقايق...

ربنا يوفقك في رحلة الكفاح في الكلية... وتتعوض قريب ان شاء الله...


D:D:D:

sweet angel يقول...

انا جايه بنفسي ادعي لنفسي

ربنا يتم شفائي على خير يااااااااارب

شكرا كتير يا ابوعلى على الكلام ده

وشكرا لاهتمامك

شكراااااااااااااااااااا

سمع هوص (Abo 3li) يقول...

sweet angel

مرووووووووووووووووة.... حمدالله علي السلامة... ايه يبنتي قلقتينا عليكي؟؟
يارب يتمم شفاكي علي خير...
ويبقي طمنيني اكتر... ايه الحكاية؟؟

بت خيخة وأي كلام يقول...

اناحزينة جدا يا ابو على
انى مالحقتش اشوفك
واتشرف بمعرفتك شخصيا

ان شاء الله تتعوض قريب

شكرا لحضورك

سلام
اختك خيخة

فتاه من الصعيد يقول...

جازاكم الله خيرا

وربنا يشفي كل مريض يا رب

تحياتي

غير معرف يقول...

الحمدلله يامحمد
ربنا لطيف
جات سليمه
SWEET ANGEL

سمع هوص (Abo 3li) يقول...

بت خيخة وأي كلام

والله يانوران انا كمان زعلان اني ملحقتكيش... وكان هيبقي الشرف ليا طبعا...

وربنا يسهل وتتعوض قريب... بس ساعتها تبقي تيجي في ميعادك... هههههههههه... وش بيطلع لسانه...

اخوكي ابوعلي

سمع هوص (Abo 3li) يقول...

فتاه من الصعيد

اللهم امين...

بس تعرفي احلي حاجة في تعليقك انك فكرتيني بحاجة مهمة كنت ناسيها بفعل الزهايمر المزمن ال عندي...
افتكرت اني كنت بكتب تعليق علي الموضوع بتاع مدرسة المشاغبين عندك من يومين والنت فصل... هروح دلوقتي تاني وافتكر كانت كاتب ايه... هههههههههههه...

تحياتي

سمع هوص (Abo 3li) يقول...

SWEET ANGEL

الحمدلله... ربنا يتمم شفائك ان شاء الله..

إنـســـانـة يقول...

تصدق انا داخلة ازعق واعمل مشاكل عشان قريت بوست الخطوبة ده وفرحت بقى ولسة حزغرط ألاقيها كدبة إبريل؟ .. يلا الله يسامحك ياعم وعقبال ما يبقى بحق وحقيقي مش كدبة

:D

سمع هوص (Abo 3li) يقول...

إنـســـانـة

هههههههههههه... لا الطيب احسن... بلاش زعيق... وتتعوض يستي اول ميبقي بجد.. انتي اول المدعووين...

نورتيني
تحياتي

мαησηα يقول...

كان نفسى اكون موجودة

انا كرهت طنطا عااااااااااااااااااااااااااااااااااااااااااااااااااااااااااااااا

ايوة انا جاية اعيط هنا عااااااااااا

انا كان نفسى اعمل حاجة كويسة ف دنيتى قبل ما افلسع وكان نفسى اوى اشوف كل الناس الحلوة اللى حضرت

يارب يارب اكون موجودة المرة الجاية

والف مليون سلامة على مروة ربنا يشفيها ويعافيها يارب اللهم اميييييين

سمع هوص (Abo 3li) يقول...

мαησηα

ليه بس دي طنطا حلوة كفاية ان منونة السكرة منها....
وبرحتك طبعا تعيطي تصوتي تخبطي برجلك في الارض... هههههههه.. دي مدونتك والبيت بيتك... ههههههه...

وان شاء الله تكوني معانا المرة الجاية ... واكون جبتلك يستي رواية عم احمد البتقولي عليها دي...

E73 يقول...

ربنا يجمعكم عالخير دائما

سمع هوص (Abo 3li) يقول...

E73

اللهم امين..


تحياتي

غير معرف يقول...

sweet angel
شكرا خالص يا محمد
وشكرا للناس الي دعتلي كلها
يارب ربنا يتمم شفائي على خير (ولو اني معتقدش)

سمع هوص (Abo 3li) يقول...

sweet angel

ليه بس كده يبنتي... ربنا كبير.... هوا حصل ايه؟؟

كيــــــــــــارا يقول...

سويت ليه مش تعتقدي

انا عند ظن عبدي بي تفاءلي خير وقولي في ايه يمكن نقدر نساعدك ؟

سمع هوص (Abo 3li) يقول...

كيارا

قوليلها ياكيارا.... مروة مسودة الدنيا اووي...

سمع هوص (Abo 3li) يقول...

الشفا بيجي من عند ربنا
بلاش تشائم

غير معرف يقول...

sweet angel

مفيش والله
بس رجعت المستشفى تاني
وأنا لما بخرج وارجع على طول بتخنق

كيــــــــــــارا يقول...

منا اتصدمت من ردها وعشان كدا رديت

والله والله ماما فضلت تعبانه 4 شهور والدكاتره كلهم احتارو في العلاج ودكتور واحد ادها علاج بتلاته جنيه بس خفت الحمد لله

فربنا وحده اللي قادر انك تخفي المهم مش تياسي ابدااااااااا

sweet angel يقول...

كيارا

أنا كفاية عليا سؤالكم ده

سمع هوص (Abo 3li) يقول...

يامروة... انتي في المستشفي علشان موضوع الحادثة ال كنتي حكتيلي عليه؟؟ ولا ايه؟.؟؟

sweet angel يقول...

مش مسوده حاجه والله بالعكس
بس ساعات الواحد بيمر بحالات يأس متعبه

sweet angel يقول...

كيارا

الحمدلله
ربنا يديم على والدتك نعمة الصحه يارب
شكرا جزيلا لاهتمامك يا جميله

كيــــــــــــارا يقول...

طيب بلاش الياس دا وادعي ربنا هو الوحيد اللي هينفعك واحنا بندعيلك ياقمرايا سبيها علي ربنا مش في احسن منه

sweet angel يقول...

لأ الحادثه ملهاش علاقه
ده بسبب اهمالي

sweet angel يقول...

كيارا

ونعم بالله
ربنا يخليكي

سمع هوص (Abo 3li) يقول...

اهمااالك؟؟؟؟
اياكان... ان شاء الله خير... وربنا رحيم... وهيقومك بالسلامة ان شاء الله... وترجعي تتشاقي تاني زي الاول..

sweet angel يقول...

منا بتشاقى أهو
مش تقلق
أنا حتى لو مت محدش هيحس بكده
بسمه الي نزلت البوست
معاها الباسوورد
وأنا كل فتره بسيب موضوع او اتنين زياده
جاهزين
واقفين بس على النشر
وقايلالها أنا لو مت
عندك مواضيع تكفيكي سنة
ههههههههههه

sweet angel يقول...

منا بتشاقى أهو
مش تقلق
أنا حتى لو مت محدش هيحس بكده
بسمه الي نزلت البوست
معاها الباسوورد
وأنا كل فتره بسيب موضوع او اتنين زياده
جاهزين
واقفين بس على النشر
وقايلالها أنا لو مت
عندك مواضيع تكفيكي سنة
ههههههههههه

sweet angel يقول...

علشان أضمن ان الناس هتفضل سنة تترحم عليا قبل ما ينسوني

سمع هوص (Abo 3li) يقول...

ايه يابنت يامروة الكلام الخايب ده... بعد الشر عليكي..
متتكلميش كده تاني علشان منزعلش منك..
ربنا يديكي الصحة ....

sweet angel يقول...

الله
أنا بتكلم باعتبار ما سيكون
ما كلنا مسيرنا نموت

سمع هوص (Abo 3li) يقول...

حظك حلو اني داخل انام... ومش هتخانق معاكي دلوقتي...

يلا انتي كمان ادخلي نامي..
تصبحي علي خير

sweet angel يقول...

ادخلي نامي؟؟؟
ههههههههه
وانت بخير

صمت المشاعر يقول...

ربنا يشفي مروه يارب ويسمعنا عنها كل خير


ويارب تكونوا قضيتم وقت كويس

دمت بخير

سمع هوص (Abo 3li) يقول...

صمت المشاعر

اللهم امين...

وربنا يديم التواصل

تحياتي

شريهان يقول...

اكيد هى لسه فاكرة ومش من حقك الصراحة تطلب منها انها تنسى حتى لو انت نسيت

سمع هوص (Abo 3li) يقول...

شريهان

افتكر انك حطيتي الكومنت هنا غلط... والكومنت علي البوست ال بعده...

بس انا معاكي فعلا.. مش من حقي اني اطلب منها تنسي.. وهيا مش من حقها انها تتوقع اني ممكن انسي برضو ال عملته..

نورتيني ياشريهان

مريم مر العمراوى يقول...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل