الأربعاء، 28 أبريل، 2010

سيدي الرئيس.. انا حقا اعترض..


سيدي الرئيس,
تحية طيبة وبعد..
اولا اعتذر لسيادتكم عن تأخر تهنأتي علي سلامة سيادتكم وعودتكم الميمونة الي ارض الوطن الغالي..
سيدي الرئيس كلانا يعرف, بل يوقن بأن عودة سيادتكم الحميدة لم تكن اقصي احلامي وامنياتي..
لكنك بأي حال عدت.. فهذه ارادة الله..

سيدي الرئيس رسالتي هذه ليس الهدف منها الاطمئنان علي صحتكم الغالية او لاظهار سعادتي وفخري بسيادتكم...
رسالتي اكتبها فقط لأبدي اعتراضي المهذب..

اعلم سيادة الرئيس ان اعتراضي وان كان مهذبا بعض الشئ ولكنه يحمل في مضمونه وقاحة وتبجح الابن العاق لوالده.. ولكنه الطمع في كرمكم هو ما شجعني..

اولا وبما ان "لقمة العيش" النظيفة هي اهم احلامي كمواطن, سيدي الرئيس انا اعترض وبشدة ان أأكل لحوم القطط أو الكلاب البلدي -قد تظن السوء وتظنني مرفها - فلقدت اعتادت معدتي المتواضعة علي لحوم القطط الشيرازي و الكلاب اللولووو..

ثانيا اعترض بشدة علي مطالبة نواب حزبكم الموقر بضرب المتظاهرين بالرصاص.. فكلانا يعلم خطورة هؤلاء الحمقي المتظاهرين علي امن الوطن.. لذلك فأن ضربهم بالرصاص لن يكون الحل الامثل لأرهاب كل من تسول له نفسه العبث بسلامة وطننا الغالي.. ففي القتل رحمة لا يستحقها مثل هؤلاء المتسوليين.. لذا فأنا اطالب بأستمرار الأجراءات الاعتيادية في مثل هذه الظروف – من سحل وتحرش وارهاب عائلي- نظرا لنجاح هذا الاسلوب خاصة بعد ان وصل رجال الامن الي درجة الاحتراف في مثل هذه الامور..

ثالثا انا اعترض بشدة علي تساهل رجال سيادتكم مع هذا المجنون الذي يريد ان ينٌهي عهد سيادتكم ويطالب بتلك التعديلات الدستورية الخرقاء التي لن تؤثر الا سلبا علي استقرار الوطن.. لذا فأنا اطالب بضرورة زيادة حدة الهجوم علي شخصه -في كل الصحف ووسائل الاعلام الموجهة- من رموز حزبكم المبجل.. وارجو ايضا زيادة الاكاذيب المستخدمة في هذا الهجوم من اجل مصلحة الوطن واستقراره..

رابعا –اعذر اطالتي في هذه النقطة - سيدي الرئيس انا اعترض وبكل شدة علي كل المنافقين الوصوليين الذين يتغنون بانجازات سيادتكم.. ويبالغون في وصف حالة الرخاء العامة في عهدكم الكريم..
أود ان اوضح –وكلانا يعرف – ان كل تلك الانجازات المزعومة ليست بأنجازات تدعو الي الفخر..
فمن الطبيعي انه وبعد ثلاثون عاما.. ان تٌنشأ طرق ومحاور جديدة فهذا ليس بأنجاز.. لكن ما ليس طبيعيا الا تستطيع كل تلك الطرق استيعاب الزحام واعداد السيارات...
ومن الطبيعي ايضا انشاء المصانع او المستشفيات او المدن الجديدة فهذا طبيعي ايضا نظرا للزيادة الطبيعية في اعداد السكان لكن ليس طبيعيا ان لا يجد الشاب شقة للزواج او تجد العجوز سرير للعلاج او ان نستورد علم بلادنا ارخص من دولة –مدعية- مثل الصين..
ومن الطبيعي ان تنعم بلادنا بالسلام العسكري كل هذه المدة بسبب الاتفاقيات السابقة التي حافظتم عليها بأمانة... ولكن ليس طبيعيا ان نقف مكتوفي الايدي امام كل التجاوزات التي تحدث في حق الوطن العربي او الاسلامي..
ومن الطبيعي التوسع والاتجاه الي تعمير الصحاري... ولكن ليس طبيعيا ان يفشل اكبر مشروع قومي في العقدين الاخيرين..
ومن الطبيعي محاولة اصلاح التعليم.. لكن الهجوم اللفظي المصبوغ بالطابع الامني علي كل من له علاقة بالمنظومة كنوع من العقاب النفسي هوا ما ليس طبيعيا..
سيدي الرئيس كل هذه الانجازات واكثر لا تدعو الي الفخر والتغني بها.. لذا ارجو من سيادتكم ان تعاقب هؤلاء المنافقين المخلصين علي طمعهم لانهم لم  يكتفو بالتغني بالانجاز الاعظم –اول طلعة جوية فتحت باب الحرية- واخذو يٌحيكون الاكاذيب لمجرد انهم لا يكتفون بهذا الانجاز.. لذا انا اعترض وبشدة علي هذا الطمع...

خامسا انا اعترض سيادة الرئيس علي نفيكم المستمر -او نفي نجلكم الكريم او نفي ارباب حزبكم المفخم- لملف التوريث... فهذا يتناقض بشدة علي مبدء ابناء العاملين المتعارف عليه في كل المصالح والشركات الحكومية.. لذا ارجو من سيادتكم تأكيد شرعية هذا المبدء بأن تعلنها صراحة بتعين كريمكم نائباً لسيادتكم..

سادسا انا اعترض علي تساهلكم مع كل من تسول له نفسه ويبدء في انتقاد سياسات الحكومة المختارة تجاه قضية المياه ونهرنا الخالد.. وتساهلكم مع بعض اعضاء حزبكم المعظم الذين قامو بالتلويح ان الخيار العسكري هو احدي الخيارات المطروحة لديكم للحفاظ علي حقوقنا.. فكلانا يعرف ان الخيار السلمي الدبلوماسي هو الخيار الابدي الوحيد لنظامنا السياسي القائم... وان التلويح –مجرد التلويح- بغير ذلك هو ضرب من ضروب التهور والصبيانية.. لذا اطالب سيادتكم اثبات عدلكم وكرم اخلاقكم بالرضوخ لمطالب الدول المعنية واعادة التقسيم العادل للنهر حتي يقتنع العالم قبل الموطنين ببعد رؤيتكم وعدلكم حتي مع الدول الاخري... ولمساعدة سيادتكم في قراركم فانا اوعدكم -انه في حال توقيعكم علي تلك الاتفاقية الجديدة – بأن اتوقف عن الاستحمام نهائيا لتوفير وترشيد استهلاك الفرد من المياه وسآكتفي بغسل وجهي يوم الجمعة قبل الصلاة مباشرة فقط..

واخيرا..
سيدي الرئيس... انا حقا اعترض...

هناك 72 تعليقًا:

أع ـقل مـ ج ـنـونــة يقول...

وأنا أؤيدك فـ الاعتراض

" بالذات نقطة الانجازات ^_^ "

ســـهــــر يقول...

شكلك روحت فى سكة اللى يروح ابقا قابلنى لو رجع هههههههه

بص يا ابو على والله لو قولت اكتر من كدة وفضلت تنادى بأعلى صوت مهيسمع
يا ابنى احنا على الوضع دة من سنين فاتت لو كان فى ضمير او خوف من ربنا
كان ع الاقل بص للغلابة واللى معاشهم 90 ج والناس اللى بتموت مش لاقيه علاج حتى فى المستشفيات

الا قولى يا ابو على الجواب دة باعته بريد مستعجل ولا اية ؟؟

ههههههههههه

حفيدة عرابى يقول...

ايه ده مش هتتوضى قبل الجمعة!؟
عموما شيوخ السلطان هيقولوا انك مضطر
وبتنفذ تعليمات ولى الامر
اعتراضك قوى وفعال جدا يااخ ابو على
عارف اكتر جزء ضايقنى لما اتكلموا عن المصريين اللى اترحلوا من الكويت
والصحفى الهمام حمل البرادعى ذنب قطع عيشهم ورجوعهم للجوع من تانى

يعنى العالم بمنتهى البجاحة اعترفت ان عندنا جوع لا سمح الله

دمت معترضا سيدى

سمع هوص (Abo 3li) يقول...

أع ـقل مـ ج ـنـونــة

ياريت كان الاعتراض بينفع... كان حالنا اتغير...

كده انتي من انصاري... انتي من الاحرار يامجنونة...

صباح الفل...

سمع هوص (Abo 3li) يقول...

ســـهــــر

انا بعته علي ال wall علي الفيس بووك.. ههههههههههه... وعملتله poke تفتكري هياخد باله؟؟


صباحك شيكولاتة..

سمع هوص (Abo 3li) يقول...

حفيدة عرابى

طالما شيوخ السلطان زي مقولتي هيحللو ده.. خلاص... ثم اهو حتي الشيوخ بقو يختروهم من الحزب... حاجة بقت تقرف..

وهما حملوه قطع عيش الناس دي بس؟؟ دول حمله كل المصايب الحصلت وهتحصل خلال الخمس سنين الجاية...
والبجاحة بقت سمة الحكومة...

نورتيني يافندم..
تحياتي

توفى يقول...

لو مبدأ تعيين ابناء العاملين فى الدوله مكان اهاليهم دى
تنفع تبقى من فريق ترزيه الدستور
ههههههههههههههههه
و فعلا بصراحه التساهل مع المتظاهرين فعلا هو اللى عشمهم فيهم و كبر المسائل

بوست تحفه و جميل قوى
و على فكره انا كمان معترضه معاك
وسعلى مكان جنبك على الرصيف بقى

سمع هوص (Abo 3li) يقول...

توفى

مش بعيد يفصلو مادة جديدة في الدستور علشان خاطره... رغم انه خلاص بقي علي مقاسه جدا جدا...

لو هتيجي جنبي علي الرصيف.. هاتي معاكي لب وسوداني... علشان منزهقش من الركنة...

صباحك توفي..

ستيتة حسب الله الحمش يقول...

هذا وقد وافق جلالته على المطلبين وقرر ميضربش المقال بالرصاص

اجيبلك العيش والحلاوة فين؟
اللحمة يابني مش مضمونة اسمع كلامي
يعني يرضيك اجيب لك لحمة حمير وسيادته بيقرأ البوست وانت واقف مستني تروح فين؟ :)

ارجع اقول زي الشريف النضيف عمرو اديب
"اهو
اهو
انت بتتكلم براحتك
واحنا في قمة عصر الحريات
بذمتك كنت تقدر تقول قبل كده كلمتين زي دول؟
بذذذذذذذذذذذذذمتك"

قول يا عواد
قول كمان
يا ترى مين سامع؟؟؟؟؟؟؟؟؟؟؟؟؟؟؟؟؟

سمع هوص (Abo 3li) يقول...

ستيتة حسب الله الحم

لا مليش دعوة .. انا عاوز لحمة... وال هيجبلي فراخ هزعله...

وعندك كل الحق... احنا بنعيش في اقصي حالات الحرية الفكرية التعبيرية القومية المهلبية... وكله زي الفل والافتري وحش....


منوراني يادكتورة
تحياتي

من كل بستان زهرة يقول...

لوسمحت يا أفندم
أتفضل معانا
انتم مين؟؟
أحنا أمن الدوله يا.........

وفي مقر أمن الدوله في مجاهل البلاد
صوت أبو علي يصرخ
لألألألألأ ...هو كله ضرب مفيش شتيمه


وبعد مرور عشر سنوات على أختفاء أبوعلي:
ياعيني والله ابوعلي ده كان والد طيب أوي

وفي النهايه بوجه لسيادتكم الرساله دي:

الى كل شاب وكل فتاة لا تنحرف
الأعتراض مش هيفيدك

سمع هوص (Abo 3li) يقول...

من كل بستان زهرة

ضرب لأ ضرب لأ.... انا بموووت في الشتيمة... ههههههههههه...

متأكدة ان الانحراف مش هيفدني؟؟؟ لو كده الحق نفسي!!
سيبيها علي الله...

صباحك سكر زيادة

انسان عادي يقول...

احم احم
سلامو عليكو

وانا كمان بعترض
بس بعترض علي اعتراضك
الريس حلو والحكومة زي الفل والبلد بخير
تلاقيك من بتوع المظاهرات وخايف علي روحك
ههههههههه

لا بجد كلامك حلو وقلت حاجات كتير غيظاني وفاقعة مرارتي
خصوصا حتة المنافقين دي بجد بقت حاجة تخنق
وبيغظني كمان المطربين العرب لما كل واحد ينزل مصر يومين يروح عامل اغنية لمصر ويتفن بعرض حبه لمصر
حاجة رخمة قوي لما يتاجر باسم مصر عشان يعمله شعبية

وعلي راي عمرو دياب
مش كل من غني وقال بحبها بيحبها

شكراااااااااااا

سمع هوص (Abo 3li) يقول...

انسان عادي

وانا قلت حاجة غير ان كله زي الفل... والحالة جووز اللوز!!
هههههههه

المشكلة انهم مش بيغنولها ... دول بيغنوو عليها...

نورتني ياباشا

تحياتي

sony2000 يقول...

بص ياعم الحاج
الكلام حلو ماشي
انا هندل واعمل نفسي مااعرفكشي
ولو جم سألوني تعرفي الاخ ده
هديها طناش ومااردش اساشا الا وانا بجري:))
ربنا يسترها عليييييييينا

سمع هوص (Abo 3li) يقول...

sony2000

صباح الندالة,,,,
ماشي ماشي... علي البيعة...
ههههههههههههه

منوراني

قلــ"بـــلال"ــــــب فارس يقول...

وانا معك فى الرساله هذه

سمع هوص (Abo 3li) يقول...

قلــ"بـــلال"ــــــب فارس

عدد المؤييدين زاد... كويس علشان نونس بعض في عربية الترحيلات...

اهلا بيك في اول زيارة... البلوج نوور...

تحياتي

فاتيما يقول...

يا سمع هوص

عاوز الحلاوة بالشكولاتة و لا بالبندق ؟!!!


يا بنى الإعتراض دا ف الهوا
بتكتب لمين بس ؟؟



عارف كل ما اقرى تدوينة أو مقالة فى جريدة مستقلة على هذا المنوال أفتكر إيه؟؟

مشهد لدون كيشوت و هوه بيحارب الطواحين متصورا إنها وحوش و قادر ينتصر عليها و يقهرها

مفيش فايدة يا بنى
لا حياة لمن تنادى


فيه حلاوة للفزدق شغالة برضو

عدانى العيب بقى

سمع هوص (Abo 3li) يقول...

فاتيما


اهو الواحد بينفس... بدل ميطق...
والواحد يحارب طواحين الهوا احسن ميقعد ساكت في مكانه... ويموت من الغيظ...

انا عاوز كل الانواع علشان لو القعدة طولت...

فتاه من الصعيد يقول...

وانا اعترض على اعتراضك .. حتى وان كان اعتراضك ليس اعتراض وانما نفي للاعتراض ... بس برضو اعتراض :D

كيف لمواطن من الشعب السعيد يعترض اصلا... الاكل اللي يتحط قدامك تاكله وانت ساكت

شعب نمرود صحيح

تحياتي

NeVeN يقول...

ايه دة
يابنى اهلك محتاجينك والتدوين محتاجك
مش عاوزين نقوم فى يوم وليلة منلاقيش ابو على وسطينا ونعمل مظاهرات ونقول رجعولنا ابوعلى ومش مهم اللحمة وفى الاخر يضربونا بالرصاص
بص احنا لو قولنا اد كدة عشرتاشر ومليون مرة محدش هيسمع ولو سمعو هيحطو قطن فى ودنهم كالعادة

ويبقا امرنا لربنا هو اللى سامع وشايف اللى بيحصلنا فى البلد دى من ظلم واهانة

صباحك عيش وحلاوة :)

سمع هوص (Abo 3li) يقول...

فتاه من الصعيد

حلو اوي الاعتراض من اجل الاعتراض ده... هههههههه... انا اعترض اذا انا موجود..

واعزري نمردتي... هوا البني ادم كده .. لما ربنا يفتحها عليه بيفتري...

نورتيني... تحياتي

سمع هوص (Abo 3li) يقول...

NeVeN

يستي ادينا بنبعبع... وبنجعر علي الفاضي... مش مهم يسمعونا...
المهم مننفجرش...


صباحك جميل ان شاء الله...

Ms Venus يقول...

ابوو على


بس انت اعترررض واحنا وراك هههههههههههههه



انا كمان اعترض واشجب واستنكر

وووو


ربنا يستر بقى

سمع هوص (Abo 3li) يقول...

Ms Venus

انا حاسس انك بتدبسيني؟؟ ههههههههههه...

ماشي ياستي هعترض... طالما انتو ورايا مش هخاف...

نورتيني

كيكى عوووووو يقول...

هفتقدك يابو على بجد!!!
لان صوتك واعتراضك فى بلدنا يعتبر من المحرمات
لكن لو كنت نزلت فى بوستك اى حاجات ولامؤاخذة كانوا خلوها مدونه الرئاسه
!!!!!
اسفة انى اقولك
استخبى اليويمن دولة ولو سمحت شيل كومنتى بسرررررررررررعه
الرب واحد والعمر واحد ياجدع

سمع هوص (Abo 3li) يقول...

كيكى عوووووو

يبقي تعالي زوريني ياكيكي... متنسنيش...
وماله ننزل ببوست لمؤخذة المرة الجاية... ههههههههههه

sweet angel يقول...

هههههههههههه

يخرب بيت النفاق الي الواحد عايش فيه يا جووووووودعان

بس والله انت انسان بسيط ياعم

اذا كانت هي دي بس اتعراضاتك

اااااااااااااه

اللقاء كان ناقصك النهارده

wasf_elahsas يقول...

اعترض يا خويا حد ماسكك
انت من حقك تعترض وهو من حقه يطنش
ديموقراطية
عادي

سمع هوص (Abo 3li) يقول...

sweet angel

هههههههه.. منا قلت مجبش اعترضاتي كلها مرة واحدة... علشان الواحد برضه يبقي حسيس.. هههههههههههه..

المهم انكم اتبسطووو

سمع هوص (Abo 3li) يقول...

wasf_elahsas

صح... يطنش احسن مايعمل حاجات تانية...
ولا انتو مستغنين عني؟؟!!

منورة..

كيكى عوووووو يقول...

انت فاكر اان لسة فى مرة تانيه!!
والله المواطن المصرى دة غلبان جداا
ان لله وان اليه راجعون

سمع هوص (Abo 3li) يقول...

كيكى عوووووو

يساتر؟؟ انتي بتفولي عليا؟؟؟
هيا دي اخرتها... هتبعيني زي مرسي؟؟
هههههههههههه

funky girl يقول...

انا كمان لعترض :)
بجد بوست حلو اوييييي
شكرا :)

Just waiting يقول...

هههههههههههههههههههههههههه
بص يا ابو على انت شكلك كدا هتروح في الوبا لا هتتقتل ولا هتدخل المعتقل
وانا اؤيدك اقولك انت بتنفخ في قربة مخرومة
وابقى قابلني في طابور العيش

سمع هوص (Abo 3li) يقول...

funky girl

شكرا ليكي انتي علي ذوقك..
ونورتيني باول زيارة.. ويارب متكونش الاخيرة...

تحياتي

سمع هوص (Abo 3li) يقول...

Just waiting

عيش؟؟ يعني ايه عيش؟؟؟
اااااااااااااااه... مش ده الكائن الاسطوري ال كنا بنكله زمان.... ياااااااااه فين ايامه...


بجد منوراني...

star in the sky يقول...

بما انى مش معتزلة التدوين نفسه

فمقدرتش امنع نفسى ان اجى اقرا التوبك لما لقيتك نزلت واحد جديد


انا ايضا يا سيادة الرئيس اعترض وبشدة

كمل يابنى وانا معاك مش صحوفية ولا انا قرطاس جوافة
متخافش هدافع عنك واكتب ف الجرايد واقوم الراى العام عشانك وههد الدنيا انت بس كمل فى الطريق ده ومتخاااااااااااااااااااااافش

هع هع هع هع هع هع هع هع

سمع هوص (Abo 3li) يقول...

star in the sky

بقي عاوزة تستغلي محنتي .... مكنش العشم... هههههههههههه....
طب تدفعي كام وتدفعي عني؟؟؟
لازم استغل الموقف بقي..

خواطر شابة يقول...

زارَ الرّئيسُ المؤتَمَـنْ
بعضَ ولاياتِ الوَطـنْ
وحينَ زارَ حَيَّنا
قالَ لنا :
هاتوا شكاواكـم بصِـدقٍ في العَلَـنْ
ولا تَخافـوا أَحَـداً..
فقَـدْ مضى ذاكَ الزّمَـنْ .
فقالَ صاحِـبي ( حَسَـنْ ) :
يا سيّـدي
أينَ الرّغيفُ والَلّبَـنْ ؟
وأينَ تأمينُ السّكَـنْ ؟
وأيـنَ توفيرُ المِهَـنْ ؟
وأينَ مَـنْ
يُوفّـرُ الدّواءَ للفقيرِ دونمـا ثَمَـنْ ؟
يا سـيّدي
لـمْ نَـرَ مِن ذلكَ شيئاً أبداً .
قالَ الرئيسُ في حَـزَنْ :
أحْـرَقَ ربّـي جَسَـدي
أَكُـلُّ هذا حاصِـلٌ في بَلَـدي ؟!
شُكراً على صِـدْقِكَ في تنبيهِنا يا وَلَـدي
سـوفَ ترى الخيرَ غَـداً .
**
وَبَعـْـدَ عـامٍ زارَنـا
ومَـرّةً ثانيَـةً قالَ لنا :
هاتـوا شكاواكُـمْ بِصـدْقٍ في العَلَـنْ
ولا تَخافـوا أحَـداً
فقـد مَضى ذاكَ الزّمَـنْ .
لم يَشتكِ النّاسُ !
فقُمتُ مُعْلِنـاً :
أينَ الرّغيفُ واللّبَـنْ ؟
وأينَ تأمينُ السّكَـنْ ؟
وأينَ توفيـرُ المِهَـنْ ؟
وأينَ مَـنْ
يوفِّـر الدّواءَ للفقيرِ دونمَا ثمَنْ ؟
مَعْـذِرَةً يا سيّـدي
.. وَأيـنَ صاحـبي ( حَسَـنْ ) ؟
أحمد مطر

star in the sky يقول...

يابنى صفى نيتك اللى بقيت اسود منقط بكحلى دى

بقى انا قصدى ادافع عنك واشهرك بقى ويشاور عليك يقول مش هو ده المعترض
وكنت هدافع عنك ويمكن اتاخد انا كمان فى الرجلين والايدين

وتقولى عاوزة استغل محنتك

لاااااااااااااااا

انا زحلاااااااااااااااانة

norahaty يقول...

(اتوقف عن الاستحمام
نهائيا لتوفير وترشيد
استهلاك الفرد من المياه
وسآكتفي بغسل وجهي يوم
الجمعة قبل الصلاة مباشرة فقط)
لأ معلش ياابو على الأ النقطة دى مقدرش عليها دا انا قربت
يقولولى ياسمكة من كتر حبى فى الميه!

سمع هوص (Abo 3li) يقول...

خواطر شابة

شكرا ليكي...

منوراني.. تحياتي..

سمع هوص (Abo 3li) يقول...

star in the sky

ههههههههههههههه
خلاص يستي... سماح النوبة دي...
ومتزعليش. وانا اجيبلك شيكولاتة..

سمع هوص (Abo 3li) يقول...

norahaty

فين الاحساس بالواجب الوطني.. والتضحية من اجل القضية القومية... ههههههههه...
خلاص هنعتبرك من اعداء الترشيد... وهنتهمك بالاسراف المائي... هههه

منوراني يادكتورة... صباح الفل

Ana keda يقول...

وانا كمان اعترض
وعبد الرحمن كمان بيعترض
شوفت اهو اصغر معترض فى التاريخ
شوفت بقى بلملك ناس اهو
والله عندك حق يابوعلى
بس لو روحت متجيبش سيرتى بقى
انا فى ناس عاوزانى

سمع هوص (Abo 3li) يقول...

Ana keda

ملكيش دعوة انتي بالموضوع ده يا أم بودا... انا خايف عليكي انتي وحزمبل... يعني هتبقي مبسوطة لما حلمووس يجي من هنا علي الحبس... ونسميه كراكون زي عادل امام؟... هههههههههه...

منوراني ياأم بيدو... ربنا يطمنا عليكي وعليه..

الشـوكة الــنـاعـمـة يقول...

بص انا بخاف من المواضيع دى
فااسمحلى اقول راى من تحت لتحت انا بقول ياحيطه دارينى
اعذرنى انا كبيره فى السن ومش اد المعلم
احسن يقطع عيشى ولا يرمينى فى الشارع
بس بامانه عاشت ايدك وانت جرىء فى الحق
ربنا يحفظك تقبل مرورى
اسفه على جبنى
تحياتى

فراشة يقول...

وانا كمان بعترض ياسلام بجد عندك حق ف كل نقطة قلتها

بس تفتكر حد هيقرا الكلام دا..هو صحيح ليه السيد الرئيس معندوش ايميل يديه للشعب الغلبان يمكن عايز يقوله كلمه سر ولا حاجه يمكن يوضع سره ف أغلب خلقه وحد يخترع حلول جميلة للمشكلات

ياسلام ..أهي احلام :)

عايشه لنفسي يقول...
أزال المؤلف هذا التعليق.
عايشه لنفسي يقول...

دسوس اه والله دسوس
خاين وعميل باين عليك

تصدق بمين السبب في كل ده قله الحشيش في البلد مبقاش متوفر لمحدودى الدخل يعنى موت وقله حشيش

شكلك يابوعلي مش حتلحق تخلف النبي حارسه وصاينه علي او تلمح امه اصلا

صحيح كنت هقفل قبل ما اسئلك ياخويا
تحب الحلاوة بالبندق ولا الشكولاته اه اصل الاكل في المنتجعات دا ليه مزاج تانى
وهبقي ازود علشان تعزم علي زمايلك وتنبسط في فسحه المعتقل

لالا بجد بعيد عن الهزار بوست تحفه بس يودى في داهيه بس البلد فيها حريه الرأي "قصدى سياسه هوهو بس متعضش "

حـــلـــم كــــان يقول...

انت من حقك تعترض وامن الدوله برده حقه يعترض فخاف ع نفسك بقا
بس انت عارف كل الحاجات دي كوم وحكايه النواب والرصاص دي كوم تاني خالص

سمع هوص (Abo 3li) يقول...

الشـوكة الــنـاعـمـة

كبيرة في السن؟!!! ههههههههههههههههههه...
انتي من ال بيكلو العيش بالجبن!!
ههههههه... يستي سيبيها علي الله...


منوراني بجد فعلا...
تحياتي..

سمع هوص (Abo 3li) يقول...

فراشة

والله انتي زي العسل يامني... الريس يعمل ميل... وفيس بووك... والاعتراضات تبقي ظيطة... هههههههههههههه...

منوراني يامون مون...

سمع هوص (Abo 3li) يقول...

عايشه لنفسي

اسكتي... مش ازمة الحشيش الحمدلله اتحلت.. كانت فترة سودا وعدت... والفضل يرجع للمخلصين ال الشعب مهنش عليهم...

ومش لازم اشوف ام علي.. كفاية بكلها...

بصي هاتي كل الانواع... حتي التغيير حلو... بس متنسيش كانزات البيبس علشان الفسحة البتقولي عليها... ههههههههههه..

تصبحي علي خير

سمع هوص (Abo 3li) يقول...

حـــلـــم كــــان

اهو الحزب هيضحي بيه ... خرووف الفدا علشان يلمعو صورتهم...

البلوج نووور ... شرفتيني ونورتيني...

elmasryeffendi يقول...

كانك قلت اللى فى نفسى بالظبط و اكثر ، مقالة اكثر من رائعة و التعليق المتواضع عليها لا يليق بروعتها

تحياتى لقلمك و عقلك المستنير

القمرالباكي يقول...

السلام عليكم ورحمه الله وبركاته

صباح الخير
بص انا رائي المتواضع ان العيب فينا
احنا الي سامحين لنفسنا اننا نزيد وعيزين نعيش ونتعامل زي البني ادمين ده افتري
وبنطالب بحاجات لا تجوز ابدا
وياحرام كتر خيرهم انهم مستحملينا
هما بيحاولو يسعدونا وبيعيشو تقشف عشانا واحنا مش مقدرين دول طبعا المسؤلين الي بيحبونا
ومن موضوعك بقول للشباب متقلقوش السعد جاي ههههههه والوظايف بالهبل وهيوزعو ع رغيف العيش شقه اصبرو بس المرحله الجايه هتشوفو بعينكم

وانا معاك فكل كلامك واؤيدك
دومت بخير

القمرالباكي يقول...

اه معلش ياابو علي هقولك ع حاجه سر هما مش هياخدو الشقه الي بتتوزع مع رغيف العيش لانهم مش هيلقو الرغيف ده اصلا ربنا يسترها
الحزب هو الي بلغني السر ده بس متقولش لحد وهيدوني قصاد الكتمان فيلا في مارينا

سمع هوص (Abo 3li) يقول...

elmasryeffendi

افتكر ده لسان حال كل واحد فينا..
شكرا لتعليقك... ولذوقك...

تحياتي

سمع هوص (Abo 3li) يقول...

القمرالباكي

وعليكم السلام ورحمة الله وبركاته..

طبعا العيب فينا.. احنا شعب كخة اصلا...
كتر خيرهم انهم صابرين علينا ومسافرووش بلاد بره يشوفلهم شعب دمه خفيف ولطيف... ههههههههه..

يبقي خديني معاكي مارينا... متنسنيش...

منوراني...

Silver Eyes يقول...

انا اعترض
واشجب
واندد
وادين
و
و
مساء الفل :)

ايه يا ابو على .. انت قررت تضحى بنفسك عشان الشعب يعيش ولا ايه D:

دا فعلا لسان حال الشعب كلو
بس نو واااى

تحياتى :)

sweet angel يقول...

انا جايه لغايه عندك

اسلم عليك

وعاوزاك تدعيلي بقى

سلااااااااااااااااااااااام

سمع هوص (Abo 3li) يقول...

Silver Eyes

لو ضامن اني لو ضحيت هيعيش... انا مستعد..

وبلاش تشاؤم الله يرضي عنك... تعالي نجرب نتفائل يمكن منكتئبش....


منوراني ياقمر...
تحياتي

سمع هوص (Abo 3li) يقول...

sweet angel

الله يسلمك يامروة... بس انتي محددتيش ادعيلك بأيه؟؟؟

عموما ربنا يكرمك ويحققلك ال انتي عاوزاه....


سلاااااااااااااااام كبير...

شفـقــة و إحســــان يقول...

لا يا عم الرسالة دى تودى فى داهية وبصراحة الجرى نص الجدعنة وعلشان كده هنجرى
هههههههههههههههههههه
بس كلمتين كده على الماشى انت عندك حق فى كل اعتراض
بس تفتكر هل من مجيب ولا الرسالة هترجع وهيقولك لم يستدل عليه؟؟
تحياتى

سمع هوص (Abo 3li) يقول...

شفـقــة و إحســــان

لم يستدل؟؟؟
ده العنوان سهل خااااالص... ورا محطة البنزين....
وبلاش ندالة بقي عاوز وحوووووش ورايا.... علشان يصوتو عليا.... هههههههههههههه...

البلوج نوووووووووور... تحياتي

MONTY يقول...

انت صححححححححححح جدا وفى حجات كتييييييير اوى كلنا معترضين عليها ولو كل واحد كتي للريس هنلا ان شكاوينا واعتراضاتنا واحده
بس هه تقول لمين ومين يسمع
اتمنى من الله ولا يكتر على الله ان كلامك ده يوصل ولو انه مش غريب ع الريس وقراه قبل كده كتيييييير اوى
احييك على اعتراضك واضم صوتى لصوتك .واهو لو متحلتش لينا سيدنا الحسين اللى مبيقفلش بابه ف وش حد.

سمع هوص (Abo 3li) يقول...

MONTY

شكرا لمرورك وكلامك ومسانتدتك النفسية...

منوراني...
تحياتي

بت خيخة وأي كلام يقول...

ابو على
انا جاية اوصل امانة

ابن حجر العسقلانى ساب تعليق فيه على تعليقك الاخير عندى وطلب منى انى اقولك تقراه علشان الفائدة تعم


وانا جيت اوصل الامانة


سلام يا جميل
اختك خيخة

مريم مر العمراوى يقول...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل