السبت، 6 فبراير 2010

خالد يوسف... لما تبقي.. فنان.. وزكي.. وسافل


انا اعترف ان خالد يوسف مخرج عنده مخ..

بيعرف يفكر..

وبيعرف يوصل الهوا عاوزوووو بطريقته...

من الاخر اعترف انه فنان...

بس

سافل...

مبيحترمش تقاليدنا.. ولا عادتنا... او علي الاقل بيوصل رسالته ديما بطريقة شاذة.. بالنسبة لينا كامصريين او عرب اوشرقيين او مسلمين....

تركيزه علي فكرة الشره الجنسي.. كتير بتخلي افلامه مثيرة للقرف...

فيلم كلمني شكرا... طبعا اول مشوفت اعلانته قررت ادخله... رغم اني بصراحة مبحبش الافلام العربي اوي...

المهم اني دخلت الفيلم ده بسبب كذا حاجة..

اولا: اني معترف ان خالد يوسف- بكل عيوبه- مخرج زكي و فنان...

ثانيا: اعلان الفيلم جرئ جدا (سافل)... وانا زي زاي اي شب مصري بحب السفالة... (احم احم)...

ثالثا: كنت مكتئب انا واصحابي ... ولقيناه فيلم كوميدي... قلنا ميضرش...

ال لفت نظري بقي في الفيلم ده حاجة تانية خااااااااااااااااااااااااااااااااااااااالص... غير بذاءة عمرو عبدالجليل... وغير قمصان نوم غادة عبدالرازق... ولا حتي الشيخ البايظ...

ال لفت انتباهي... ان الفيلم ده انا شايف انه صفقة...

ايوة صفقة بين خالد يوسف ... والرقابة المصرية (معلومة: الرقابة معترضتش علي اي مشهد او جملة او كلمة من احداث الفيلم)...

الصفقة ان الرقابة تعدي الفيلم بكل (الأباحة) الفيه..... قصاد رشوة قدمها خالد يوسف للدولة...

الرشوة كانت انه لأول مرة في افلامه يطلع كل رجال الشرطة في منتهي الرجولة والاخلاص والعطف علي الموااطنين والتفهم والحنان والتعاون والجمال والحلاوة..... واسمع سلام مصر هيا مامتي... ورقصني ياجدع.....

الاغرب انه طلع البوليس المصري كمان مظلومين... والناس هيا البتفتري عليهم!!!!!

وده كان غريب جدا ومريب جدا جدا جدا... من واحد زي خالد يوسف.. ديما بيطلع الشرطة وجهها القبيح (زي شخصية حاتم ففيلم هي فوضي.. ال اخرجه مع استاذه)...

تقريبا هيا دي الصفقة: اباحة وسفالة برحتك (علشان الفيلم يكسب فلوس) قصاد انك طلعت الشرطة ملايكة وكان شوية وهيطلعلهم ريش ويطيرو...

في النهاية.... الفيلم مش حلو اوي... ومش بيضحك اوي... البيضحك في الفيلم انه

اول مرة نشوف الاباحة بتاعت الشارع علي الشاشة بالمنظر ده.....

هناك 11 تعليقًا:

شاب فقرى يقول...

ازيك عامل ايه
يارب تكون بخير
الزيارة الاولى
مبسوط انك بتحب اللينوكس
انا على فكرة سيستم ادمن فى اللينوكس وبدرس شبكات وشغال فى السيرفرات والمواقع على قدى كدا
بالنسبة لخالد يوسف
بما انى مشفتش الفيلم فمش هقدر احكى ولا اعلق
لكن اول ما اشوف اكيد هقول الحق
لان الاراء ممكن تختلف احيانا
لو خالد يوسف فعلا عمل كدا
يبقى ميستاهلش يبقى فنان اساسا
وعلى فكرة برده
مش كل رجال الشرطة زبالة
انا اعرف ناس كويسة جدا ووقعت فى مواقف بتقول ان الكيان كله مش فاسد
اكيد كل مجال فيه الحلو والوحش
زى الشغل فى النت
فيه نصابين وفيه ولاد حلال وبيشتغلوا بما يرضى الله
بس كدا
خالص تحياتى واحترامى لك
على فكرة الوندوز اللى معايه دا انا شاريه :)
وكنت شغال بفيدورا اتناشر فترة لا بأس بها :)
دمت بكل ود يا صديقى
ابقى جرب سلاكوير وقولى رايك
فقرى :)

سمع هوص (Abo 3li) يقول...

فقري
نورتني...
اه وربنا نورتني...
زيارتك شرف... ويرب متكونش الاخيرة..

اولا بالنسبة لعم خالد يوسف... ربنا يديلو علي قد نيته...

ثانيا بالنسبة للشرطة... انا اكيد مقصدتش انهم كلهم زبالة.. انا ليا اصحاب منهم محترمين جدا... انا بس قصدت الفئة الضالة منهم (حلوة اللغة العربية دي)..

ثالثا اكيد كلامي ال في البوست الفات مش موجه للناس ال بتشتري الاصلي.. او بتستخدم اوبن سورس سوليوشز..

رابعا ليا عتاب عليك... لينكس ادمن ومعاك ويندز.. يراجل دنتا المفروض من الد اعدائهم..

خامسا: مفيش خامسا
سادسا: كل تحياتي واحترامي وتقديري ... ويشرفني صداقتك...

أبو العريف يقول...

ازيك يا ابوعلي

دي طيعا الزياره الاولي

واكيد مش الاخيره ان شاء الله

علي فكره

عجبتني دماغك قوي

وهبقي اقولك ليه بعدين

تحياتي

الشعب لابد له من حكومه تشكمه يقول...

امممممممممممممممممم والله انا مش بحب خالد يوسف اصلا واى فيلم ليه مش بحاول ادخله اصلا لانى متوقعه هيكون فيه ايه,
دا بيعتبر قلة الادب فن وبيعتبر الانحلال ابداع وبيعتبر السوداويه واقعيه.

والاعلان بتاع الفيلم كفيل انه ميخلنيش ادخله,
حيث انك بتدخله من شباب اصحابك,
انا لما احب ادخل سينما بدخلها مع اخويا:)فتخيل المنظر:)

سمع هوص (Abo 3li) يقول...

ابو العريف
نورتني بزيارتك الاولي ويارب متكونش الاخيرة

وبالنسبة لدماغي لو عجباك انا ممكن اسلفهالك شوية... بس ترجعها تاني.. اااه... ههههههههه

خمسة جد: الله يكرمك ومستني (بعدين) لما يجي علشان اعرف ليه..

نورتني وتحياتي

سمع هوص (Abo 3li) يقول...

الشعب لابد له من حكومة تشكمه

لا بجد البلوج نور... والليلة عيد..
معاكي حق الاعلان فعلا كفيل بانه يمنع اي بنت -عاوزة تحترم نفسها- من انها تدخله...
ومتخيل المنظر فعلا وانتي بتتفرجي مع اخوكي.. هيروح قايم وشادك من دراعك ويقولك يلا بينا من هنا افلام مسخرة وقلة ادب.. هعهعههعهعهعه

وانا قلت فوق جملة "ثانيا: اعلان الفيلم جرئ جدا (سافل)... وانا زي زاي اي شب مصري بحب السفالة... (احم احم).." وده يأكد وجهة نظرك...

تحياتي

سمع هوص (Abo 3li) يقول...

نورتيني يا شيما

شاب فقرى يقول...

انا سعيد بانك دخلت التدوين
واكيد مش هتبقى الزيارة الاخيرة
متنساش
المصلحة فى الشغل فوق اى حاجة
فوق حبى للينوكس وكرهى للويندوز
وكمان انا شارى نسخة ويندوز
بزمتك اسيب بيل جيتس يتهنى بتمنها كدا
مش لازم استعملها وافرسه ؟
فى فيرتيوال ماشين لينوكس
لا تقلق :)
:)
ولا ايه يا صديقى ؟
تحياتى على ردك واهتمامك :)
صباح الهنا والورد
فقرى

سمع هوص (Abo 3li) يقول...

-انا اسعد... بس هي عودة مش بداية..
-وانا مستني منك زيارات اكتر ان شاء الله..
-لا عندك حق فعلا لازم تفرس الحرامي ده ال اسمه بيل جيتس .. دنتا دافع فلوس يا راجل.. اينعم في سلعة متستهلش... بس فلوس واتدفعت... وربنا يخلي الفيرتوول .. هههههههه

صباحك انت ال زي الفل ... ياصديقي..

وصف الاحساس يقول...

هممممم بعترف معاك ان خالد يوسف مخرج فنان وزكي بجد
وفلا سافل
وعشان سيادتك زي كل السباب المصري احم ..احم سافل فلازم واحد زي خالد يوسف ينجح
اولا هما عرفو يوصلو
وسابوه يلعب علي الوتر الحساس في مصر تدمر الشاب بانك تخليه سافل
وهو الصراحة بارع في كدة
والشباب بصراحة شهدولو بالتلاته انه بارع
وعشان انتو محتاجين سفاله
هو عمره ما هيبطل ابداع
وهما عمرهم ما هيقولولو لا ستوب تيجي هنا وكت
امبوسيبل
سوري اذا كان ردي جارح
بس الموضوع استفزني
تحياتي

سمع هوص (Abo 3li) يقول...

اولا.. فيه فرق كبير .. بين اني اقول "اني زي زي كل الشباب بحب السفالة" وبين اني اقول "اني سافل"... بتهيألي قصدي وصلك...

ثانيا..
"والشباب بصراحة شهدولو بالتلاته انه بارع
وعشان انتو محتاجين سفاله
هو عمره ما هيبطل ابداع "
فيه افلام كتير بتكلم في مواضيع اكثر جراءة واكثر "سفالة" ونفس الشباب مش بيخلي الافلام دي تنجح... علشان كده انا قلت ان خالد يوسف فعلا فنان- بس سافل- وهتلاقي مقال علي موقع مصراوي اسمه "أحاسيس .. ليس بالجنس وحده تنجح الأفلام" بيتكلم عن نفس الفكرة...

ثالثا... يستي منغير سوري انا بقي مش من السهل استفزازي... وفرحان ان الموضوع استفزك )وش بيطلع لسانه( ...هههههههههه

نورتيني