.jpg)
النهاردة كنت في السجؤ المدني.. بجدد البطاقة... مش عارف هيا بتتجدد ليه... غير ان الحكومة مزنوقة في الخماشاشر جنيه... والله لو عليا يخدو تلاتين وانا مسامح بس مش طالبة مشاوير حكومية خاااالص...
وانا بطبعي بكره المصالح الحكومية كره العمي.... فكنت مكسل اجددها..
وبما اني كسائر اهل مصر... مش بنتحرك غير لما نتزنق... فمحولتش اجددها غير لما اتزنقت في مصلحة مع البنك... ومينفعش اتعامل بالبطاقة منتهية الصلاحية... لانها خطر علي صحة المواطن المصري...
المهم اني روحت للمرة التانية بعد مروحت السبت الفات.... ورجعوني بسبب تلكيكة كده في جواب التأمينات...
بس المرة دي دورتلي علي كوسة علشان مش ناقصة تلاكيك موظفين الحكومة... وروتينهم اليفقع بجد...
المهم اني خلصت المصلحة بالكوسة ... رغم ان الورق كله كامل وسليم ومليان اختام وكل ال نفسهم فيه.. منا كنت مستعد لكل التلاكيك بعد المرة الفاتت... بس برضو الموظفين دول مبيسلكوش... الموظفة كانت هترجعني تاني علشان سبب اهيف من المرة الفاتت... بس الكوسة حلت الموضوع...
انا مش جاي النهاردة اكلمك علي الكوسة... لاني بعتبر الحصل ده مش كوسة.. لأني مأخدتش حق حد.. ولا خالفت القانون... كل العملتو.. اني حننت قلب الموظفين عليا... علشان ينجزو... ويعملو شغلهم منغير تلاكيك وقرف مقصود وغير مبرر للمواطن المسكين ال هوا انا...
انا النهاردة هكلمك عن اكتر فئات من الشعب المصري بكرهها... طبعا انا مش بتكلم عن العموم.. انا هتكلم عن الغالبية...
اكتر فئة بكرهها ومش بطيقهم... وبادعي ربنا يريحنا منهم...
تا
تا
تا
تا
يتربع علي الصدارة وبلا منافسة:
السواقين..
طبعا علي اختلاف انوعهم بتختلف درجة السواد ال في قلبي ناحيتهم..
يعني مثلا سواقين الميكروباص هم اسوء انواع السواقين علي الاطلاق... واكترهم سفالة... وقلة زوق في السواقة... والتعامل مع الركاب... ومعظمهم شمامين وبلطجية...
انا مرة قريت تقرير بيقول ان السفارة الامريكية طابعة منشور للسياح الامريكان البيجو مصر بتحزرهم من التعامل مع سواقين الميكروباص ...
يجي بعد سواقين الميكروباص في مستوي الغتاتة والانحطاط الاخلاقي... سواقين الجمعية... ميني باصات الجمعية... ايه مش عارفنها؟؟؟ دي اكتر من الهم علي القلب...
اتفرج كده علي اتنين منهم وهما بيسابقو بعض في شارع الهرم... يجمالهم يجمالهم... ده غير ان العربيات بتاعت الجمعية دي غير صالحة للاستخدام الادمي.. وسعتها المفروض تقريبا 28 بني ادم... بس في الغالب بيركب فيها مبين 48 ل 55 ... وطبعا الصبي ميفرقش حاجة عن الاسطي بتاعه غير انه لسه تلموز صغير.. بيتعلم الشقاوة والدناوة من السواق..
اما بقي سواقين التاكسي... فهم اصحاب نظرية فلسفية فريدة من نوعها...
النظرية في انهم مقتنعين... ان اي حد ركب التاكسي... يبقي معاه فلوس وبيتنك علي الموصلات العامة... ودي خطيئة من الخطايا السبعة ولازم يتعاقب عليها.... ويدفع ضعف الاجرة تلت مرات..علشان يتعظ ويبطل قلاطة...
بس الحمدلله التاكسي الجديد ابو عداد.. ريحنا شوية.. اينعم اغلي... بس مريح... بيريح من المناهدة والطمع بتاع السوقين... اينعم برضو الواحد مبيسلمش من رغيهم وشكوتهم الدائمة من كل حاجة وقرفهم من الزباين والسواقين الحواليهم... يخليك تنزل من التاكسي شايل همه فوق همك... وقرفه من الدنيا فوق قرفك...
المهند....
نيجي بقي لاصحاب المركز التاني...
وبفارق بسيط عن الصدارة:
امناء الشرطة
سبحان الله ... ربنا بيهلك الظالمين بالظالمين فعلا...
ومسلط اغتت خلقه علي اسواءهم..
اسباب كرهي لامناء الشرطة... خالد يوسف وابوه الفني يوسف شاهين لخصوها في فيلم "هي فوضي"... بشخصية حاتم...
لان امين الشرطة من دول طالما علق الشريطتين بقي فاكر نفسه الحاكم بأمره... وماشي يغلس علي كل الناس...
وبقي عامل زي البلطجية... لازم ياخد اتاوة...
او رشوة... علي حسب...
وبفرح فيهم اوي... لما تلاقي حد "ليه قرايب مهمين" مرمط بكرامتهم الارض في وسط الشارع...
طبعا اصحاب المركز الثالث هما :
موظفين الحكومة
ودول اتكلمت عنهم فوق... مش هرغي تاني يعني...
وزي مقولت في الاول... انا مش بعمم... انا بتكلم علي الغالبية العظمي... يعني اكيد انا قبلت موظفين حكومة متساهلين.. وعاوزين يشتغلو مش بيتدلعو.. وعاوزين يخنقو الناس.. وبيعملوهم اكنهم بيحنو عليهم وبيعطفو عليهم بتأديتهم لمهامهم الوظيفية...
وسواقين اولاد ناس بجد ومحترمين..... مش ولاد تييييييييت....
بس بصراحة امناء الشرطة مشفتش منهم حد عدل....
المهم... انا عاوز منكم .. تقولولي انتو بتكرهووو مين ؟؟ وليه؟؟؟
___________________________________
تحديث:انا مقصدش مشاعر الكره للشخص بعينه.. ان اقصد اعتراض علي تصرفات.. وكره اخلاقيات وسلوكيات معينة لطائفة ما... بس مش معني كده اني عاوز اقتلهم كأشخاص مثلا... بس خلاص
___________________________________
تحديث:انا مقصدش مشاعر الكره للشخص بعينه.. ان اقصد اعتراض علي تصرفات.. وكره اخلاقيات وسلوكيات معينة لطائفة ما... بس مش معني كده اني عاوز اقتلهم كأشخاص مثلا... بس خلاص
هناك 72 تعليقًا:
تحية طيبة وبعد
انتو بتكرهووو مين ؟؟ وليه؟؟؟ السؤال كبير وممكن الواحد يعدد فيه ناس ومهم كثر لكن انا سأحكي الان عن نوع واحد هم حراس السيارت انت تركن في الشارع متشفلوش أثر ولو حبيت تخرج بعربيتك وكنت مثلا مزنوق بين عربيات ومحتاج اللي يقف معاك لحد متخرج مش حتلاقي له اثر بس اول ميكون كل شئ تمام وخلاص حتمشي تلاقيه خرج من العدم ويقولك أجرة الركن.
سعيدة بالتعرف على مدونتك وان شاء الله يدوم التواصل
اكدب لو قلت انى باكره حد
مش عارفه ارد على البوست
لان حتى السواقين
اللى ممكن اكرهم بس ارجع واقول ظروفهم والحياة
والناس اللى بيتعاملوا معاهم
اجبروهم ان يكون سلوطكهم كده
فى دوافع لكل شخص انه ينحرف عن فطرته
تحياتى
انا بكرررررررررررره اسرااااااااائيل :D
للاسف مش بكره فئة من فئات الشعب المصري الغلبان المطحون
الا الحكومة الفاسدة .. وقبلها بكره اسرائيل :]
خواطر شابة
"تعــالي"
"تعالــــي.."
"تــعــالـــي......"
بووووووم دش..
"بس خلاص ياانسة كده الركنة تمام"..
طبعا فهماني...هههههههههه..
المشكلة الاكبر ان السايس بيعتبر الفلوس دي حقه المشروع.. وان الرصيف ده ميراث عن جده... ومش لازم يساعدك في الركنة او الطالعة.. المهم انك ركنتي جمب الرصيف بتاعه.. وبكده لازم ياخد المعلوم..
ويسلام بقي لو طلعلك اول مركنتي.. وانتي طنشتيه... هترجعي تلاقي العربية متشلفطة..
وانا اسعد بالتعرف عليكي.. وعلي مدونتك الشيك..
ويرب يدوم التواصل فعلا..
نورتيني .. تحياتي
emymony
ياااااااااه.. انتي طيبة اوي كده ليه؟؟ ههههههههههه..
صدقيني مينفعش ندي عزر لحد بيتصرف غلط... يعني الفقر مش مبرر للحرامي انه يسرق.. ولا ايه؟؟
انا متفق معاكي ان مش دي الفطرة... والظروف هيا الغيرت كتيير فينا..
بس برضو مينفعش نسكت.. ونقول مش بأديهم..
الاختلافي في الرأي لا يفسد الزيارة الحلوة دي...ههههه..
شرفتي البلوج بزيارتك يافندم...
تحياتي
A32L MaGNoNa
لا بصي اسرائيل او الحكومة كرههم من المسلمات..
يعني دي الفطرة السليمة للانسان المصري..
انه يكره الاتنين دوول..
المشكلة ان الشعب الغلبان ده.. ساعات بيجي علي بعضه.. يعني مش مكفيه ظلم الحكومة.. لا وكمان الغلابة بيظلمو بعض...
علي فكرة انا بحب كل المصريين جداااااااااااااااااا..
ومش معني البوست بتاعي اني فعلا بكره الفئة دي..
انا قصدت اني بكره تصرفات الغالبية العظمي منهم...
تحياتي ياعاقلة (;
بص بقي
مهما غتت حد من الشعب المصري فانا مجرباهم
بس بجد موش بكره حد منهم
ولا الحكومه بتاعتنا حتي...تصدق دي
اللي بكره فعلا هي اسرائيل وبس
تقبل مروري وتحياتي
نا بالاضافة للي انت ذكرتهم مع ان بالنسبالي الموضوع مش مستفحل في الـ 3 فئات قد كدة لأن والحمد لله الحال عندنا مش زي القاهرة بيني وبينك العيشة في القاهرة تقصر العمر
اللي بيضايقوني قوي بقى ويحرقوا دمي هما المتسولين اللي بقوا عاملين زي حب الشباب في وش مصر
منظر مقزز وياريتهم محتاجين لأ دول ناس مقرفة ونفوسها ضعيفة وبيشوهوا صورة مصرة بطريقة تقرف
sony2000
ولا الحكومة حتي؟؟؟؟؟؟؟؟؟؟ غريبة؟؟؟
ده محدش جايبنا ورا غيرهم..
ياسوني.. انا مقصدتش بالكره الكراهية الشخصية... انا قصدت كراهية التصرفات ال مش سليمة..
نورتيني .. تحياتي
E73
بصراحة عندك حق.. العيشة في القاهرة تقصر العمر.. وخصوصا لل جرب عيشة الهدوء والراحة في الاكاليم- زي مبيقولو- زي حالاتي... لحد مقادته الظروف لقاهرة المعز...
الشحاتين... فعلا... بقو ورم.. تعرفي اني فعلا المحتاجين ال بجد مبيقولوش... سبحان الله.. بتكون عندهم عزة نفس..
لكن البيسرحو في الشوارع دول... واخدنها مهنة وحرفة...
ربنا يهدي الجميع..
تحياتي
بنكره ناس كتير
او بالاصح وظايف
بتخلى أصحابها فاكريين
انهم بقوا اسياد الدنيا
الموظف اللى فاكر بقى
الحاكم بأمره
امين الشرطة اللى مفروض
حاميها لكن بقى.....
انت فاهم طبعا ..
واللى واللى واللى
لكن فعلا بقولك السواقين
الله يكون بعونهم على السواقة
فى شواراعنا وتعاملهم مع الجمهور ومع السلطة الظروف والبيئة والمحيطين بيهم بتجبرهم على كده.
اما التاكسى الابيض
ابو عداد ياعينى عليه
ربنا يخليه يارب انقذنى
الحمد لله أشكرك يارب.
norahaty
بتجبرهم انهم ماشين يسبو ويلعنو في كل ال حواليهم... ويعاملو الناس بقرف.. ويفترو علي الناس الكبار في السن.. او يضياقو الستات .... بصراحة مش لاقيلهم عذر زيك يادكتورة...
انتي كمان من انصار التاكسي الابيض ابو عداد..
انا قريت كمان ان فيه تاكسي جديد بونه بينك هتسوقو ستات.. وهيبقي بالطلب..
تحياتي....
انا بقه مكرهش حد خالص مهما عمل
لان الكره مش هايفدنى بحاجه
بما انى قايمة المدونات راحت منى فى القالب الجديد
فمش بعرف لما المدونات تنزل بوست جديد
ودخلت بتاعتك اشوف لو فيها بوست جديد
وياااااااااااااااااريتنى ما لاقيت
اصل هموت واقراه بس معايا بحث هخله وانزل محاضرة
اهىء اهىء اهىء ارحمنى يارب من الجامعة
بجد هموت واكمله الله يسامحك تنزل بوست ليه مش تشوف لو فاضية اقراه ولا اقولك انا الغلطانة اللى دخلت اصلا وانا مش فاضية
لا تصدق كمان بعد ما كتبت التعليك ده اكتشتفت ان لو كنت قريته كنت خلصت اسرع ههههههههههههههههههه
وعرفت ليه معملتش البحث اللى كان المفروض يتسلم الاسبوع اللى فات لانى بستهبل ومش عاوزة اعمله
عشان تيجى على دماغى فى الاخر
سنعود بعد ساعات كتير على ما ربنا يفرجها وارجع من المحاضرة
eman mohamed
طيب بلاش بتكرهي مين....
نخليها.. مين ال تصرفاته مش بتعجبك ... ونفسك يتغيروو؟؟؟
صباحك جميل يا ايمان
star in the sky
"
بما انى قايمة المدونات راحت منى فى القالب الجديد
فمش بعرف لما المدونات تنزل بوست جديد
"
وليه يبنتي العذاب ده.. مترجعيها تاني... ولا ادخلي عليهم من ال "Home" ..
"الله يسامحك تنزل بوست ليه مش تشوف لو فاضية اقرا" .... هههههههه... انتي الغلطانة ... مقولتليش علي جدول مواعيدك النهاردة!! هههههههه
طيب بحث عن ايه؟؟... يمكن اساعدك..
تصدقي فعلا كان زمانك قريتيه... انتي مشكلة.. هههههههههه...
وترجعي من الجامعة بالسلامة... مستنيكي...
سلام ياسمية
انت قلت كل النماذج اللي بنكرهها
فعلا من افعالها مش كاشخاص
انا باكره كل عامل بيطلع لك حاجة او يشيلك شنطة او يمسحلك العربية وهي لسة مغسولة ويقولك كل سنة وانت طيب
حتى لو مكانش في مناسبة غير نكسة 56
ولازم طبعا انت عارف انه لازق والمادة الوحيدة لفك اللزق هي (المادة) يعني الفلوس
لكن ساعات بنقول الدنيا هي السبب
وظروف البلد
هي اللي وصلت كل النماذج دية لكده
لو انسان بيقبض فلوس تخليه يعيش عيشة كريمة اكيد مش هنشوف شخص بيزل نفسه الا اللي نفسه اصلا دنيئة اكيد هيكونو قلة
تحياتي واسفة اني طولت
فكرة من الزمن ده
"انت قلت كل النماذج اللي بنكرهها
فعلا من افعالها مش كاشخاص"
ايوووون.... الله يفتح عليكي... "من افعالها مش كاشخاص"....
"كل سنة وانت طيب"... قد ايه بقت كلمة تلمة فعلا من ناس معينة بتستخدمها عند طلب أتاوة في الشارع... او رشوة في مصلحة حكومية...
ويافندم انتي تطولي برحتك... ثم انتي اصلا متطولتيش ولا حاجة... يأما انا بقي الرغاي... هههههه..
شرفتيني.. ونورتيني ...
تحياتي
جيييييييييييييييييييييييييييت
اخيرا جيت من الجامعة اللعينة دى وخلصت محاضرة الدكتور الغتت اللى كرهنى الجامعة والكلية
البحث اصلا انا مش فاهمة هو عن ايه بس لان الدكتور متاااااااااااااااااااااكدة انه مش هيقرا فانا عشت حياتى يا معلم
هو كان عن مركز المعلومات الصحفية حاجة كده زى الارشيف الصحفى
الحمد لله صعوبت عليك ايوة بقى قووووووووووووولى ازاى ارجعها تانى او اجيبها من الهوم احسن حضرتى ذكاء خارق وفهم ملوش حدود
يص كفاية كده من الصبح برغى احسن الكومنت هيشتكينى هكتب كومنت تانى
يص بقى بصراحة انا بحتقر بتوع الشرطة والجيش والحربية والنيابة والقضاء والجماعة دول لان اغلبهم عمره ما سمع عن حاجة اسمها احترم البنى ادم حتى لو كان قتل او هبب اى حاجة ولا يعرفوا الرحمة ولا العدل ولا اى حاجة من الحاجات الانسانية دى وبيعاملوهم بمنتهى الاهانة وقلة الادب ده غير الافترى على خلق الله من غير سبب دايما
وبصراحة لما بلاقى حد من قرايبى تبع الناس دول ببقى مش عارفة هو كده كويس ووحش هناك ولا هو من الناس الكويسة على طول ولا بيتهيالى انه حلو
بس يمكن جو العمل عندهم والكلية والحاجات دى هى اللى بتلق عندهم الحاجات دى وبتعودهم على كده وبتقنعنهم ان ده الصح وان ده اللى المفروض يتعمل واحيانا بيكون عليهم مسئوليات كبيرة وكتيرة بتجبرهم على كده مع ان ده برده مش مبرر
مع ان عارفة كويس بحكم دراستى خصوصا انى اعلام ففاهمة كويس ان الاعلام هو المسئول عن الفكرة دى اللى بناخدها عن اى فئة عامة انا متعاملتش مع اى حد من الفئة دى بس الاعلام يقدر يخليك تحترم وتحب وتكره بكل بساطة الفكرة فى الافكار اللى بتنشرها لك وبتقدر تقنعك بيها بطريقتها
اما السواقين في منهم قليل ادب ومش متربى وفى منهم محترم اووى وبتبقى له مواقف تحسس انك لسة بنى ادم من قريب لاقيت سواق الميكروباص شكله اصلا عصبى والجو كان حر موووووت المهم عك مع ست وقعد يزعق ويشتم وكان نزال شكله هيضربها ازاى الله اعلم
اما بخصوص الموظفين الحكومين بصراحة لسة متعاملتش معاهم اوى والفترة الاخيرة اللى بدات خاصة انى لسة اولى جامعة
بس اللى اتعاملت معاهم لاحظت انهم مش فاهمين حاجة يعنى كل واحد يقولك حاجة ويوديك لحد تانى والتانى ده يرجعك للراجل الاولانى روتينين بشكل ممل اووووى
ده بخصوص الجماعة اللى انت اتكلمت عليهم
انما انا بقى زى ما قولت فئة الشرطة والنيابة والجيش والجماعة دول اصلا بحتقرهم او بمعنى اصح بحتقر اللى مش كويس منهم مش بكره بس
تانى فئة دكاترة الجامعة اللى فاكرين نفسهم حاجة محصلتش وبيعاملوا الطلبة بطريقة مش حلوة ومفيش احترام لا للطلبة ولا لمواعيدهم ولا لاى حاجة ولما تلاقى حد كويس نسبيا على الاقل تبقى بتموت فيه وبتعزه اصلك قاعد فى الكلية من زمان عمرك ما شفت حد بيعاملك كويس
يلا انا عارفة انك مش هتدخلنى عندك تانى بس الرغى والصداع ده كله ههههههههههههههه
يالهووووووووووووى
بعد ما بصيت على التعليك اللى كتبته
صعبت عليا انك هتقرا ده كله معلش
ممكن تقسمه كل يوم شهر
هع هع هع هع هع هع
كل يوم شهر ههههههههههههههههههههههههههههههههههههههههه
معلش كل يوم سطر
على ما تقرأ البوست بتاعي اللي فات
على بوست النهاردة
ها تعرف اني خلاص مفقوع مرارتي
ومؤكد انت عارف من مين
ماهم أس كل المصايب التانين
أه يا ليلي أه يا عين :)
اتفق معك قلبا و قالبا اه و الله
خاصة سواقيييييييييين الميكروباص
بجد حاجه تجيب الضغط و انهم بيقسموا المسافة اللى بيمشوها خمسين حتة عشان ياخدوا اجرة اكتر و قلة ادب متناهية
هى ناقصة ضغط يا بنى ما احنا عايشين و ساكتين
فعلا كل سنة وانت طيب بقت كلمة بتتقال بغرض المصلحة مش اكتر
كل سنة وانت طيب بقى ههههههههههههه
والله منا عارفه
بس حكاية بكره مين دي؟؟
معتقدش ان فيه حد فارق في تصرفه معايا
جايز لأني لسه كتكوته كل حاجه بتجيلي جاهزه
يعني لسه مجربتش التعامل مع الموظفين
والطوابير والحاجات دي
بس أنا بتضايق من السواقين فعلا
جايز لأنهم الطبقه الوحيده الي بتعرض للتعامل معاهم
دول تلاقي واحد منهم كويس وعشرين لأ
ويكفي اني بقيت في المستشفى أكتر من أسبوع
ليه؟
لأن الباشا السواق نسى موبايله في الموقف ورجع بظهره يجيبه
ولأنه انسان مهم ومستعجل كان راجع بسرعه كأنه ماشي بوشه
خلاني همشي بعد كده
اخد بالي من العربيات الي جاية في المخالف
واسيب العربيات الي في الطريق
ده بالنسبه للسواقين
وطبعا مش هنسا أنوه عن دكاتره الجامعه
الي بيذلونا علشان بنتعلم
بس كده
صحيح
جبت لمامتك اية؟
star in the sky
حمدالله علي السلامة...
"الشرطة والجيش والحربية والنيابة والقضا"
دنتي بتكرهي كل السلطات!!!
بس صدقيني فيهم كتييير او محترمين وولاد ناس بجد..
وبالنسبة للتعليق... ولا طويل ولا حاجة... هههههههههه... انا قريته في ساعتين بس..هههه..
والجامعة مش وحشة اوي كده... دي المفروض تبقي احلي ايام حياتك..
منوراني ديما يا استاذة سمية
ستيتة حسب الله الحمش
ههههههههه... انا لسهة مقرتش البوست الجديد...
بس اكيد متوقع انتي مررتك مفقوعة من مين... علشان مرارتنا كلنا محتاجة تبديل واحلال...
واه ياليل اه ياعين..هههههههه..
منوراني يادكتورة
تحياتي
جارة القمر
لا منا قلت بدل ميجيلي الضغط لوحدي.... اعلي الضغط عندكم انتو كمان... اشمعنا انا يعني... ههههههههه.. ثم وانا ليا مين ابع بع معاه غيركم...
وكل سنة وانتي طيبة.. ههههههه..
تحياتي... ونهارك سعيد (افلام ابيض واسود بقي)
sweet angel
ماشي ياكتكوتة.... بكرة تكبري وتعتمدي علي نفسويتك... وهترجعي تبوسي ايد الوالدين علي الراحة الكنتي فيها... هههههه..
ثم انتي في مصر يابنتي... يعني مش معني ان الطريق اتجاه واحد... يبقي تبصي في الاتجاه ده بس... لا والف لا.. لازم تأمني الناحيتين... وتبصي وراكي كمان لحسن يكون فيه حد طالع من ركنة... وتبصي قدامك لحسن يكون حد بيعدي الشارع من الناحية التانية.. وتخبطو في بعض في وسط الطريق...
انك تعدي الطريق عملية معقدة مش بسيطة زي منتي فاكرة وخصوصا لو بتعدي في شارع الهرم مثلا او كورنيش المعادي...
الهدية ال جبتها: حاجة كده مش عارف اسمها ايه .. بس انا بشوف الشيفات ال امي بتتفرج عليهم في التلفزيون بيستخدموها... ومشفتهاش عندها قبل كده... ف أول مشوفتها في سبينس قولت انا هجيب البتاعة دي... وبما اني بطيخة في الحاجات بتاعت المطبخ ... اكتشفت من شوية انها اسمها عجانة تقريبا... والمضرب بيقوم بنفس الوظيفة.. هههههههههه... بس مش مهم... اكيد امي هتفرح بيها... مهو مش بمزاجها ده اجبار.. هههههه... اصلي لسه مدتلهاش الهدية... علشان انا مسافر...
تحياتي
مممممممممممممممم
دوله اكتررررررررررر ناس انا فعلا بكرهم
مممممممممممممم
على ما اظن كلنا متفقين ان اى حد يكون قليل الذوق او معندوش ضمير
كلنا بنكره
بس عارف رغم ان بكره السواقين وطريقى منيل لازم اخش جوة الموقف ف لواحد بيصتبح بيهم على الصبح بس بحب جدااااااا
الحكم الجليله بتاعتهم وراء كل ميكروباص
متبصليش بعين راضية بص للمدفوع فيا
الحلوة من الشرابية
عضة اسد ولانظرة حسد
مفيش صاحب يتصاحب
تحس الواحد بياخد خبرة برضة
ولا رايك ايه؟؟
عوووووووووو
كيكى عووووو
والحلوة خوخة جات بعد دوخة
احنا في زمن الوحوش
احترام الكبير واجب )علي العربيات النقل(
اوعي تجري ورايا.. اختك راكبة معايا
العين صابتني ورب العرش نجاني
تعمل حسابى اقدرك تهزر معايا اعورك
متقولش دى بكام دى جاية بدهب المدام
لما كنت عصفور كلونى ولما بقيت اسد صاحبوني
ماتبحلقش كدة يا لوح دى جت بطلوع الروووح
متبصليش بعين رضية دنا طلع عين أمى فى السعودية
الحلوة من دمياط بس عليها أقساط
الحلوة لما تتدلع تخلى الاسفلت يولع
الحلوة من حلوان وصاحبها راجل غلبان
متزمروش يابهايم دا السواق نايم
يااااااااااه مش فاكر تاني... بس فعلا تحسي انهم بيقلبو ضهر العربية مزكرات ونتاج خبراتهم وتجاربهم الفكرية... ههههههههههههه...
وانا كمان بستمتع بقراية الكلام البيكتبو... وبحب الناس ال بتفتكس حاجات جديدة.. مش بيقلدو...
البلوج نور النهاردة... كيكي عووووو عندنا... يامراحب يامراحب... يادي النور يادي الهنا... ههههههه
نورتيني ياكيكي
انا بحاول تفادى الكره بصراحة عليا خذ عندك
لو ركبت مكروباص انزل بدرى شويةو اركب من الموقف و اركب لمكروباص بيسوقها صاحبها (بيبان بيبقى سواقته رزينة و خايف على عربيته اكل عيشه )
الجمعية ركبتها مرة (جول يندرجوا تحت مسمى موظفين)
التاكسى بتفاداه علشان متخانقش و الاصفر مجربتوش لسه
امناء الشرطة
و الله لحد دلوقتى محدش غلس عليا
و الظباط عادى ماهى شغلتهم كده يغلسوا علينا علشان نحاول نتفادهم و نمشى على العجين
الموظفين
انا بتنح قصدهم
معنديش وسايط تمشى احوالى و بقول يارب و اتنح لحد ما يزهقوا ياما اروح و اجى عليهم لحد ما يزهقوا برضه
هما بصراحة الى بيشتغل فيهم بياكل جزائات فبقوا اتعلموا تفادى الشغل اأمن حاجة
Wanda
عزيزتي وندا.... حلوة عزيزتي دي...
انتي بتنزلي بدري .. ده شئ جميل.. طب وال بيضطر يركب موصلات علشان يروح الموقف ال ممكن ياخد منه المواصلة الهتوصله... يعمل ايه؟؟ ممكن ينزل بدري اكتر ويتمشاها... ههههههه..
وبلاش كلام علي بتوع الجوعية )الجمعية( دول لحسن مش طايقهم النهاردة...
انا كمان مجربتش الاصفر... انا اقصد الابيض الجديد ابو عداد..
علي فكرة مش لازم امين الشرطة يغلس عليكي علشان تعرفي انه واطي.. ممكن تلاقيه نازل بهدلة في راجل قد ابوه ... وده بيكون كفاية..
بالنسبة للموظفين.. هقولك علي السر... بس متنسيش الخدمة دي...
الحل السحري لاي مصلحة حكومية موظافينها كسالة ومتنحين...
"ابحث عن الساعي"...
الساعي هو الحل السحري ومفتاح كل الابواب المغلقة...
انتي تدوري علي الساعي... تطبقيله خمساية او عشراية في ايديه... وهوا هيخود ورقك ويخلصلك مصلحتك.... او هيدلك علي الموظف ابو درج ال هيخلصهالك... اي خوودعة..
السلام عليكم ...
انا أول مرة أعلق هنا بس جيت قبل كدا تقريبا.. المهم انت بتسأل احنا بنكره مين؟
هم فعلا الموطفين الرخمين كتروا اوي ومش بحبهم خالص
ومان مبحبش فئة داترة الجامعة اللى بيكرهوا الواحد ف التعليم أكتر ماهو كارهه يعني ومش بيعجبهم اى حاجه وفاكرين انهم خلاص مفيش رقابه عليهم ويعملوا فينا اللي عايزينه
وطبعا المسؤلين الفاسدين بكرههم دا أكيد
شفت التعليق ال 36 منور ازاي
هههههههههههه
انت بتقول فيها؟؟
طب والله انا وانا راحه الكليه
بفضل واقفه لغايه ما اي حد يعطف عليا ويقولي تعالي يابنتي وانا اعديكي
ومش بستنا كتير
والله كأنه بيبقا باين عليا
يادوب انزل من العربيه الاقي اي حد مستني يعديني
هههههههههههههه
فراشة
وعليكم السلام...
من الواضح ان فيه اتفاق علي دكاترة الجامعة كمان... مع اني ايام الكلية مكنتش متضايق منهم اوي.. كانو عادي... يمكن اازمن اتغير والدكاترة شمو نفسهم بعد منا خلصت تعليم.... هعهعهعهع..
طبعا التعليق رقم 36 منور ... طالما صاحبته قمر.. يبقي لازم ينور...
شكرا علي الزيارة الحلوة... ومستني تتكرر ان شاء الله..
يومك جميل
sweet angel
طيب انتي بنوتة بتلاقي اليعديكي... لكن احنا لازم نقوم بالعملية الانتحارية بنفسنا ... واما التعدية او الشهادة...
تحياتي... نورتيني... صباح الفل
جميل انك فتحت المناقشة ديه انا بكره اول حاجة موظفات الحكومة وخد بالك من تاء التانيث خصوصا لما الغيرة تأكلهم لما يلاقوا وحدة حلوة ويغلسوا عليها والله لما الاقى شباك عليه واحدة ست بعرف ان نهارى مش فايت وكل عقدها تطلعها على وكمان فى ستات محجبات ومنتقبات طبعا طبعا مش كلهم لما يلقوا لسه واحدة ربنا مهدهاش للحجاب ويعدوا يبصوا ليها من فوق لتحت واحتقار كانها مجرمة وكمان بكره جدا بقى الراجل لما مراته تبقى ماشية ولا قاعدة جنبه فى حتة وهو عنينه عاملة زى الردار زايغة شمال ويمين مش عارف يبص على ديه ولا وديه
شريهان
انا كمان بصراحة مبحبش الموظفات اكتر برضو.. لانهم اكثر غباءا وبيخافو يشتغلو فعلا لحسن يغلطوو...
وموضوع الحجاب ده انا شايف انه حرية شخصية.. اصل محدش هيتحاسب عند ربنا لحد...
والرجالة بطبيعتهم عينهم زايغة.. يعني ده طبعنا.. وصعب يتغير.. بس بيكون بدرجات..
فيه بوست حلو اوي عند صيدلانيه طالعة نازلة عن الموضوع ده... اقريه واقري الكومنتات كمان... هيعجبك اوي..
وادي اللينك اهو ياستي
http://pharmasistupanddown.blogspot.com/2010/03/blog-post_20.html?ext-ref=comm-sub-email
اي خدوعة
نورتيني ياشيري... صباح الفل ويومك جميل
بصراحة انا عن نفسى بكره سواقين المكروباص موت لانهم بيبقوا معندهمش اى ثقافة ولا اخلاق طبعا مش كلهم لكن اغلبهم
وطول ما هما ماشين بيتخانقوا مع دبان وشهم ويشتموا ده ويرخموا على ده وعندهم حقد فظيع على سواقين الملاكى
كمان بكره موظفين الحكومة اللى بتعطل مصالح الناس ويفضلوا يمشوروا الواحد رايح جاى على كلام وروتين تافهة او يكونوا عايزين رشوة
ربنا يرحمنا من الناس دى ويهديهم
تحياتى
شفـقــة و إحســــان
فعلا.. مشكلتهم الكبري الانحدار الاخلاقي ال هما فيه بجد.. حلوة الانحدار دي.. ههههههه..
مسمهاش رشوة... اسمها "كل سنة وانت طيب".....
البلوج نور
تحياتي
بعد السلام ..
انا والعياذ بالله من الأنا ، جربت ، وآخر المتمة نصيحة بوجها للكل ، أحسن حاجة تخوف بيها أمين يبقي المأمور بتاعه بدون واسطة او ظابط تعرفه بواسطة .
ثانيا أحسن حاجة تخوف بيها سواق أمين شرطة أو ضابط ولو عندك وقت تتطلع علي القسم تخبطه محضر لعاميلة ، بس بما إننا شعل مش فاضي وتقدم البلد أهم حاجة بنفضل أي حاجة غير عمل محضر .
تكرم علي التدوينة
أول مرة عندك في المدونة واتمني ما تكنش الأخيرة
بوركت
دة انت خبرة اكترررررررررررر منى
على كدة انا مبتدأ!!!
اسكت النهاردة وانا راجعه من الجامعه كنت فى بالى اوى اصل وانا راكبة الميكروباص السواق عمل علينا فيلم اللبلطجى والمهمشين!!!
الى هو احنا اكيد نزلنى فى حته بعيدة خالص عن مكانى وودنا فى ادغال افريقيا ومطباااااااااااااااااات وبيقولنا بعد ماخد الاجرة طبعااااااا الى مش عجبوا ينزل ةاصلا الحتة مقطوعه فى طريق الجامعه ياختى كاااااان يوم
وانا بقى الشهامه خدتيتى قلتلوا هتودينا فين ياعم انت ماكنت قلت من الاول؟؟
عارف عمل ايه بصلى وراح على عدة مركبها بسماعات العربية وانا اصلا معنديش عدة زيها ولا كاننا فى فرح ام سيد ولا كانى بكلم
روحت انا عملت اييييييييييييييييه
روحت صقفت مع الاغنية ولا كان حاجة حصلت
احم احم
سلاموا عليكوا
عوووووووووووووووو
بجد ياابو على .. البوست ده فى الجوووووووون
انا فى ناس كتير بجد بتطلعلى الضغط وكل حاجه ممكن تتخيلها ...
ان كان فى بلادى الاولى اليمن او فى بلادى التانيه هنا اللى هى مصر ...
بما انى حاليا فى مصر ... فأنا مش بحب السواقين خاااالص ونفسى كده ربنا يكرمنى بسياره بجد ...
وطبعا المصالح الحكوميه ... الموظفين اللى فيها وخاصه الموظفات بيبقوا باردين بروووود بجد عمرى ماشوفت كده .. وكأن ده بيبقى ملزوم عليهم او شرط من شروط اللى يشتغل فى المصالح الحكوميه ...
وفى ناس لما بتلاقى لهجتي مش مصريه اوى .. تستغل ده ويبدا النصب ..
بس بجد رغم السلبيات الموجوده واللى موجوده غالبا فى معظم الدول العربيه .. بس بجد شعبها من احسن الشعوووب ..
تسلم ابو على على هالبوست ...
... ;) ,,, ;) ...
MR.PRESIDENT
معاك حق.. فعلا العالم دي بتخاف متختشيش...
يافندم البلوج اتشرف بزيارتك.. ويرب فعلا متكونش الاخيرة
تحياتي
كيكى عوووووو
اولا انتي النحو عندك ضااااااااايع.. معندكيش فرق خاااالص بين المؤنث والمذكر.... لخبطتيني ... ههههههههههههه.. )على كدة انا مبتدأ , ياختى كاااااان يوم( .... هههههههههههه
ثانيا علي فكرة انتي غلطانة طبعا... انتي بتأوحي مع الباشا السواق... الباشا يوديكي المكان ال هوا عاوزوه مش ال انتي عاوزاه... مش كتر خيره انه ركبك معاه؟؟!!
وبلاش الحقد الطبقي ده بقي.. ههههههههههه...
ثم انتي كنتي المفروض تقعدي تسقفي من الاول.. الراجل مدلعكم ومشغلكم مزيكا.... وبيهشتكم علي المطبات... وبعد ده كله بتعترضي؟؟ ده يبقي بتر علي النعمة..
منوراني
ghada mOhsen
بعد فترة الضغط بيستقر .. لان خلاص مبيلقيش حتة يطلع فيها تاني..
بس تفتكري لما ربنا يكرمك بعربية هترتاحي...طبعا لأ .. ابسلوتلي.. ههههه..
هتتخنقي في الزحمة ومن الركنة ومن السواقين الهيكسرو عليكي... بس بيني وبينك هتريحك من التعامل المباشر معهم...
وبرود الموظفين ده حاجة صعبة... بس نصيحتي.. لا يفل البرود الا البرود.. او واسطة من المدير.. او عشرين جنيه...
فكرتيني ب أحمد مكي وهوا عامل خليجي في "طير انت" وهوا بيقول للبياع... بدئنا الاشتغالات..هههههههه..
وطبعا احسن شعب واطيب ناس.. بس نحاول نرجع زي زمن الابيض واسود...
منوراني .... صباحك جميل
انا بقي بكره كل حاجة مالهاش لزمة
ملل ملل ملل
وبس خلاص
wasf_elahsas
ياااااااااااااااااااااااااه... دي حاجات كتيرة اوي...
وهوا فيه ايه ليه لازمة اصلا؟؟!!
نورتيني ..
تحياتي
السلام عبيكم ورحمة الله
سوري علي التاخير
بس انا بكره السواقين جداااااااااااااااااا دول اول ناس
هما ناس غريبه غريبه وتحس انهم ميعرفوش يسوقوا الا بالاستطباحه للي بياخدوها الصبح وبيطلعوها علي الزبون
تاني حاججه بقي موظفين الحكومه فكرتني باليوم اللي روحت اختم فيه ورقة لبطاقه بتاعتي من الكليه والحمد لله لسه معملتهاش ههههههههه من سنتين كدا روحت اختمها غلسات عليا الليفي شئون الطلبه جامد وصممت متعطنيش الختم دلوقت وانا صممت مش هاخده الا دلوقت
ختمته وجبت االورقه رمتها في الدرج الي الان
تالت ناس بقي وهما الشحاذين اللي في الشارع يحلفوك يمين تلاته لهطلع ليهم حجه وان مطلعتش ممكن يضربوك ويشدوا منك اي حاجه شايلها هما كدا واخدنها عافيه شفت كاريكتير ضحكني انهارده واحد من الشعب ماشي في طريقه فبيقول للشحاذ حسنه لله يعني هما بقوا اغني فئات الشعب
ههههههههه ..
بجد حاجه مستفزه .. بس برضه فيه ناس وناس ..
بس والله كتر خيرك انك مستحمل ده كله
وف الآخر طلعته علينا اهوو ..
ربنـا مايجيب كره تاني .. وصفي قلبك من ناحية الناس دول .. كبر دماغك يعني
وادينا عايشين اهو ..
منجيلكش فـ كُـره تاني ..^_^
صمت المشاعر
يبقي كان لازم اضم الشحاتين وال سايس للقايمة طالما في اجماع عليهم...
ومتتأسفيش ... لسه بدري مش متأخر ولا حاجة... هههههههه
البلوج نور.. تحياتي
حَـبآيـۃْ.بـטּـدۉل
منا مكبرها اهو... لو كبرتها اكتر من كده مش هعرف اخلع التيشرت... وش غلس.. هعهعهعهعه
ثم منا لازم اطلعه عليكم اومال اطلعه علي مين يعني... انتو ال هتستحملوني... ولا ايه؟!
نورتي بلوجي المتواضع... ومستني الزيارة الجاية..
صباح الخير
حبيب قلبي ,
جيت على الوجيعة ,
امبارح لسه راجع من الشغل و بعد قضاء 4 ساعات لحد ما وصلت للقاهرة ,
أخذت ميني باص من القاهرة لبلدنا ,
و طول الساعتين أغاني أجارك الله !!
حمير بتنهق مع خلفية موسيقية , و أي كلام في طحينة ,
و بلاش تخبّط في أمناء الشرطة دول .. دول لواءات يا معلم :P
TIMMY
"حمير بتنهق مع خلفية موسيقية , و أي كلام في طحين"...
فكرتني بنبوءة فؤاد المهندس لما كان شغال ملحن في فيلم من افلامه.. وعمل مقطوعة موسيقية.. باصوات الحيوانات.. ههههههههه...
نصيحتي.. طالما مش هتقدر تخلي السواق يغير المزيكا الشغالة... ف حاول تستمتع بيها... بطريقة او بأخري.. اتصرف... او خلي معاك سماعاتك ديما.. واسمع ال علي كيفك...
منورني ياباشا... وحمدالله علي السلامة..
تحياتي
انا باكره مين ؟؟
اوكي !!
باكره اي حد بياخد رشوة عشان ختم او توقيع .. و دول منتشرين في المصالح الحكومية زي الهم على القلب .
باكره الناس اللي مابتعرفش تسوق و ماشية في الشارع كانها بتلعب .. حبة يمين و حبة شمال من غير لا اشارات و لا نيلة .
باكره الشحاتين .. باكرههم أوي .. لأنها بتشحت و بتحقد عليك برضه !!
دول كفاية :)
قهوة بالفانيليا - شيماء علي
هما مش كفاية اوي... لاننا لو قعدنا نفتكر التصرفات السلبية ال حولينا مش هتخلص...
نورتي
تحياتي
ها
اية الأخبار؟
روحت الفرح ولا لأ؟
sweet angel
الاخبار زي الاهرام... كله ب جنيه...
والحمدلله.. مروحتش... نيهاهاهاهانيهاهاها
ومروحتش ليه يا ذكي
sweet angel
مممممممم.. شد عضلي
لا والله؟
ايه التردد الي انت فيه ده؟
طيب افرض "أ" دي كانت عزمتك على خطوبتها أو فرحها باعتبارك صديق قديم
كنت هتموت بقى؟؟
اااااه
ده انا متغاظه منك بشكل
لا والله؟
ايه التردد الي انت فيه ده؟
طيب افرض "أ" دي كانت عزمتك على خطوبتها أو فرحها باعتبارك صديق قديم
كنت هتموت بقى؟؟
اااااه
ده انا متغاظه منك بشكل
شوفت؟
من كتر مانا مفروسه التعليق اتبعت مرتين
sweet angel
لا يستي وتتغاظي ليه.. ومش هفرض حاجة مش هتحصل.. ولو حصلت مش هروح برضوو... بسيطة.. هعهععهعه
بسسسسسسسسسسسس
بسسسسسسسسسسسسس
بسسسسسسسسسسسسسس
أنت ياسى الاستاذ
الشهير بأبــو على
نحيط سيادتكم علماً
بأننا قد اتنقلنا
الى مكان جديد وعتبة
جديدة فلو ممكن ياسى
الاستاذ سمع هوص تقول
للأستاذ ابو على يغير
اللنك(المتحجرة المستحجرة)
بتاعة مدونتنا الموقرة وشكراً
اللنك هو
صعبان على حالنا 2
norahaty
حصل يافندم... ومبروك العتبة الجديدة
الله يبارك فيك ولك
عقبال ما نباركلك
على شقتك اللى بتدور
عليها تمليك وخالصة من
الاقساط والديون ومفروشة
بالكامل وبعدين ابقى جيب
العروسة بقى.
norahaty
شكرا يادكتورة نور ياقمر علي الدعوة الحلوة دي...
إرسال تعليق