الأربعاء، 10 مارس 2010

POSITIVE APPROACH




جالي ايميل عجبني اوووي... قلت بلاش انانية وبخل وافرجكم عليه معايا... وقولولي رأيكم في الفكرة وطريقة التفكير دي.....



Father: I want you to marry a girl of my choice. 
Son: "I will choose my own bride!" 
Father: "But, the girl is Bill Gates's daughter." 
Son: "Well, in that case...OK" 

Next Day 

Father approaches Bill Gates. 
Father: "I have a husband for your daughter." 
Bill Gates: "But, my daughter is too young to marry!" 
Father: "But, this young man is a Vice-President of the World Bank." 
Bill Gates: "Ah, in that case... OK" 

Finally Father goes to see the President of the World Bank. 

Father: "I have a young man to be recommended as a vice-president. " 
President: "But, I already have more Vice- Presidents than I need!" 
Father: "But, this young man is Bill Gates's son-in-law." 
President: "Ah, in that case... OK" 


Moral: Even if you have nothing, you can get anything

هناك 35 تعليقًا:

ستيتة يقول...

بتحصل
وليها ناسها
عارف بنسميهم ايه
"يعلمون من أين تؤكل الكتف"
وعايشين ومظئطتين وبصراحة اي حد بينتقدهم بينتقدهم من الغيرة ويتمنى يكون زيهم عقله شغال وجاهز

بس اهم شيء في الميل ده انه بينقض فيلم اسماعيل ياسين
بيت النتاش عمره ميعلاش :)
بيعلى والله وبيعوم على وش الفتة
مساء الفل

سمع هوص (Abo 3li) يقول...

ستيته حسب الله الحمش

صح البينتقدهم...بيكون من باب الغيرة في الغالب...

بس انا عاوز اعرف رائيك... هي دي فهلوة ولا نصب؟؟؟
غلط ولا صح؟؟

امتي احنا كمان نشوف الفتة بس...مش نعوم عليها...

مساء الفل يا دكتورة

غير معرف يقول...

ههههههههههه

نااااااااصح

عروسه وشغلانه من الهوا

بس في ناس كده .... ناصحين

تحياتي

سمع هوص (Abo 3li) يقول...

فتاه من الصعيد

طبعا كل الناس نفسهم في اب زي ده... ههههههه...

بس برضو مقولتيش رأيك ... ده صح ولا غلط...

انتي بتقولي ناصح... بس يتري هوا كده نصاب... علشان باع الهوا؟؟


منوراني ديما
تحياتي

غير معرف يقول...

لا موش غلط قوي

نصاب جوز ابنه لطماع وشغل ابنه عند فاسد .... منظومه معقده :)

الغلط ان الدنيا يبقى ده حالها

تحياتي

سمع هوص (Abo 3li) يقول...

فتاه من الصعيد

ممممممممم... في الموقف ده مونكن... بس مش مونكن اوي ...
لأن مش معني ان القدامي حرامي.. اني اسرق منه... ولا ايه...

بس انا بتكلم اكتر علي الفكرة مش الموقف ده بالتحديد... فكرة الفهلوة...
انا مش قادر احدد بالظبط هيا صح ولا غلط... بتهيألي حسب الموقف... والغرض... وطريق استخدام الفهلوة دي...

Unknown يقول...

أدى البهبهات
الأروبة ولا بلاش
عفاااااااااااارم
عليك يادى البابا

Unknown يقول...

ياااااعن أنت
يابتاع صمع هوص
انا مش قلتلك قبل
كده صلح التوقيت المحلى
بتاعة مدونة جنابك؟قلت
ولا ما قلتش؟جاااااااااوب:)!

سمع هوص (Abo 3li) يقول...

norahaty


شفتي البهبهات يادكتورة... عجبك باهبهتنا وال بيعملوه فينا؟؟!!

"ياااااعن أنت" ... دي شتمة دي ولا ايه؟؟!!! هههههههههههه؟؟؟

لا مقولتيش علي موضوع التوقيت ده... دي اول مرة يا "آبله".... هزاكر وهنجح...
والتوقيت اتظبط يافندم اي خودعة...


نورتي علي الطماطم نورتيني...

سواحة يقول...

فكرتنى
بالخبر ده
"الشاهد أن السلطة في مصر حريصةٌ على الارتباط بالبيزنس، في حين يرى رجال الأعمال أنهم عقدوا قرانهم على الحكومة..وعندما أراد عمرو موسى -أيام كان وزيراً لخارجية مصر- تزويج ابنته الوحيدة هانيا.. لم يجد لها زوجاً أفضل من أحمد أشرف مروان. وفضلاً عن كونه حفيد جمال عبد الناصر - من جهة أمه منى- فهو رجل أعمال.. وشقيقه جمال هو مالك قناة ميلودي الغنائية..غير أن الزيجة انتهت على أي حال بالطلاق"

سواحة يقول...

تعليقى فين ؟؟؟
نقول تانى
فكرتنى بالخبر ده
"الشاهد أن السلطة في مصر حريصةٌ على الارتباط بالبيزنس، في حين يرى رجال الأعمال أنهم عقدوا قرانهم على الحكومة..وعندما أراد عمرو موسى -أيام كان وزيراً لخارجية مصر- تزويج ابنته الوحيدة هانيا.. لم يجد لها زوجاً أفضل من أحمد أشرف مروان. وفضلاً عن كونه حفيد جمال عبد الناصر - من جهة أمه منى- فهو رجل أعمال.. وشقيقه جمال هو مالك قناة ميلودي الغنائية..غير أن الزيجة انتهت على أي حال بالطلاق"

سمع هوص (Abo 3li) يقول...

wanda

للاسف.. زواج السلطة بالمال.. بينتج عنه طفل غير شرعي اسمه "الفساد" ... وللاسف الاطفال ال من النوع ده بقو اكتر من اطفال الشوارع....

عندك حق يا وندا... علي فكرة انا لسه مستني النكد ال وعدتيني بيه...

صمت المشاعر يقول...

Moral: Even if you have nothing, you can get anythin

فعلا للاسف هي دي الاخلاق اليومين دول

دمت بكل خير

سمع هوص (Abo 3li) يقول...

صمت المشاعر

"Moral: Even if you have nothing, you can get anythin

فعلا للاسف هي دي الاخلاق اليومين دول"

علي فكرة الحكمة دي في مغزاها حلو جدا.. ومتفائل جدا... بس طريقة تطبيق الحكمة دي في القصة دي... هوا ال تم بطريقة مش تمام....

بس انا وصلني قصدك.. وفهمتو.. ومتفق معاكي.. ان كتير من الناس بقو وصوليين وانتهازيين بشكل غير عادي... والفهلوة والنصب بقو شطارة...
انا مش معترض ان الواحد يبقي "حرك" بكسر الحاء.. بس منغير كذب ولا تضليل... لان في الحالة دي بيتحول ل نصب...


اخيرا.. انا عديت علي مدونتك سريعا... ومن النظرة الاولي عجبتني... وضفتها عندي.. واكيد اول مهلاقي وقت... هرووح افصصها ان شاء الله...

نورتيني ومستني زيارات قادمة ان شاء الله..

تحياتي

TIMMY !! يقول...

هههههههههه

حلوة يا أبو علي ,
مع إني كنت قرأتها قبل كده بالعربي :)

بس مش عارف ليه حاسس إنها مش واقعية ,
و لا ينفع تتطبق ,

الحياة مش بالسهولة دي ,

سمع هوص (Abo 3li) يقول...

TIMMY

معالي الباشا الوزير عندنا...يامرحبا يامرحبا... واحد شاي يبني بسرعة لعمك.. سكرك ايه يا باشا؟؟

هيا طبعا مش واقعية خالص... بس المغزي ال وراها واقعي.. وبنشوفه كل يوم..
ابسط مثال: شركات العقارات ال بتلم فلوس العمارات والشقق وتقولك التسليم بعد سنتين... دوول بيخدو قرووض من البنك بضمان الارض علشان يبنو.. وبعدين بيحطوها في بنك علشان يكسبوو من فوايدها.. ويلمو فلوس من الناس الهتشتري.. ويبتدو االمشروع بالفلوس دي... وكمان بتكون بمكسبها... تخيل بقي الارباح في الاخر بتكون عاملة ازاي... اسف علي المثال البعيد ده... بس ده الجه في دماغي كمثال علي المسكب ال من الهوا....

نورتني يافندم... تحياتي..

غير معرف يقول...

جااامد اووى الايميل ده على فكرة

وفيه طريقة وتفكير واحد عارف هو عاوز يروح فين وازاى وازاى ده عنده باكتر من طريقة

ثانكس اووى انك مبخلتش علينا ونزلت الايميل هنا

سمع هوص (Abo 3li) يقول...

star in the sky

صح.. اهم حاجة تحديد الهدف... بس انا مبحبش مبدأ "الغاية تبرر الوسيلة"... بحب "سمو الغاية من سمو الوسيلة"... تقريبا انا بتفلسف.. علشان نفسي انام.. وبهيس وبخترع اي كلام....ههههه...

وطبعا مقدرش ابخل.. انتي عارفة صفاتي واخلاقي العالية...هعهعهعهعه .. دنا بقو بيندولي كريم مش محمد من كتر كرمي.. ثم دنا منزل البوست ده مخصوص علشانك.... هههههههههههه... وش بيطلع لسانه...

نورتيني يا ستار هانم

sony2000 يقول...

لاااااااااااا
بص ياعمنا كدا
ترررررررررررجم يامسعود
ههههههههههههه
ياابني تعليمنا مجاني
هههههههههه
بقولك ايه خليك فعم جاهينلو احسن
تقبل مروري وتحياتي

سمع هوص (Abo 3li) يقول...

sony2000

هههههههههههه....
احلامك اوامر... الترجمة حسب جوجل ترنزليت... هههههههههههههه..

---------------
الأب : أريدك أن تتزوج الفتاة التي أختارها.
الابن : "سوف أقوم اختيار العروس بنفسي!"
الأب : "ولكن الفتاة هي ابنة بيل جيتس".
الابن : "حسنا ، في هذه الحالة... موافق"
في اليوم التالي
تودد الأب لبيل غيتس.
الأب : "لدي زوج لابنتك".
بيل غيتس : "ولكن ابنتي لا تزال صغيره على الزواج!"
الأب : "ولكن ، هذا الشاب هو نائب رئيس البنك الدولي".
بيل غيتس : "آه ، في هذه الحالة... موافق"
أخيرا الأب يذهب لرؤية رئيس البنك الدولي.
الأب : "اني اعرف شابا اوصي بأن يكون نائب الرئيس".
الرئيس : "ولكن ، انا لدي بالفعل أكثر من نائب رئيس ولست بحاجة له!"
الأب : "ولكن ، هذا الشاب هو نسيب بيل غيتس".
الرئيس : "آه ، في هذه الحالة... موافق"

الحكمة : حتى لو لم يكن لديك أي شيء ، يمكنك الحصول على أي شي

-----------------------------


ايه رائيك في الترجمة ... زي امتحانات اعدادي اهووون... ههههههههه....

مرورك وتحياتك شرف ليا سوني.. منتي عارفة... وهوا انا لازم اقولك...

P A S H A يقول...

أبو علــي


مساء الفل يا غالي

دايماً كده مكلف نفسك .. ياااااااه ع الاحراج :))
مش عارفين بس نودي جمايل سموك فين :))

هو ده بيت الكلاوي .. أدي البهبهات ولا بلاش .. يا سلام ع الدماغ يا جدع عروسة ووظيفة ونفوذ .

مالاقيش عندك رغيفين فينو عشان البقال اللي تحت قفل :)))

سلام يا معلم

سمع هوص (Abo 3li) يقول...

P A S H A

شفت بقي... ومطلبتش منكم حق العربية ال نقلت عليها الايميل...
رقبتي ياصاحبي .. رقبتي..

فعلا بيت اصول مأصلين... وارهنك ان الواد ده هيرشح نفسه في مجلس الشعب كمان سنتين احتياطي "برضك"...

وبالنسبة للرغفين الفينو.. لو عرفت تجيب... ابعتلي واحد... علشان انا بايت في الشغل.. وشغلي في حتة مقطوعة بنت جزمة... وجعان ياصاحبي... وانا لما بجوع ببقي غبي... وممكن اعمل زي اعلانات البسكوت السخيفة دي بتاعت الناس البتاكل شاشة الكمبوتر...

نورتني ياكبير

غير معرف يقول...

هع هع هع هع هع هع هع

ماشى يا عم كريم

بس معلش يا مستر ممكن تشرح بتاعة سمر الغاية من سمو الوسيلة
اصل انا كمان تعبانة وعاوزة انام فمش عارفة اجمع الكلام على بعضه

يا عم اتفلسف براحتك احنا كده كده مش فاهمين حاجة هههههههههههههههه

غير معرف يقول...

لاحظت فى التعليكات اللى فوق ان انت بتسال لو ده صح ولا غلط

بيتهيالى السلوك نفسه مش مقبول ومرفوض

انما طريقة التفكير دى هى اللى مطلوبة لانها بتساعد الشخص يحقق اهدافه من غير اى حركات نص كم زى اللى فى الايميل

سمع هوص (Abo 3li) يقول...

star in the sky


سمر مين بس,,,, بنقول سمو.. حد جاب سيرة سمر... متسبيها نايمة.. عجبك كده... اهي صحيت...

وبما انك عاوزة تنامي ومش مركزة.. وبتقولي انك مش فاهمة حاجة كده كده... فهتفلسف براحتي..
بصي يستي انا اقصد ب "سمو الغاية من سمو الوسيلة" ان مش معني ان الهدف بتاعي مشروع وهدف محترم ومفيد.. اني اسمح لنفسي اني استخدم اي وسيلة علشان احقق الهدف ده.. حتي لو كانت وسيلة غير مشروعة...
بمعني ان قزارة الوسيلة بتلوث الغاية - ال هيا ساعات بتكون نجاح في شئ ما مثلا- وبتخلي الوصول للغاية ده طعمه مش حلو... لكن لو الواحد استخدم وسائل بنفس درجة النبل بتاعة الغاية... لما الواحد هيوصل... هيحس بحاجة احلي... واحساس انتصار اروع..

مثال: النجاح في الدراسة هدف وغاية نبيلة ومحترمة..
ممكن الوسيلة تكون الغش ... وساعتها الوالحد هينجح وهيوصل لهدفه...
اما لو كانت الوسيلة بنفس درجة النبل والاحترام زي المزاكرة والتعب.. هيكون النجاح طعمه احلي ... بكتير..
لأن في الحالة الاولي النجاح اتلوث بالغش,,,
انما في الحالة التانية.. بقي نجاح عظيم... قيمته زادت بالوسيلة مش نقصت...

كفاية فلسفة بقي... لحسن انا بقيت مش فاهم نفسي...

"بيتهيالى السلوك نفسه مش مقبول ومرفوض

انما طريقة التفكير دى هى اللى مطلوبة لانها بتساعد الشخص يحقق اهدافه من غير اى حركات نص كم زى اللى فى الايميل "

رائيك ده ال انا متفق معاه تماما...
انتي كده جبتي الزتونة... وش بيغمز

غير معرف يقول...

قشطات يا فندم انا كده فهمت

هههههههههههه

انت محسسنى انك عامل فى كل بوست زتونة جايزة

كل بوست تقولى انتى كده جبتى الزتونة

افهم من كده ان انا الفايزة ههههههههههههههههههههه


يلا اول ما اجمع كيلو زتون روح بيعه وابعت لى تمنه وايااااااك ثم ايااااااك الاقيه ناقص مليم والا مش هدخل هنا تانى وشوف مين هيلم الزتون بقى
وش هيموت من الضحك جنبه وش بيطلع لسانه

سمع هوص (Abo 3li) يقول...

star in the sky

لا بالنص... لما تبيعي الزتون... ليا النص... بلاش استغلال..

ثم انتي مش عارفة اصل "الزتونة" ولا ايه... مش بتتفرجي علي فشي التاتا الاول محمد بيه سعد... في رائعته بوحة الصباحي؟؟!!! ههههههههه
وبعد الشر عنك يستي ... اضحكي بس..

غير معرف يقول...

ان كان على الزيتون خلاص ماشى بالنص بالنص ميخسرش بس ابعت حتى مواصلاتى كل شوية للمدونة هنا

مبتفرجش على اييييييييه
لا بصراحة بطلت من زمان فرجة على التلفزيون هههههههههههه

سمع هوص (Abo 3li) يقول...

star in the sky


خلاص حق الموصلات عليا.. متشليش هم... ولا اقولك هبقي ابعتلك توكتوك يجيبك عندي هنا في البلوج...

"فشي التاتا الاول"... فتي الشاشة الاول بلغتكم...

والله جدعة بلا تلفزيون بلا وجع قلب

لــــ زهــــــراء ــــولا يقول...

هههههههههههههههههههههههه
تسلم ع النقل والقصة الممتعة
ربنا يعزك يارب

وتعليقات القراء تحففففففففة بجد
دمت مبدع

سمع هوص (Abo 3li) يقول...

لولا وزهراء

شكراا بجد علي زوقك...
واكيد تعليقات القراء تحفة... لانهم ناس زي الفل كلهم... ماشاء الله عليهم كلهم...

ربنا يكرمك يارب....

والبلوج نور بزيارتك...
تحياتي ل لولا.. ول زهراء...
صباح الخير

جارة القمر يقول...

هو مين تبع مين ؟؟؟

انجليزى يا مفترى مش عارف انى ضعيفة فى الانجليزى ها ؟ ينفع كدا :( واقعد اترجم و اول ما اعرف معنى كلمة اقول هيييييييييييييه دا انا طلعت شطورة اهو ابقى نزل الترجمة بعد كدا مع البوست

صح ولا غلط ؟ انا شايفة انه نصب لانه اصلا اصلا بيكدب ابنه ماكنش عنده كل دا دا ذكاء من الوالد مش اكتر زى ما بنقول كدا ذكاء النصابين المحترفين
بس مش هنكر ان اعجبنى ذكائه جدا :):)

سمع هوص (Abo 3li) يقول...

جارة القمر

لا منا حسيت بغلطتي... وصلحتها يافندم .. وكتبت الترجمة في الكومنتات....

فعلا النصابين ديما بيعجبنا ذكائهم وحيلتهم الواسعة.. رغم اننا متأكدين انهم غلط... زي افلام اوشن او اطالين جووب..

نورتيني ... تحياتي..

Unknown يقول...

فعلا و الله في ناس كتير كدة ..
و عايشين زي الفل ..
:)
thank you for sharing

سمع هوص (Abo 3li) يقول...

قهوة بالفانيليا - شيماء علي

مهو ده ال يغيظ.. انهم عايشين زي الفل... والعفو يافندم... مش مستاهلة تقولي ثانك يوووز.. ههههههه...

نورتيني ياشيماء... وفي انتظار زيارات قادمة.. بما انها الزيارة الاولي..

تحياتي