الخميس، 4 فبراير 2010

يا أم نيازي.... صحي نيازي... وقوليلوو ان انا حرامي...

ياناس, ياهووووو.... انا حرامي ياناس...

يا أم نيازي.... صاحي نيازي وقوليلوو ان انا حرامي...

ومش انا بس ال حرامي...

كل البيقري ال كلام ده دلوقتي سرق... وبيسرق ... وهيسرق..

اسف علي تطاولي...

بس اصل دي الحقيقة مهما حاولت ازوقها.. او اجملها...

طبعا الكلام البيدور في دماغك دلوقتي لو انت مؤدب... "اهو انت الحرامي ازاي يعني اكون بسرق يا اهبل انت؟؟"

ولو مؤدب برضو بس مش قوي...."تييييييييييييييييت.... حرامي ايه ياض يابن التيييييييييييييييييت"

هفهمك بس براحة عليا....

طبعا انت عارف يعني ايه "حقوق ملكية" ؟؟؟

طب بزمتك احنا بنعترف بيها هنا في مصر... ولا بنطبقها...

خد عندك..

ال operating system ال(غالبا هيكون ويندوز) سيادتك شغال عليه دلوقتي... شاريه بفلوسك... يعني ملكك؟؟؟ ....

ماسي يسيدي.... عارف انك ممكن تكون غني وشاري لاب توب جديد وجي مع اللاب اسطونة سيستم اصلية....

بلاش دي....

ال (office) ال بتستخدمه في الكتابة والجداول والبرزنتيشس (word, excel, powrpoint).... مش واخده من واحد صاحبك... ولا منزله من علي النت ببلاش؟؟؟

خد دي كمان....

الالعاب ال سيدتك بتلعبها علي الجهاز وكل البرامج ال بتستخدمها يوميا.... رحت مثلا واشتريتها من فيرجن؟؟؟ ولا نزلتها من النت وجبتلها كراك....

حاجة كمان...

الاغاني والافلام والصور.... اه والصور كمان..

اخر حاجة وكفاية كده دلوقتي.... ال كتب والمراجع والقصص والرويات ال عمال تحمل فيها ليل نهار... ملهاش صاحب تعب وكتبها؟؟؟

شفت ان انا وانت عمالين نسرق ليل نهار....

ليا واحد زميلي في الشغل ملتزم دينيا ومربي دقنه كمان... ديما انا وهوا نتخانق ونتجادل بالساعات في الموضوع ده...

هوا مقتنع تماما بأن تحميل الحاجات -القلتها فوق دي كلها- واستخدمها من الناحية الدينية مش حرام... ومن الناحية الاخلاقية مش غلط....

طبعا هوا طلعلي عشرين فتوي في الموضوع ده –ممكن تدورو عليهم بنفسكم- بس مفيش ولا فتوي منهم صريحة او محددة... لأن ديما البيسأل وبيطلب الفتوي دي بيصيغ السؤال بشكل وبطريقة تخلي عالم الدين- ال غالبا بيبقي مش فاهم الموضوع اصلا صح- يفتيلو الفتوي ال عاوز يسمعها...... بس طبعا معظم الفتوي حرمت استخدام الحاجات -ال مفروض نشتريها... بس بنجيبها ببلاش- حرمت استخدمها في التجارة بمعني منخدهاش طريقة للكسب...

وفتاوي تانية كانت طالعة من ناس فاهمة اكتر شوية- بس برضو مش اوي- ان كل التحميلات الغير شرعية دي حرام.... فيماعدا الكتب والمراجع والمواد التعليمية ... بس حطو شرط ان يكون الغرض من انك تحمل الكتاب ده هوا العلم ثم العلم ثم العلم... مش علشان تستخدم الكلام الهتقرا بطريقة ما انك تكسب فلوس....

طبعا كلنا بندور ليل نهار علي كتب تعليم مليون حاجة... حاجة من المليون دول بنستخدمها في شغلنا بطريقة مباشرة او غير مباشرة.....

المهم ان انا مش مقتنع بالكلام ده خااااااااااااااااااااااااااااااااااالص

لان الحاجة دي مش بتاعتي .... وانا اخدتها من ورا صاحبها...

مثال توضيحي:

صاحبي البحكيلكم عليه ده... بيشتغل ديزينر...

قلتله في مرة: لنفرض انك عملت ديزين ما لشركة ما ب الف جنيه....

شركة تانية شافت الديزين ده وعجبها.... راحو قايلنلك عاوزين واحد شبه تمام ... وشوية تغيرات بسيطة... رحت عملهولهم واخدت منهم الف جنيه برضو..... ده تمن شغلك وتعبك ومجهودك وابداعك... صح؟؟

رد: طبعا...

قلتله: لنفرض بقي ان شركة تالتة شافت الديزين عاجبها... راحو واخدينو منغير ميقولولك... ولا يدوك تمنه... ولا ياخدو موافقة منك... ساعتها هيبقو ضروك..

رد : طبعاااااا...

طبعا ساعتها اتلخبط في الكلام ومبقاش عارف يكمل جدال....

بتهيألي لو قيسنا الفكرة دي علي كل الحاجات ال بنجبها ببلاش دي...

هنلاقي واحد تعب واشتغل شهوووور وطلع عينه علشان يعملنا برنامج ولا يألفلنا كتاب....

واحنا بنيجي علي الجاهز وناخد الحاجة دي منغير مندفع تمنها ..حق العملها....

طبعا هتقولولي: انت بتعمل دعايا لميكروسوفت والشركات دي ولا ايه وعاوزنا نشتري كل الحاجات دي... علي اساس اننا علي تل فلوس؟؟

هرد رد يمكن يصدمكم وميخليكمش تيجو تقرو حاجة ليا تاني....

كل الكلام الفات ده كان مقدمة..... (صرييييييييييييييخ....... لأاااااااااااااااااااا ... مقدمة ايه دي كلها يامجنون يابن ال ..... واحد تاني هيروح قافل ومش مكمل)....

انا عارف اني طولت.... بس سامحوني....

والجاي اقل متقلقوش...

انا اصلا مبحترمش شركات زي ميكروسوفت او ادوبي وزيها كتير... لاسباب اخلاقية ونفسوية كتيرة مش وقتها دلوقتي....

فبالتالي اكيد كلامي الفات ده كله مش دعاية ليهم....

انا هدفي حاجة تانية خالص....

فيه حاجة اسمها (open source) –يريت تقرو عنها اكتر في ويكيبيديا- ببساطة دي حاجات شبه ال حاجات ال اتكلمنا عنها فوق بس فيها مميزات كتييييييييييير... اهمها انها ببلاش... ومتاحة للجميع..... يحملوها وينزلوها مليون مرة منغير فلوس ولا تأنيب ضمير....

والميزة كمان ان الحاجات دي اصلها موجود... يعني اليعرف يعدل فيها ... يعدل... العاوز يغير فيها ... برحتووو... دا اصحابها هيسعدوك كمان....

طبعا المنتجات التندرج تحت بند (open source) كتير... وكلها بدائل للمنتجات -ال حقوق الملكية بتعتها بتمنع استخدمها المجاني- وبدايل ساعات بتكون بكفاءة اعلي بكتير...

انا عارف ان الموضوع دمه تقيل وانا طولت... لكن والله مهم.. وانا اختصرته علي قد ماقدر...

مثال بسيط علي بدائل ال (open source) الموجودة ...

مثلا بديل الويندوز ... فيه خمسميت حاجة... اسهلهم واقربهم واظرفهم واقواهم(اقوي من الويندوووز بمرااااااااااااااحل) ..سيستم اسمه (ubuntu) وده بديل عملاق يضرب الويندووز بالجزمة القديمة....

مثلا بدل مجموعة ال (office) فيه حاجة اسمها ال (open office) ...

والبدايل كتيييير ... فيه موقع www.osalt.com هتلاقو عليه كل ال بتستخدمه حاليا والبديل بتاعه من ال (open source) ...

يعني لو الكلام ال فات ده اقتنعت ب خمسين في المية منه.... جرب تستغني واحدة واحدة عن عادتنا السيئة جدا دي- البنعملها واحنا مش حاسين ولا حاولنا نفكر فيها...

يعني ممكن نجرب البدايل المتاحة دي... واحدة واحدة كده...

لحد منستغي عن ابو فلوس خالص ان شاء الله....

اعتراف : علي فكرة انا بحاول اعمل كده ... بس برضه لسه مش بنسبة 100 % ... بحاول علي قد ما أقدر.. او لحد ما ضميري بينام بمعني اصح.....

فياريت نحاول نشجع بعض كلنا... ونجرب..

هناك 14 تعليقًا:

وصف الاحساس يقول...

بصراحة اول مرة اعرف الحكايه دي
ان في يعني اوبن سورس ده
وموضوع حلو فعلا ما تستتقلش دمه
بس بيتهيالي ممكن تنشره في اكتر من منتدي
عشان تكون وصلت رسالتك
طبعا لو انت متاكد من الاوبن سورس صحيح
يبقي كسبت في الشعب كله ثواب
وتشكر وكتر خيرك
وبس خلاص
شكرا

سمع هوص (Abo 3li) يقول...

الحمدلله اني كنت سبب انك تعرفي ... كسبت ثواب فيكي اهو.... هههههههه

بجد هتستفيدي كتير لو قريتي عن الموضوع ده اكتر.. وحاولتي تطبقيه بشكل عملي..

نورتيني بجد...
وتحياتي

وصف الاحساس يقول...

ايوة يا سيدي ادينا بنعد الجمايل
عرفت خلاص
بس ما رديتش ممكن تسمحلي انشره في منتدي واكتب تحته المصدر
او ممكن سيادتك تقوم بالمهمة دي وتبقي كسبت ثواب في الخلق كلهم

وبعدين ده نورك يا باشا
شكرا

سمع هوص (Abo 3li) يقول...

مش محتاجة استأذان...
البلوج وصاحب البلوج تحت امرك (كدب طبعا).... ههههه

بصي اعتبري البلوج بتاعي اوبن سورس برضو...

ويستي اكسبي انتي الثواب المرة دي ;)

تحياتي

وصف الاحساس يقول...

http://www.koloobwaokool.com/vb/showthread.php?p=41269#post41269
ثانكس مان

وتم اللازم وده الموضوع بحطة ايدك

سواحة يقول...

صح الكلام
بس التنفيذ
صعب قوى
:-((

سمع هوص (Abo 3li) يقول...

wanda

انا مطلبتش بثورة...
انا بقول نحاول نغير بالتدريج...
وهنحس بالفرق..

شرفتيني..
تحياتي

Nashwa Mostafa يقول...

شركة غسيل فلل بالمدينة المنورة
شركة غسيل فلل
تنظيف فلل بالمدينه المنوره

تنظيف فلل
مع ارخص شركة تنظيف فلل بالمدينة المنورة تستطيع تنظيف واجهات الفنادق والمستشفيات والفلل وجميع أنواع الأرضيات والأبواب
غسيل فلل
شركة نظافة فلل بالمدينة المنورة
نظافة الفلل
شركات تنظيف فلل بالمدينة المنورة
شركات تنظيف الفلل
-------------------------

Nashwa Mostafa يقول...

مظلات حدائق قماش

حور يقول...

ركة الأفضل تقدم افضل شركة عزل اسطح بالرياض عملائنا الكرام كثيراً من المنازل تحتاج إلى العزل لكي يتم الحفاظ على المنزل وسلامته وبالتالي الحفاظ على سلامتكم ,افضل اسعار شركات عزل فوم مائي وحراري للاسطح وخزانات مياه الشرب ز يعتبر عزل أسطح المباني او عزل واجهات المباني من اهم انواع العزل، وذلك لانه يعمل على حماية المبنى ضد عوامل الجو ويحتفظ على درجة حرارة المبنى صيفا او شتاءا.
شركة عزل اسطح بالدمام

شركة كشف تسربات المياه بالجبيل
شركة كشف تسربات المياه بالخبر
شركة كشف تسربات المياه بالدمام

حور يقول...

نقل الأثاث بأحدث الوسائل مع التغليف الشامل للحفاظ على الاثاث بدون خدوش - سيارات مغلقة - نجاريين للفك والتركيب - عمالة محترفة - تغليف شامل... نقل اثاث بالجبيل
شركة نقل عفش بالجبيل
نقل عفش بالجبيل

حور يقول...

أتصل بأفضل شركة تنظيف منازل بالدمام  حيث لدينا افضل اسعار شركات تنظيف الشقق والبيوت بالدمام وأعلى جودة شركة تنظيف بالدمام إذاً أنت فى المكان الصحيح شركة البيت المثالى لديها افضل الخدمات الا وهى تنظيف الشقق والمنازل والفلل والبيوت إلا آخره شركة تنظيف المنازل
حل مشكله ارتفاع فاتورة المياه بالدمام
كيف يتم حل ارتفاع فاتورة المياه بالرياض ؟ التعرف علي أسباب المشكلة من خلال :- فحص صنابير المياه; فحص العداد الخاص بالمياه; حل مشكله ارتفاع فاتورة المياه بالخبر

حور يقول...

 - نقدم خدمات نقل العفش والاثاث من خلال افضل شركة نقل عفش بالقطيف رخيصة ومدربة على نقل اثاث القطيف بكل أنواعه واشكاله فى جميع ضواحى القطيف شركة نقل عفش بالقطيف
شركة نقل اثاث بالقطيف
نقل عفش الخبر

حور يقول...

معالجة تسربات الخزانات بالدمام بالخبر. ♢ إغلاف محابس المياه العمومية، لمنع دخول المياه للخزان. ♢ إستخدام ماكينة سحب المياه لشفط كل المياه الموجودة داخل الخزان ... منع تسرب المياه بالخزان بالدمام
عزل خزانات المياه الارضية بالدمام