الجمعة، 12 مارس 2010

المقامة الشملولية.. (ذكريات وكلام قديم 3)


المرة دي بقي جايبلكم حاجة خفيفة كده ... انا مش كل الكتبته زمان كان نكد يعني...
جايبكلم المرة دي مقامة... ايوة مقامة... عادي يعني...
كتبتها وانا في اولي جامعة...
كان اصحابي ال في كلية هندسة ديما يهربو من عندهم ويجو يقعدو معايا في كافتيريا الكلية بتعتي...
وكان واحد فيهم بيكتب شعر عامي كده زي عم فؤاد نجم...
المهم انه كتب قصيدة مسخرة تريقة علي الكافتيريا والكلية والروقان ال احنا فيه فيها...
بيني وبينكم كانت شوية ابيات تموووت من الضحك... للاسف مش عارف الاقيهم خاااالص دلوقتي...
وطبعا كان لازم اكتب حاجة لرد الاعتبار... ولأراقة دم حفظ ماء الوجه..... لان حفظ ماء الوجه كان يستاهل الواحد يسيح دمه....
المهم اني كتب المقامة دي... وانتشرت مابين اصحابي ... ال في هندسة.. وال معايا في الكلية..
الكارثة ان واحد من اصحابي اخدها ونشرها ب أسمي ... في مجلة عندهم في كلية هندسة....
وساعتها اتحطيت علي قوائم المطلوبين ... والممنوعين من دخول كلية الهندسة...
لما كنت بروح لحد من اصحابي هناك... وكان يعرفني باصحابه هناك... ويفضحني ويقول "هوا ده ال كتب المقامة اياها"....  كنت ديما بشوف نظرات تشجيع من الشباب ونظرات تحفز من البنات...
مش هطول عليكم... واسيبكم مع

 المقامة الشملولية,,,,


حدثنا شملول ابن جلجول وقال :
في يوم ذهبت إلي الجامعة ..لأقابل صديقي أبو لمعة .. فلقد دعاني لأنير له شمعة ..فعليه رحمة الله ,فلقد أصبحت طابية الهندسة مأواه.فيا حسرتاه....فلقد كان شابا يافعا.بين أصدقائه يانعا.وللجميلات مبهرا ومقنعا.أما الآن فلقد أصبح كالعجوز المشلول. أو كالطفل المبلول.فالرياضة شلته. والصحية خنقته . والزلازل أمرضته.والأستركشر جعلته يسب في حضرته. وقد كان شعره جميل وعوده طويل . ومن امتحاناته أصبح عليل . واقف منكسر وذليل....
وعندما وصلت إلي المكان. في الوقت والأوان. سمعت كلمة امتحان. ورأيت ما لم يكن في الحسبان. ففي ركن من الأركان . اصطف مجموعة من الشباب .. وعلي وجههم هباب. يلهثون مثل الذئاب. وعندما تحركت من بعد الثبات. وخطوت بعض الخطوات. رأيت من يسمونهم بنات. فأخذت اقلب كفا علي كف. وأنا أتعجب في أسف. فبعضهن قبيحات قبح شديد. والأخريات هاربات من التجنيد. فالعبس يعلو وجوههن. والذباب يتطاير من حولهن.... وأقول لكم في سرية.. أنهم مثل السلاحف البرية. ولا يستحقون سوي القنابل الذرية.........
ثم أخذت ابحث عن صديقي. وأنا في عجب حقيقي. وفجأة وأنا في طريقي. اصطدمت بفتاه.. فيا ويلااااااا....
فقد كان طولها عشرون زراع... وعرضها خمسون باع... ووقفت تصرخ في وجهي مثل السباع... فأيقنت الضياع...
فلقد تجمهر وجهها... ووقف شعرها... واحمرت عينها..
ومن عينها انطلق الشرار... ولفحتني حمم النار... وأحسست إنني كبكار أمام مشرط زعيم الأشرار... فيا ستاااار.....
وسمعتها تقول لصديقتها فلتحضري العدة... ولنستخدم الشدة... فحاولت الاعتذار في مودة... ولكنها ضربتني بالمسطرة وبالبرجل... فضلا عن ضربات اليد وركلات الأرجل...... ثم نظرت لي بوجهها العبوس... وأخرجت من تحت لسانها موس... فقررت الهروب.... قبل أن تصل حياتي إلي مرحلة الغروب.... فجريت من وجهها الذي يشبه وجه المذؤب...
وأخذت اشكر الله الذي أنقذني من تلك الجبلة... شبيه الغوريلا... وبنت خالة جودزيلا....
________________________________________

مع كل الاحترام والتقدير والاعتزار لكل البشمهندسين والبشمهندسات.... ده كان طيش شباب ساعتها...  انا طول عمري كل حبايبي ورفاق الكفاح وزملاء العمل من هناك...

هناك 134 تعليقًا:

ســـهــــر يقول...

هههههههههههههههههه
ياذكرياتك
انا معظم زمايلى فى الشغل مهندسين فكرتنى بقا عشان ابقا اديهم لينك مدونتك ههههههههههههههههههههههههه

دى اول زيارة واكيد مش هتكون الاخيرة يا جميل
وصباحك قهوة وفيروز كمان يلا انشاله محد حوش

سمع هوص (Abo 3li) يقول...

سهر

هههههههههه.. ايه ده؟؟ مكنش العشم... هتبلغي عني... كده هتزودي اعدائي... ههههههههه...

نورتيني في اول زيارة.. ومستني الجاية..

قهوة وفيروز... يسلاااااااااااااااام... مفيش احلي من كده..
بس احنا بقينا العصر خلاص.. يعني المفروض تقوليلي "وعصرك قهوة وفيروز كمان يلا انشاله محد حوش"... وش بيطلع لسانه...

تحياتي ياسهر

غير معرف يقول...

ههههههههههه

هجيب اختي تقرا ... بس استعد للهجوم بقا :)

عجبتني جدااا

انت ليه ما كملتش في الشعر العامي ؟

تحياتي

سمع هوص (Abo 3li) يقول...

فتاه من الصعيد

اوبااااااااااا.. اختك.. طب ربنا يستر... هيا مسلحة؟؟؟

انا مكملتش في حاجات كتير كنت بحبها...
يمكن بسبب اني كنت متوهم ان الوقود البيحركني وبيديني الطاقة جاي من مشاعري ناحية شخص معين.. لحد م الشخص ده اداني علي قفايا... وساعتها حسيت ان الطاقة راجت... والسولار شح... ههههههههه...

ولما فقت وجربت ارجع... لقيت نفسي مليش نفس... ومعدتش تفرق.. سينا من سونيا..

نورتيني يافندم

جارة القمر يقول...

هههههههههههههههههههه

يا نهارك ابيض ليهم حق يكرهوك يا عمونا على فكرة انا اخويا فى كلية الهندسة هجيبه يقرأ بقى وانت و حظك :P:P

سمع هوص (Abo 3li) يقول...

جارة القمر

هههههههههههههه... يكرهوني ليه.. ده كان دفاع شرعي عن النفس.. هههههههه... ثم كان ممكن يعتبروها زلة لسان...

وانتي كمان اخوكي في هندسة وهتبلغي عني... ربنا يستر..

دنتو طلعتو بتعزوني اوي....

انا كنت عارف انه تهور وانتحار .. اني انشرها تاني...

البلوج نور بالقمر وجارته

Unknown يقول...

دا كويس
أنهم سيبنك
عايش لحد دلوقتى
بقى ياراجل هن زى
السلاحف البرية ومش
عارفة ايه بتاعتك دى:)

Unknown يقول...

بس معلش هو
سؤال باااايخ
هى كليتك كانت
كلية ايه؟معلش
السؤال صعب شوية
لكنه العشم فى الله
وفى كرم أخلاقك تجاوبنى:)

سمع هوص (Abo 3li) يقول...

norahaty

هههههههههههه.. انتي كنتي عاوزاهم يغتالوني ولا ايه؟؟؟ ومالها السلاحف البرية... سلاحف وبرية... لو كانت سلاحف بس كان معلش...

ولا صعب ولا حاجة... هوا انتي مخدتيش بالك.... اني قلت ان الكل كان بيهرب لعندنا.. وعايشين في مية اللفت والروقان.. انا كنت كلية صياعة.. اقصد سياحة..
عارف انك لو كنتي بصيتي في البروفيل علي الوظيفة الحالية هتستغربي... اصلي لما خلصت الكلية سلكت طريق تاني خاااااااالص..

نورتيني يادكتورة

سمع هوص (Abo 3li) يقول...

بس اشمعنا؟؟

Unknown يقول...

(بش اسمعنى ههههه)
ده شؤال متوجه اليا؟
اشل انا احب اشتأكد
قبل ما اشاور؟ههههه

سمع هوص (Abo 3li) يقول...

norahaty

استني كده افكر... وش بيتلفت حواليه...
تقريبا اه... انتي... وش بيطلع لسانه..

Unknown يقول...

من غير اشمعنا
حبيت اعرف بس
ودى فيها حاجة دى!
ايوووة وشفت جنابك
البروفيل الحمد لله لسه
عندى نضر وبشووووووف:)

Tamer Nabil Moussa يقول...

ههههههههه

حلوة بجد تسلم عليها

ربنا يوفقك ويكرمك

مع خالص تحياتى

سمع هوص (Abo 3li) يقول...

norahaty

هههههههههههههههه... خلاص خلاص متزؤيش.. ومفهاش اي حاجة طبعا.. واحنا عندنا كان norahaty في البلوجر.. انتي تأمري...
ويبركلك في نضرك قادر ياكريم... P:

سمع هوص (Abo 3li) يقول...

Tamer Nabil

شكرا ياباشا... ربنا يكرمك...

تحياتي

Sarah Sobhi يقول...

:)) :))))) :))))))))))


حلوووووووه جدااااا يا ابو على

و بعدين يبصولك بتحفز ليه بس ملهمش حق خاااالص يعنى :-'' :-''

ستيتة يقول...

ههههههههههههههههههههههه
انت عايش والا روحك اللي بتكتب
يا مفترس
ياااااااااااااااا مفترس
هههههههههههههههههههههههههههه

سلاحف برية وغوريلا وجودزيلا؟
يعني معجبكش منهن ولا بنطلون ولا جونلا؟ :)

كيكى عوووووو يقول...

فهمت دلوقتى البنات كانوا عايزين يقضوا عليك ليه؟؟

وصف الاحساس يقول...

الله ..الله ..الله
ايه هو ده
طب ليه تخبيط الحلل ده
لا ده احنا كدة نعلن الحرب والتار ولا العار
هممممممممممممم
انت قد الكلام ده كله
عموما متشنكرين جدا
ونردهالك في الافراح
شكرا

سمع هوص (Abo 3li) يقول...

Sarah Sobhi

هههههههه... ظلم ياسارة ظلم... شفتي انهم كانو ظالمني... ومعندهومش حق...

شكرا ياسارة... نورتيني..

سمع هوص (Abo 3li) يقول...

ستيتة حسب الله الحمش

ههههههههه... ده شبحي هوا البيكتب...
انا مفترس انا؟؟؟ بالعكس دنا ركيك كدن كدن...

بيني وبينك... كان فيه بنطلونات كتير كانت بتعجبني... بس القافية تحكم بقي...

نورتيني يادكتورة

سمع هوص (Abo 3li) يقول...

كيكى عوووووو

البنات ديما كده ... بيبصو للجانب السلبي ونص الكوباية الفاضي...
ظلموني...

بس انا متأكد انك مش موافقة علي موقفهم... صح..

تحياتي ياكيكي

سمع هوص (Abo 3li) يقول...

wasf_elahsas

الله... هيا جات فيكي انتي... اخص عليا..ده كان طيش شباب يافندم...
ثم دي كانت معركة تهيسية بين اتنين مجانين...
اسف يافندم... تقدري تعتبريها نيران صديقة..
العفو والسماح يااهل السماح... هههههههههههه...

وبلاش موضوع الافراح ده... انا مش ناقص..

تحياتي

صمت المشاعر يقول...

ههههههههههههههههههه لا اسلوب حلو

بس فعلا هماسابوك عايش لحد دلوقت بدون

اعتقالات وتجمهرات واحتجاجات

دمت بكل خير وتوفيق دائمين

sony2000 يقول...

طب شؤال لوذعي
كتبت المقامه دي لييييييييييه
ههههههههههههه
ربنا يستر عليك ياابني

سواحة يقول...

يعنى الى كانوا بيجوا كليتك اكيد صبيان مش البنات
:-)) هما بنات سياحة كلهم حلوين على كده :-))) ؟؟

لما تهاجم كلية تهاجم بناتها يا راجل حرام عليك :-)) المهم انت بخير و عفا الله عما سلف بس نزل اعتذار فى الجرائد الرسمية :-)) الاول فىالصفحة الاولى

شكلك حتتجوز مهندسة فى الاخر :-))))))

المهم سؤال كنت جامعة ايه ؟ اكيد مش القاهرة لان هندسة و سياحة بعاااااااااااااااااااد عن بعض
و سياحة مفيهاش كافيتريا عدلة

و ايه الى وادك برمجة :-)) شكلك غاوى يا نصة :-)) طيب ممكن اناابدل معاك و اخذ شهادة السياحة جايز انفع :-)

سمع هوص (Abo 3li) يقول...

صمت المشاعر

هما سابوني علشان انا طيب وغلبان ومنكسر وعمري عمري.. مقولت كلمة في حقهم... هوا بس كان شيطان دخل بينا.. وخرج علي طول... هههههههههه..

تحياتي

سمع هوص (Abo 3li) يقول...

sony2000

كتبتها.. لاني- زي مقولت في اول البوست- دخلت معركة تهيسية مع واحد صاحبي... وكان لازمن ولابوود انتقم... ههههههههه...


نورتيني ياسوووووووووني

سمع هوص (Abo 3li) يقول...

Wanda

ال كانو بيجو صبيان وبنات وشيوخ كمان... وبنات سياحة معظمهم يأما حلوين.. يأما بيحولو.. وبيعملو ال عليهم... هههههه.. وعلي فكرة مكنتش كل بنات هندسة كده طبعا... انا مش هنسي ان احلي عنين لبنت شفتها في حياتي كانت لصديقة من هندسة...

انا قلت لو هاجمت الاتنين ممكن يعملو فيا حاجة بجد.. انما لما اهاجم البنات الشباب هيدفعو عني.. وبكده اعمل اتزان في المنطقة.. "فرق تسد".. وبالنسبة للاعتزار.. افكر... بس خليها اول الشهر... علشان مفلس...
اتجوز مهندسة.. ياريت تكون مهندسة ديكور ... كنوع من انواع التوفير...

بصي ياستي... اولا مفيش سياحة في جامعة القاهرة... السياحة الوحيدة الموجودة في القاهرة هي الموجودة في المنيل ودي تبع جامعة حلوان...
انا كنت سياحة جامعة (القاهرة فرع الفيوم سابقا) .. جامعة الفيوم حاليا...

وال وداني البرمجة هواية وهوس قلب معايا بانحراف.. اقصد باحتراف الي حد ما كده.. ولايمكن ابدا ابدل الشهادة... لاني ببساطة مش فاكر مرمية فين..

نورتيني ياوندووز... ابعت اجيب عشا؟؟

sweet angel يقول...

متخافش متخافش
أنا معرفش حد في هندسه
ههههههههههههه
بس هندسه جنبي مش بعيده
ممكن أبلغ عنك في أي لحظه
بس اهي دي الذكريات ولا بلاش

sweet angel يقول...

اية ده
حتى التعليق اخدته قبلي؟

sweet angel يقول...

كان زماني رقم 19 بدل 20

sweet angel يقول...

اية ده؟؟
ده انا بقيت 33
اية اللخبطه دي؟
طب والله لأعد التعليقات

سمع هوص (Abo 3li) يقول...

sweet angel

واهوون عليكي؟؟ ليه الاذي طيب.. كفاية السبقوكي وقامو بالواجب...

وفعلا هيا دي الذكريات الحلوة... مش زي النكد ال كنت ناشره قبل كده.. ولا انتي مقريتهوش؟؟ شكلك مقرتيش الجزئين الفاتو... روحي حالا اقريهم وتعالي احكيلي عجبوكي ولا.....


هههههههههههههههه.... معلش اني سبقتك.. ثم انا بحب رقم 20 اكتر... ثم هوا ده 20..... الله انا كل ماجي اكمل الرد القيكي غيرتي الرقم.. 20 ولا 33؟؟؟ ممممممممممم
اخر كلام؟؟؟
طيب 33 .. رقم حلو برضو ... ثم انتي الجاية متأخرة... الساعة 4 ونص ... دنا بقفل باب الكشك .. اقصد البلوج 4
... بس قلت اسيبه علشان عارفك بتتأخري...

نورتيني يااحلي ملاك

sweet angel يقول...

بس بس
أنا رقم 30
وانت سبقتني بدقيقه
يبقا أنا ليا الأولية
فأنا رقم 29
(وش مطلع لسانه)

سمع هوص (Abo 3li) يقول...

sweet angel

29؟؟؟؟؟ خلاص متأكدة؟؟؟ انا حاسس انك بتفصلي معايا..
انتي مشوفتيش اليافطة... "الاسعار موحدة وممنوع الفصال"...

sweet angel يقول...

أما أروح أقرا القدام

وبعدين هي مين دي الي بتتأخر
ههههههههههههه
أنا بنام بعد صلاة العشا
يعني دلوقت انا نمت وصحيت
يعني جاية الصبح بدري
هههههههههه

سمع هوص (Abo 3li) يقول...

sweet angel

اه اذا كان كده معلش... تنامي العشا وتصحي دلوقتي... كده اقول عليكي نشيطة... وليكي بونبوني...

والله انتي دمك زي العسل... موتيني من الضحك

sweet angel يقول...

أولا أنا مش بهزر
أنا فعلا نمت وصحيت

ثانيا
أنا روحت قريت ذكريات 1
ياعم الأرنب
يا نكد باشا
بس ياترى الأرنب لسه ميت وبطل ينط؟؟

sweet angel يقول...

أما اروح اشوف 2
وخليك فاكر الجمايل دي
بتصفح مدونة سيادتك من الموبايل لما صوابعي اتبهدلت

sweet angel يقول...

واديني قريت 2
بس بجد يعني
وبعيدا عن النكد الي فيها
شكلك موهوب من صغرك يا أبوعلي

سمع هوص (Abo 3li) يقول...

sweet angel

اولا انا كمان مش بهزر.. وش جد.. وليكي بونبوني...
ثانيا.. سلامة صوابعك.. من الموبيل.. وليه كده بس يبنتي العذاب ده...
ثالثا.. الارنب الله يرحمه.. وبعد م فضل متحول لقط فترة... بقي "ال لا شئ" ولا محصل ضفدعة حتي...
رابعا... انا قلت من الاول انه نكد..
خامسا.. تأمم الشركة العالمية لقناة... لالا مش تبعنا دي...
خامسا.. شكرا يقمر علي كلامك الحلو ده ربنا يحفظك... بس احبك تزودي كلمة "كنت" لجملة الاطراء .....

sweet angel يقول...

أوك
انت تؤمر
شكلك كنت موهوب من صغرك

سمع هوص (Abo 3li) يقول...

sweet angel

طلب اخير
طلباتي كترت انا عارف... غيري كلمة "من" وخليها "في"...

sweet angel يقول...

على فكره
كنت موهوب من صغرك
لها نفس معنى
موهوب من صغرك
ليه بقا؟؟
لأنها كده كده ماضي
انما اذا انت قصدك تقول ان الموهبه راحت
قولي وانا اقولها صريحه(وش مطلع لسانه)

sweet angel يقول...

انت مصمم بقا؟
طيب
انت يا ابو علي موهوب من صغرك ولازلت موهوب واذا ما كانش في الشعر
فانت عندك موهبه جميله في الفكاهه والسخرية البريئه وأنا متمسكه برأيي

سمع هوص (Abo 3li) يقول...

sweet angel

ههههههههههههههههههههههههههههه.... لازمن تكسفيني يعني... ماشي ماشي يامروة...
عموما يستي كتر خيرك..

انا حاسس ان الكومنتات اتقلبت شات..ههههههه

sweet angel يقول...

وبعدين فين البونبوني؟؟
ها
فين؟
عدت عليك ان انا عيله وباشبط
وعاوزه البونبوني بتاعي حالا والا هعمل انقلاب في المدونة

سمع هوص (Abo 3li) يقول...

sweet angel

هوا لسه موصلش... مع اني بعت الواد بالبونبوني من نص ساعة... معلش زمانه علي وصول... منتي عارفة السكة زحمة في الوقت ده... وانا عرفه تنك مبيركبش المترو..

sweet angel يقول...

يلا هات البونبوني الي انت وعدتني بيه لأني بنام بدري واصحا بدري
يلا بسرعه علشان الحق اناملي شوية
ههههههههههههههه

سمع هوص (Abo 3li) يقول...

sweet angel

اول ميوصل عرفيني

sweet angel يقول...

لسه موصلش
وانا حاسه بغدر

هدعي عليك انت والواد بتاعك

sweet angel يقول...

لسه موصلش
وانا حاسه بغدر

هدعي عليك انت والواد بتاعك

سمع هوص (Abo 3li) يقول...

sweet angel

لا عييييييييييييييب... غدر!! لست انا هذا الرجل... هوا تلاقيه تاه بس.. اصله مش من هنا... من هناك

sweet angel يقول...

موصلش
ياناس
الحقوني
ياناس
اكلو عليا البونبوني
يارب لو البونبوني موصلش.....
التعليق الجاي هدعي عليكم
انت حر بقا

sweet angel يقول...

أوك
هدعي على الراجل لواحده
لأ لأ لأ
الراجل تاه ملوش ذنب
أنا هدعي عليك انت

sweet angel يقول...

يارب
أي حد يعطل مسيره البونبوني بتاعي
يتكعبل وهو ماشي ويقع والناس تضحك علية
هه
بس بقا

سمع هوص (Abo 3li) يقول...

sweet angel

يساتر... وليه الاذية دي بس؟؟!! يتكعبل ماشي... انما الناس تضحك عليه كمان؟؟

sweet angel يقول...

أنا مش قصدي حاجه بسوء الظن على فكره
هو مجرد توضيح مش أكتر

سمع هوص (Abo 3li) يقول...

انتي تأمري... المهم يكون البونبون وصل

سمع هوص (Abo 3li) يقول...

سويت

انتي قلبتيها جد كده ليه... انا وربنا مفهمت حاجة اصلا.. ولا صح ولا غلط.... ههههههههههههه... ثم الميل غلط كمان اصلا.. ههههههههه...

سمع هوص (Abo 3li) يقول...

sweet angel

وربنا غلط.. وانا هضحك عليكي؟؟!!

sweet angel يقول...

وربنا صح
وهيبقا فيها حق عرب

سمع هوص (Abo 3li) يقول...

سويت

لما اقول غلط يبقي غلط... وش شيطاني شرير..

وحق العرب والاجانب هيبقي عندك... وش بيطلع لسانه المرة دي...
اقولك .. طب ابعتيلي منه اي حاجة علشان انا مش عارف الغلط في ايه بالظبط..

sweet angel يقول...

وأنا ابعتلك منه ازاي يا ذكي

سمع هوص (Abo 3li) يقول...

ذكي....... ههههههههههههه.... مينفعش ازاي؟

sweet angel يقول...

ابعت على اية يعني؟

sweet angel يقول...

ابعت على اية يعني؟

سمع هوص (Abo 3li) يقول...

ينهار اسود... وانتي كل ده مكنتيش شفتيه في البروفيل... abo.3li.code@gmail.com

sweet angel يقول...

مش راضي
تقريبا والله أعلم
الجي ميل مش بيحب الياهو

سمع هوص (Abo 3li) يقول...

sweet angel

ههههههههههههههههه... شفتي بقي... ههههههههههههههه... حق العرب عندك انتي......... وكمان ههههههههههههههه.... وشوش بتطلع لسنها مش وش واحد...

واقدر اقولك تصبحي علي خير لاني ... شايف الزراير كترت اوي عندي في الكي بورد... ده غير جنيات النوم ال بتطير حوالين ال شاشة حاليا...
خخخخخخخخخ.. ووووشششششششش... خخخخخخخ.. وشششششششش... انا نمت

إيمان يقول...

ههههههههههههههه جميله اوى
يانهار اسوح على المهندسين اللى اتشردوا
انت كده مش شفت مهندسات بنات
ههههههههه كويس انى مش مهندسه هههههههههههههههههههههه
دول مش يكرهوك بس
دول يعلقوك
دى لو بنات زى ماوصفتها
كان زمانها نفذت اللى قلته ههههههههههه
تحياتى

سمع هوص (Abo 3li) يقول...

emymony

لاااااااااااا... محدش يقدر... انا ورايا مدونين يكلو الزلط... ولا هتبعوني ساعتها؟؟!!


نورتيني يافندم..

غير معرف يقول...

متاخرة كعادتى ههههههههههههههه


ههههههههههههه
احمد ربنا انى مش فى هندسة والا كنت هتشوف حاجات تانية خااااالص ده انت بقيت بتشوف اثلا وقتها نيااااهاها

وحرام عليك اللى قلته على البنات وبعدين الطلبة فى اى كلية بيتبهدلوا مش هندسة بس

والحمد لله انك طلعت سليم من الحادثة لما خبطت فى البنت هع هع هع هع هع هع

سمع هوص (Abo 3li) يقول...

star in the sky

هههههههههه... لا منا اخدت علي التأخير بتاعك خلاص... وبلتمسلك العذر...

طب الحمدلله انك مش من هناك...

وشايف انا ضحكات شريرة متقطعة... حاسك شمتانة الي حد ما!!!

نورتيني.. تحياتي

غير معرف يقول...

لا يا عم واشتم ليه

اكتر حاجة بكرها الشماته فى حد
محدش عارف فى ايه بكرة

ثم تعاااااااااااالى هنا

فين الزتونة بتاعة البوست ده ها ؟

سمع هوص (Abo 3li) يقول...

star in the sky

هههههه.. وانا كل مرة انا الهطلع الزتونة؟؟!! المفروض انك خلاص بقيتي خبرة في الزتون وتعرفي تطلعيه لوحدك...هه... ايه الزتونة المرة دي؟؟!!

TIMMY !! يقول...

هههههههههههههه

يعني طلعت حاسبات يا أبو علي ... من الأعداء يعني :)

بس مقامة جامدة يا هندس ,

مش عارف ليه بنات هندسة فعلا في كل مكان شكلهم كده ,
متهيأ لي علشان هندسة ما تنفعش غير للرجاله ,
فمل بيدخلوها ... بيتعدوا !! :)

تحيتي

سمع هوص (Abo 3li) يقول...

TIMMY

لا متقلقش مش هنبقي اعداء... انا مش حاسبات... هنفضل اصدقاء...

ههههههههههه... لا مفتكرش موضوع العدوي ده السبب... افتكر انهم مبيهتموش بنفسهم لما يدخلو هندسة...

بس علي فكرة بيكون فيه بنات حلوين جداااا.. في هندسة... وبيكونو واخدين بالهم من نفسهم كويس جدا.. بس مش كتير...

نورتني ياباشا

فكرة من الزمن ده يقول...

جميلة المقامة عجبني اسلوبك
لكن لو انا من بنات كلية هندسة لا يمكن اقبل الاعتذار الا بمقامة مديح
كنت بس باهدي النفوس
تحياتي

Single Mummy يقول...

لسة ليك عمر يا بن بلدى وهو دا اللى خلاك تنفد من ايدين بنات الهندسة..بس عارف بينى وبينك كدة من غير ما حد يسمعنا (زودتها حبتين) معلشى انا جاية اهدى النفوس

خلى بالك من نفسك
تحياتى

سمع هوص (Abo 3li) يقول...

فكرة من الزمن ده

شكرا بجدا..
افتكر انك لو كنتي مكنهم مكنتيش قبلتي اعتزاري اصلا... هههههههههه.. وهيبقي معاكي حق.... وش مكسوف



نورتيني

سمع هوص (Abo 3li) يقول...

Single Mummy

ههههه... ده ربنا هوا البينجي عبيده... بصراحة انا عارف اني فعلا زودتها ساعتها شويتين... بس كانت الحرب مستعرة ساعتها... وكان لازم استخدمم كل الاسلحة...
وربنا يخليكي....
سلامي وتحياتي يابلدياتي

غير معرف يقول...

ان الواحد المهم يخلص الكلية ويشتغل فى حاجة فى بيفهم فيها وقادر ينجح فيها ويكون شكله فى الكلية زى ما يكون
اهى بقى الزتونة


تصدق ان لما بتدل الكلية بفتكر اغنية ايام وبتعدى ولا ايام وبنعيشها والله ما فاكرة ههههههههههههههه

سمع هوص (Abo 3li) يقول...

star in the sky

ايوة كده... برافوو عليكي.. هوا ده... اهم حاجة انك تطلعي زتونة ملهاش علاقة بالموضوع...ههههههههه....

"تصدق ان لما بتدل" .. يعني ايه؟؟؟ مش فاهم؟؟

غير معرف يقول...

ما انت مش فاهم
هما كده بتوع ادبى اللى زى حالاتى بيشوفوا اللى محدش يقدر يشوفه
مش بطلع زتونة ملهاش علاقة بالموضوع
وش بيطلع لسانه
مش عارفة ليه ما اول ما دخلت النت وبدات اتعلم قلة الادب ههههههههههههههههههههههههههههههههه

ذلة كيبورد معلش اصلها بعافية شوية

اقصد ان لما بدخل الكلية بفتكر اغنية ايام وبنعيشها او بتاعة ايام وبتعدى

سمع هوص (Abo 3li) يقول...

star in the sky

ممممممممم... بقي كده... طيب... منتي برضو شريكتي في مشروع الزتون ولازمن تنزلي بأنواع زتون جديدة... انا بشجع روح الابتكار...

طب هتتخرجي امتي... انتي بقالك كام سنة من ساعة مدخلتي... لسه معدتيش نص المدة...
ومتقوليش علي نفسك كده... انتي بنوتة مؤدبة وزي العسل...
والف سلامة علي الكي بورد...
ايه ايام وبتعدي دي.؟؟؟؟ مفيش حاجة اسمها كده... متلخبطينيش انا مش ناقص... هههههههه

غير معرف يقول...

ههههههههههه ايوة حلوة روح الابتكار ده شجعنى كمان

الله يخليك ده من ذوقك بس اكيد مقصدش قلة الادب هههههههههههههه

للاسف لسة اول سنة ليا فى الجامعة

بما انى شخصية عونيدة اوووى ومبحبش حد يغلطنى لو كنت متاكدة من حاجة فعدت ادور على الاغنية بس للاسف طلع مفيس
اعمل ايه انا بقى دلوقتى

يلا لاص ايام وبنعيشها ايام وبنعيشها

سمع هوص (Abo 3li) يقول...

star in the sky

وليه للاسف؟؟؟ يبنتي دي هتبقي احلي سنين في ذاكرتك ان شاء الله...
ربنا يوفقك...
وانا عيندي اكتر منك بمراحل... ومش محتاج ادور لاني ديما متأكد من البقوله... وش تنك.. ووش بيطلع لسانه... هعهعهعهعهعه

غير معرف يقول...

متنرفزنيش خلاص بقى

بدل ما الغى كل الاتفاقيات و اعمل حظر دخول للمدونة دى

وابقى لم الزتون لوحدك
هههههههههه

سمع هوص (Abo 3li) يقول...

star in the sky

خلاص خلاص... دحنا شركا.. مش كده...هنخسر تجارتنا علشان اغنية...

NeVeN يقول...

هههههههههههههههههههههههه


ايه يا ابو على الكلام الجامد دة
والمقامات التحفة دى
ياراجل دة انا كنت هموت من الضوحك
ايه الناس دى
انا هخاف اعمل حاجة لتخبطنى مقامة بهدلة كدة

بس رد اعتبار مفيش لا قبله ولا بعده
وبعد كدة بقا اى مهندس هيكلمنى هخبطه المقامة دى



عاوزة اشوف مقامات جديدة كتييييييييييير اوى


مساءك مقاماتى :)

NeVeN يقول...

نسيت اقولك ان الافندى بتاعى بشمهندس


هههههههههههههههههه

سمع هوص (Abo 3li) يقول...

NeVeN

موتشكرين علي الكلام الفولالي ده...
اومال ايه... واحنا هنسيب حقنا بالساهل كده... نيهانيهانيها...

وامانة عليكي متبغلي سي الاستاذ الجماعة... بلاش نكتر اعدئنا اكتر من كده... ههههههههههههه...

صباحك زي الفل

جمعية الباحثين والتدريسيين الجامعيين - العراق يقول...

شكرا على المدونة

-_- يقول...

احترمت مدومنتك جدا و صعبت بسبب الشقة لاني بدور زيك !!


شارم
www.sharmlifeblog.com

الكاتب الاسلامى محمد يوسف المليفى يقول...

شكرا على المدونة

أسماء حسين يقول...

هههههههههههههه
على فكرة انت جامد جدا فى الشعر العامى جرب تستمر
بس انت كدة فتحت نيران غير صديقة عليك من كل اتجاه دة نص شعب مصر فى هندسة او تجارة
مش عارفة ليه
وأنا بما ان ابن عمى فى هندسة وبيعتز بكليته جدا هتلو عليه قصيدتك الرائعة دى
واستمتع بقى بالشماتة
:)

سمع هوص (Abo 3li) يقول...

جمعية الباحثين والتدريسيين الجامعيين - العراق


الشكرلله...

تحياتي

سمع هوص (Abo 3li) يقول...

Sharm

شكرا ياباشا...

وربنا يوفقك في بحثك... لو احتجت اي مساعدة انا في الخدمة...

تحياتي

سمع هوص (Abo 3li) يقول...

الكاتب الاسلامى محمد يوسف المليفى

البلوج نور

تحياتي

سمع هوص (Abo 3li) يقول...

Boky

ربنا يخليكي ده من زوقك.. وادينا بنحاول اهو...

مش عارف ليه كل الناس داخلين يجاملو وهيبلغو عني...

البلوج نور... ومستني الزيارة الجاية ان شاء الله..


نورتيني ... تحياتي

4mp4.net يقول...

المدونة رائعة شكرا لك ..

websites directory يقول...

شكرا على المدونة الرائعة ,:))) و فين الشاى؟

how to do يقول...

شكرا على المدونة

سمع هوص (Abo 3li) يقول...

4mp4.net

شكرا جزيلا

سمع هوص (Abo 3li) يقول...

websites directory


العفو... والشاي علي النار... كام معلقة سكر؟؟

سمع هوص (Abo 3li) يقول...

how to do

عفوا.. وشكرا علي التعليق والاهتمام

search engine 4send يقول...

شكرا على مدونتك الرااااااااائعة

جديد المواقع يقول...

اشكرك على هذة المدونة الرائعة

ابحث يقول...

شكرا جزيلا على هذة المقالة الجميلة

بحث الويب يقول...

شكرا على مجهودك الرائع

all new articles يقول...

شكرا على المدونه الجميلة و بالتوفيق دائما

مؤسسة الخليج للوساطة التجارية يقول...

المدونة رائعة شكرا لك ..

دليل اشتغاله يقول...

شكراااااا على مدونتك الرائعة

best medical websites يقول...

شكرا جزيلا على هذة المقالة الجميلة

مكتوب السعودية يقول...

اشكرك على هذة المدونة الرائعة

الدكتور فهد الوهبى يقول...

المدونة رائعة شكرا لك ..

نادى الهلال السعودى يقول...

شكرا جزيلا على هذة المقالة الجميلة

afdal.net/dale يقول...

شكراااااا على مدونتك الرائعة

how to do it easy يقول...

المدونة رائعة شكرا لك ..

سوق الرنان الالكتروني يقول...

مدونتك رائعه.....شكرااا لك

منتديات الرنان يقول...

شكرا جزيلا علي مدونتك الرائعه

for allah يقول...

مدونتك رائعة .. اعدك بالزيارة الدائمة انشاء الله .. كل التوفيق

الشاعرة حنان بديع يقول...

مقالتك اكثر من رائعه...بالتوفيق دائما

whois domain find يقول...

شكراااااا على مدونتك الرائعة

منتديات مكتوب السعوديه يقول...

قلمك رائع .. شكرا لك ..واعدك بالزيارة

قناه مكتوب السعوديه يقول...

شكرا على المدونه الجميلة و بالتوفيق دائما

جمعية كيان يقول...

اشكرا كثيرااا...مدونتك اكثر من رائعه

الشيخ وجدى غنيم يقول...

شكرا جزيلا علي مدونتك الرائعه

all uk sites informations يقول...

شكرا على مجهودك الرائع

مواقع الاطفال يقول...

مدونه مميزه ورائعه...شكراااا لك

pagerank checker tool يقول...

مقاله رائعه ومميزه جدااا...بالتوفيق دائما