الأحد، 25 أبريل 2010

حبيبـــــــــــة


النهاردة الميعاد الدوري اني اكبس عليكم بحاجة قديمة... من سلسلة "ذكريات وكلام قديم"..... ال مشفش منها حاجة 
يرووح يراجع بسرعة احسن له...
الجزء الأول الارنب والقطة  و الجزء التاني منغير اسباب و الجزء التالت المقامة الشملولية ....


والنهاردة جايبلكم حاجة خفيفة كده... ممكن تسموها شعر نثر اغنية خاطرة... ال تشفووه...
وعنونها: حبيبة....

حبيبة


قلبي زمان سماكي حبيبة
جوه عيوني... لقلبي قريبة
دوا لجروحي وللعلة طبيبة
نظرة عينيكي...
لمسة ايديكي...
خوفي عليكي...
حاجة غريبــــــــــــــــــــة....

ايوه بحبك ...  بدوب في هواكي
ايوه انا نفسي أعيش جواكي
ايوه بحب ...  ولا بحب سواكي
جمال العيون...
ظل الجفون...
شجرة زيتون...
مكان أشواكــــــــــــــــــــــــي....

كلمة جميلة للإنسان
بس كبيرة... صعبة كمان
أجمل كلمة يقولها لسان
لحظة قرب..
شوق القلب..
كلمة حب..
بقلها زمـــــــــــــــان.....

نفسي أقولها وعايش بيها
واسمع منك رد عليها
ولو حساها ليه تخبيها
ايوه زمانك..
هو مكانك..
وعلي لسانك..
يالا سبيهـــــــــــــــــــا.....

واسمع جوه كياني صداها
فجر حياتي صبحها وضحاها
شمس كبيرة سراج جواها
ورود وزهور..
نجوم وبدور..
عصافير وطيور..
ترفرف في سماهــــــــــــــا......

هناك 60 تعليقًا:

غير معرف يقول...

اووووووووووووووووووووول تعلييييييييييييييييييييييييييييييييق

غير معرف يقول...

لا لا لااااااااااااااا


انا مش مصدقة عنيا الاتنين


الاوووووووووووووولى

غير معرف يقول...

تاااااااااااااااالت

بقى من نفسى

غير معرف يقول...

افررررررررررررح يا عم

الفيلسوفة سابقا

والصحوفية مستقبلا

منورة البلوج

لا وايييييييييييييه التعليق الاول

لا بجد مش مصدقة

ههههههههههههههههههههههههه

غير معرف يقول...

بيتهيالى كفاية كده


احسن تطردنى من البلوج

وتعمل لى حظر دخول

غير معرف يقول...

بص بقى

بجد عجبتنى موووووووووووت

فيها مشاعر واحساس جميل اوووى
وحب ورقة وحنان وحاجات كده جوه بعضها بس زى العسل

غير معرف يقول...

لا لا لا لا


بس بجد مش مصدقة نفسى

sony2000 يقول...

ايه ياعم الجو الجامد ده
طب ممكن اقرررررر ولا احقد
ههههههههههههه
لا بس بجد كلمات عجبتني جدااااا:)

غير معرف يقول...

السلام عليكم
حلواوى الشعر ده بس المعانى ده خلاص
مفعولهاانتهى من دنيتنا دى
تعرف قلبى مابقاش يحس بالكلام ده
زى ماكون جهاز ومش قابل الشفره دى
او فقد تعريفاته زى الكمبيوتر
تقبل مرورى
تحياتى

سمع هوص (Abo 3li) يقول...

star in the sky

ارد علي انه تعليق في السبعة؟؟؟ هههههههههههههههههههههه....
مبرووك عليكي المراكز السبعة الاولي يستي...
ههههههههههه...

والحمدلله انها عجبتك..

منوراني ياقمر

سمع هوص (Abo 3li) يقول...

sony2000

هتقري علي ايه بلا خيبة....
كويس اوي انهم عجبوكي... انا مش طمعان في اكتر من كده... ههههههههههههه...



نورتي البلوج... تحياتي

سمع هوص (Abo 3li) يقول...

الشـوكة الــنـاعـمـة

تقريبا مش انتي بس... انا كمان تعريفات المشاعر دي ضاعت من عندي...
زي منتي واخدة بالك دي حاجات قديمة بطلعها لما مبلقاش حاجة اكتبها...

نورتيني في اول زيارة... ويارب متكونش الاخيرة....

فراشة يقول...

ياصباح الياسمين وزقزقة العصافير

يعني اصحى من النوم الاقي بوست رومانسي وذكريات امل الحاجات القديمه شوية حزن على حب فات وارانب وقطط ولا المقامه دا انا ضحكت ضوووحك :)
قريت منوعات مش عارفه بقى استقر على اي حاله فيهم بس كلهم عجبوني بجد وكل واحده بتحمل فكرة وذكرى حلوه واحلى حاجه انهم من ايام زمااان اللي الكلام والاحساس بجد بيبقى طالع من القلب قوي

كلام جميل قوي تسلم ايديك يا ابوعلي

E73 يقول...

بسم الله الرحمن الرحيم
السلام عليكم ورحمة الله وبركاته

عجبتني جدا كلمة أعيش جواكي دي
بجد مختلفة الناس كتير بتقول أعيش وياكي اعيش معاكي لكن جواكي!! أعمق وأحلى

ربنا ينولك حبيبة بقى

sweet angel يقول...

جميله خالص والله
بجد جميله جدا
موهوب من صغرك يا ابني

بس عارف آخر بيت
ترفرف في سماها
لو بقت " تطير في سماها "
تكون اسهل واحسن في الوزن

آه أنا زعلت خالص انك مش جاي
وبعدين قولتلك حدد المعاد الي يناسبك
دي المنصوره قريبه
الا انت من فين اصلا؟

sweet angel يقول...

جميله خالص والله
بجد جميله جدا
موهوب من صغرك يا ابني

بس عارف آخر بيت
ترفرف في سماها
لو بقت " تطير في سماها "
تكون اسهل واحسن في الوزن

آه أنا زعلت خالص انك مش جاي
وبعدين قولتلك حدد المعاد الي يناسبك
دي المنصوره قريبه
الا انت من فين اصلا؟

غير معرف يقول...

كده زعلتني اكتر انك بطلت تكتب ... كمل يا ريت وارجع اكتب تاني

الكلام جميل اوي ومتقوليش ان كان في الهام واختفى ... في بادره موهبه ..

الملهم يفجر الموهبه ولا يوجدها :)

تحياتي

غير معرف يقول...

قلولي اني ممكن الاقي عندك شوية شاش قديم , عايزه بجنيه و نص اذا سمحت ! مي

من كل بستان زهرة يقول...

أبو على

لأ لأ لأ
متفقناش على كده
بلاش لعب في الي فات
يابني سيبك من كلام الحب ده مبيأكلش عيش

خليك انت بس في أفلام الرعب والله هتكسر الدنيا

هي جميله بس أنا مليش في الكلام الرقيق ده

ياريت الي جاي يبقى رعب شويه


تحياتي

خواطر شابة يقول...

نفسي افهم حاجة هو في الاول كنت تتكلم بصيغة الماضي
"قلبي زمان سماكي حبيبة."
وبعدين اصبحت تتحدث بصيغة الحاضر
"نفسي أقولها وعايش بيهاواسمع منك رد عليها"
بس بالمجمل الكلمات جميلة والمشاعر المعبر عنها أجمل

سمع هوص (Abo 3li) يقول...

E73

وعليكم السلام ورحمة الله وبركاته
شكرا بجد علي ذوقك ربنا يكرمك.. وشكرا اكتر علي الدعوة...


زيارتك بتنورلي البلوج...
تحياتي

سمع هوص (Abo 3li) يقول...

sweet angel

تطير؟؟ مونكن برضوو... بس بتهيألي ترفرف فيها سعادة اكتر وانطلاق اكتر مش مجرد طيران...

ومعلش بقي يامروة تتعوض ان شاء الله... والا انا فين... انا خمس ايام في كايرو ويومين في الفيوم..

منوراني..

سمع هوص (Abo 3li) يقول...

فتاه من الصعيد

انا برضو زعلت لفترة وبعد كده خلاص.... واوعدك اني ممكن احاول...

_____________
بس شوفيلي صوباعين ديناميت علشان نفجرها... هههههههههههه...
_____________


الاهم اني مبسوط يكلامك وتشجيعك... ربنا يكرمك...

نورتيني... تحياتي..

سمع هوص (Abo 3li) يقول...

الغير معرف "مي"

اشمعنا يعني "قديم"... مبشتغلش في المستعمل....

سمع هوص (Abo 3li) يقول...

من كل بستان زهرة

هههههههههههههههههه..... تخيلي بقي ان انا حاليا ولا ليا في كلام الحب ده... ولا كان عمري ليا في الرعب...

بس البوست الجاي ان شاء الله هيبقي هايف من البيأكل عيييش... متقلقيش... ههههههههههههه...

سمع هوص (Abo 3li) يقول...

خواطر شابة

صيغة الماضي دليل انه بيحبها من زماااان... بس حبه جواه قلبه ... ومبحش بيه ليها... وفي الحاضر حاليا قرر انه يصرحها بحبه ده.. وهيستني ردها عليه...
بس كده..

صباحك شيكولاتة..

أسماء حسين يقول...

صباحك ورد يا ابو على يا جميل
كيفك هذى الايام

أسماء حسين يقول...

بجددددددددددد
لالالالا روعة
بجد جميلة

ايوة أنا نفسى اعيش جواكى
عارف الجملة دى فيها معانى واحاسيس اد ايه
احساس انك تبقى جوة اللى بتحبه
احساس جميييييييل

بجد البوست دة عمللى حالة شعورية جميلة جدا
تسلم ايدك

سواحة يقول...

:-) تصدق مش عارفة اعلق
اتكبست تعليقيا من كل الحبايب الى بتعلق :-))))
المهم صحيح
بمناسبة البوست السابق قراته على الريدار يعنى العداد بتاعك ميطلعنيش :-))))
لما قراته قولت خير ابو على شرب شاى مضروب و الا انا من المذاكرة مبقتش بفهم حاجة و بعدين لاقيت الاغنية و قولت ظلمتك :-)
الا فيه ناس بتبيع كلام بالشكل ده وناس بتغنيه و ناس بتسمعه و تشتريه فى شرائط و سى ديهات يلهوىىىىى انا ارجع بلوتو ثانى احسن :-))

صحيح الماضى بقى حاضر و الحليب بقى قشطة (الله اكبر علشان منقرش)

سمع هوص (Abo 3li) يقول...

Boky

صباحك ويومك فل وياسمين... انا الحمدلله مازلت اتنفس...

حالة شعورية جميلة.. مرة واحدة؟؟؟ انا كده هتغر... هههههههههه... بس كويس انك ابتسمتي وانتي بتقريها.. دي كفاية...

نورتيني يابوكي ياسكرة..

سمع هوص (Abo 3li) يقول...

Wanda

واندا بنت عمي عندنا... يامرحبا يامرحبا...

وبمناسبة البوست السابق... لولا اختلاف الاذواق لبارت السلع... ههههههههههههه...


صباحك مشمس... طالما بتحبي الشمس..

صيدلانيه طالعه نازله يقول...

ماذا اقول بعد كل ما قيل
و انا رقم 31 كده حرام بصراحه
يا ست ستار سكاى و يا ست سويت انجل
انا نفسى ابقى اول تعليق حرام عليكوا

سمع هوص (Abo 3li) يقول...

صيدلانيه طالعه نازله

ههههههههههههه... ايه الحقد ده... اتشطري كده زيهم... وبطلي تيجي متأخرة...

ستيتة يقول...

طيب يا عم ما انت بتحب بالطريقة العادية أهو وماشي زي الفل واخر رومانسيكية
امال ايه القصة بتاعة امبارح؟
بتاعة عانقيني ثم أيه ثم فله يا بنت الإيه:)

سمع هوص (Abo 3li) يقول...

ستيتة حسب الله الحمش

الحب حالات يادكتورة ... وانا برضو ال هقولك... ساعات فوووق فووووووووق وساعات تحت تحت... ههههههههههههههههههه...

لــــ زهــــــراء ــــولا يقول...

ابو على

تحفه بجد بجد
المشاعر عاليه جدا وصادقه اوى اوى

بس ياترى لسه فى حد بيفهم فى المشاعر دى وبيقولها كده .....
فى زمن الماديات اصبح كل شئ له تمن وحساب وليس هناك وقت للمشاعر او الاحاسيس

تسلم الايادى

زهراء

سمع هوص (Abo 3li) يقول...

لولا وزهراء

بتهيألي مفيش..... ولا انا ولا غيري... انا عن نفسي لو حولت اكتب حاجة تانية كده دلوقتي مش هعرف....

نورتيني يازهراء ياقمر

Unknown يقول...

احم احم
سلامو عليكو

بجد جميلة جدا
احساس حلو قوي وكلمات رقيقة
بجد تسلم ايدك

شكراااااااااااا

سمع هوص (Abo 3li) يقول...

انسان عادي

احم احم.. وعليكم السلام..
بجد شكرا اوي علي الزيارة والذوق في التعليق.. ربنا يكرمك...

شكرا

صيدلانيه طالعه نازله يقول...

رائعه يا استاذ ابو على
و الله مش عارفين من غيرك كنا عملنا ايه
حلو البوقين دول

اى خدمه يا فندم

MONTY يقول...

خفيفه وجميله ياا بوعلى تسلم
حلوه اوى بجدورقيقه ورومانسته وتحب تقراها كتير , تسلم
اعد بالعافيه

ســـهــــر يقول...

اة يا ابو على يا عكروت
حلوة عكروت دى ؟

بقا تطلع رومانسى كدة
حلوة جدا وخفيفة زى روحك يا ابو على
تحياتى ليك

سمع هوص (Abo 3li) يقول...

صيدلانيه طالعه نازله

هههههههههههههههههههههههههه... هيا بقت كده؟؟!! ماشي ماشي...

سمع هوص (Abo 3li) يقول...

MONTY

زي جالكسي فلوووتس لذتها في خفتها... هههههههه...

شكرا ياقمر علي ذوقك..

اعدي بالعافية..

سمع هوص (Abo 3li) يقول...

ســـهــــر

عكرووت ولا جن؟؟ لازم تحددي؟؟
ولا هتمشي جن عكرووت؟؟ هههههههههه..

لالالالالالا... انتي فاهماني غلط ... ولا رومانسي ولا بتاع... خلاااص زمن ال هاه راااااااح... ههههههههههه...

وشكرا ليكي ياسهر ياجميلة,,

تصبحي علي خير..

القمرالباكي يقول...

السلام عليكم ورحمه الله وبركاته

ايه الرومنسيه دي
عيزين ديما الكلام الحلو ده
عشان مش موجود فالحقيقه نشوفه فالمدونات
تسلم ايدك

سمع هوص (Abo 3li) يقول...

القمرالباكي

وعليكم السلام ورحمة الله وبركاته,

هههههههههههه... علي رأيك هيبقي ولا في الحقيقة ولا في البلوجز...

منوراني...
صباح الفل

Ms Venus يقول...

جميلة اوى يا ابو على


تحية ليكى ولاحساسك

سمع هوص (Abo 3li) يقول...

Ms Venus

شكرا بجد لذوقك...

تحياتي

Kiara يقول...

الله الله الله

احساس مغلف بكلام

الاحساس غالب ودا مجملها

جااااااااااااااااامده بجد

سمع هوص (Abo 3li) يقول...

كيــــــــــــارا

الجميلة كيارا منوراني...
شكرااا يقمر... ربنا يكرمك

الـسـيـدة نـون يقول...

لسة ماقريتش البوست
ومش جاية بصراحة علشان اقراه

ولكن ورايا مشاوير وطلبت معايا انى اصبح عليك قبل ما انزل

واقولك صباحك بيضحك يا ابو على


خد بالك من نفسك

سلام
اختك خيخة

سمع هوص (Abo 3li) يقول...

بت خيخة وأي كلام

ينهار ابيض... نورا عندنا ... يادي النور يادي الهنا... ههههههههههه...

مش لازم تقري.... كفاية عليا الصباح....

يارب تكوني بخير...

صباحك بيغني يانوران...

Unknown يقول...

كلمة جميلة للإنسان
بس كبيرة... صعبة كمان
أجمل كلمة يقولها لسان
لحظة قرب..
شوق القلب..
كلمة حب..
بقلها زمـــــــــــــــان.....

.............
ايه دا !
دا أنت شاعر
بس متخفى بقى!
بجد شعر جمييييييل

كيكى عوووووو يقول...

قلبي زمان سماكي حبيبة
جوه عيوني... لقلبي قريبة
دوا لجروحي وللعلة طبيبة
نظرة عينيكي...
لمسة ايديكي...
خوفي عليكي...
حاجة غريبــــــــــــــــــــة....

ايوه بحبك ... بدوب في هواكي
ايوه انا نفسي أعيش جواكي
ايوه بحب ... ولا بحب سواكي
جمال العيون...
ظل الجفون...
خايفة اعلق لاحسن ابوظ كلامك

كيكى عوووووو يقول...

عديت الكبارى يامعلم

سمع هوص (Abo 3li) يقول...

norahaty

اه متخفي... علشان الضرايب... ههههههههه...
دي حاجة كده علي قدي...

وشكرا يافندم علي ذوقك ربنا يخليكي...

تحياتي

سمع هوص (Abo 3li) يقول...

كيكى عوووووو

طيب محددتيش انه كبري بالظبط؟؟ كوبري اكتوبر؟؟ ولا كوبري صغير علي قدي .. ههههههه...

يستي علقي متخفيش... الطبخة مش هتبوووظ... ههههههههههههه...


نورتيني ياكيكي..

عايشه لنفسي يقول...

اول مرة اشوفك ررومانسي ياحسب الله

بس صدقنى مبقاش موجود في الزمن دة الحب والرومانسيه
الصدق والطيبه والوفاء اخرهم احلا الم يامعلم
يبقي الاحسن تعيش ظالم من انك تعيش مظلوم "دا مبدئي الجديد منصحش حد يطبقه لان اخرته وحشه عند ربنا بس معزورة ياخويا اصلي دفعت تمن الاخلاص والوفاء دة"

سيبك انت الاحساس عااااالى بجد والله تحفه
تسلم ايدك

سمع هوص (Abo 3li) يقول...

عايشه لنفسي

حسب الله؟؟!! ههههههههههههههههه...
وانا زيك بالظبط.... لو اخدتي بالك هتلاقيني كاتب ان دي حاجات قديمة...
انا دلوقتي حسب الله بكل معني الكلمة... هههههههههههه...

شكرا علي ذوك ربنا يكرمك...
منوراني ...